!!! ايه اللى حصل

فى احد فنادق مرسى مطروح المنعزله

وفى يوم واحد من شهر مارس

جاء زبون لصاحب الفندق و سأله هل الغرفه رقم 39 فارغه .....؟؟؟؟

اجاب صاحب الفندق نعم انها فارغه !!!!

فسأل هل يمكن ان احجزها فقط ليله ؟؟؟

اجابه نعم !!

وبالفعل حجز الغرفه وصعد اليها

ولكن قبل ان يصعد طلب من صاحب الفندق سكينه سوداء

وخيط حرير ابيض طوله 39 سم

وحبه برتقال واحده وزنها 72 جرام

تعجب صاحب الفندق من الطلبات الغريبه لكنه احضرها له وصعد اللى الغرفه ولم يطلب لا اكل ولا شرب ولا اى شئ اخر !!!!!

ولسوء الحظ ان غرفه صاحب الفندق مجاوره للغرفه 39 ...

وبعد منتصف الليل

سمع صاحب الفندق اصوات غريبه جدا جدا داخل الغرفه .....!!!!

كأنها اصوات حيوانات مفترسه وسمع اصوات تكسير وضرب

وشعر كان الغرفه اصبحت كومه من الرماد .......!!!!!

بات الليل يفكر ما ذا يحدث داخل الغرفه 39 ...؟؟؟

وفى الصباح وقبل ان يغادر الزبون ....

طلب صاحب الفندق ان يعاين الغرفه قبل مغادرته وبالفعل صعد صاحب الفندق الى الغرفه لكن وجد كل شئ كما هو وخيط الحرير فى مكانه والبرتقاله كما هى والسكينه فى مكانها ....!!!!

ودفع الزبون حساب الليله بأجر مضاعف كما انه اعطى بقشيش اكثر من حساب الغرفه .......!!

ومضى عام

وكان قد نسى صاحب الفندق الموضوع برمته

وفى يوم واحد مارس من العام التالى فوجئ صاحب الفندق بنفس الرجل

وعندما رأه تذكر ما حدث العام الماضى ....؟؟؟؟

وطلب الزبون الغرفه رقم 39 وطلب سكينه سوداء ،،، وخيط حرير طوله 39 سم ،،، وبرتقاله وزنها 72 جم ،

وقرر صاحب الفندق ان يراقب ليعرف ماذا يحدث .....!!!!

وبالفعل ظل صاحب الفندق طوال الليل سهران يترقب

وبعد منتصف الليل بدأت الاصوات ذاتها التى سمعها العام الماضى

وسمع نفس التكسير والخبط ولكن هذه المره كانت الاصوات اشد ....

كانت اصوات مبهمه غير مفهومه ....!!!

وفى الصباح

رحل الزبون ودفع الحساب مضاعف

وبقى صاحب الفندق يتساءل عن هذا الاصوات وعن اختيار الغرفه رقم39

وعن وزن البرتقاله وعن طول الخيط الحرير وعن السكينه ؟؟؟

وظل طوال العام يترقب اول ايام شهر مارس ؟؟؟؟

وبالفعل فى صباح اول ايام شهر مارس من العام الثالث

حضر الزبون نفسه وطلب الاشياء ذاتها ..... والغرفه ذاتها ....!!

وبقى صاحب الفندق سهران وسمع نفس الاصوات بذاتها لكن كانت هذه المره اقوى بكثير من العام الماضى ....... !!1

وفى الصباح وقبل ان يرحل الزبون وعندما جاء ليدفع الحساب

قال له صاحب الفندق انا اريد ان اعرف السر ...!!!!

قال اذا قلت لك السر تعدنى ان لا تخبر اى احد على الاطلاق ....!!1

قال صاحب الفندق اعدك انى لا اخبر اى حد مهما كان ....

قال تقسم على ذلك .....؟؟؟

قال له صاحب الفندق

اقسم على ذلك ....!!

وبالفعل

صاحب الفندق

لم يخبر اى احد بالسر حتي الآن

بس يا ترى ايه اللى حصل يوم واحد مارس

لو حد عرف يبقى يقولى

ونشوف مين اكثر واحد او وحده يخمن معرفه اللى حصل

لحسن الفضوووووول ح يقتلنى

ينوبكم فيا ثواب

وهنيالك يا فاعل الخير والثواب

وحسنه قليله تمنع بلاوى كتيره

حررررررررام

خلتوووووووونى اااااااااشحت

ههههههه

 

أنشر الموضوع فى المفضلات الاجتماعية من هنا

خمسه فرفشه

أنشر الموضوع فى المفضلات الاجتماعية من هنا

نصيحه .... بس متعمليش بيها

 وانا بلف فى بعض المنتديات لفت انتباهى نصيحه للزوجات  

احب اوصل لكم النصيحه

بس خلوا بالكم  عايزين  تنفذوها تبقى على مسئوليتكم الشخصيه

و اناااااااااااااااااااااا

 أ حم ... أ حم  بالاصاله عن نفسى

 و من منبرى هذااااااااااااا بخلى مسئوليتى تمااااااااااااااااااما

من حدوث أى عواصف رعديه

وهبوط امطار غير شتويه واعاصير وزلازل

وبراحتكووووووووووووا

ازاى تنكدى على زوجك وتطلعى عنيه

- داومي على السهر على التلفزيون

وعدم الاستيقاظ معه صباحا، حتى يحس بقدرك وقيمتك.

-  امتنعي عن دخول المطبخ واعداد الوجبات، ومن الافضل ان تطلبي وجبات جاهزة من المطاعم، فتضمني راحة بالك وخلو جيبه.

-  اظهري له بكل قباحة وبشاعة: شعر منكوش

ماكياج زفت وثياب مبهدلة كأنك استلفتها من احدى المتسولات، حافظي على معدل ثابت لزيادة وزنك ويا ريت يكون كم كيلو شهريا.

-  داومي على التنكيد عليه هاتفيا.. فينك ؟؟ ليه تأخرت بره؟ مع مين كنت؟

 وهكذا اسئلة مهمة تجعله يرتبك ويتلعثم اينما كان.

- اهملي البيت والاولاد، لا تنظيف ولا ترتيب.. لا مراجعة دروس الاولاد.

-  اكثري من شايات الضحى وقهوات العصر وجمعات الستات التي تناقش القضايا المهمة!!

-  تكلمي على الهاتف بالساعات وننصح هنا باستخدام المحمول كون الهاتف الارضي ببلاش.

-  افتعلي خناقة كل يوم عند وصول الزوج العزيز الى البيت هكذا تضمنين راحة البال ونومة هنية.

-  أفشي اسراره، قولي للجميع عن كل شاردة وواردة تدور في البيت بمعنى آخر افضحيه.

-  بددي امواله بكل ما أوتيت من قوة.  على اي شيء، الاكل، الشرب، السفر، العزايم، اي طريقة لصرف فلوسه.

-  عايريه بأختك واخته وجارتك

(شوف فلانه شوف جاب لها زوجها على عيد ميلادها.. شوف اختك زوجها اشترى لها سيارة جديدة: شوف الخاتم الالماس اللي بيد جارتنا).... الخ

-  الفطور يكون بيض بايت من العشاء.

-  الغداء يكون رز ابيض مع زيادة الملح طبعا ((عشان يرفع ضغطه)).

-  لا تطلبي منه فلوس الا وقت الاكل ((عشان تسدي نفسه)).

-  اذا طلب شاي كثري السكر ((عشان يرتفع عنده السكر)).

-  قوليله كل يوم عايزه اروح عند أمي وعايزه اروح عند أختي.

-  لا تبدئي بالغسيل الا وهو نايم و رايح في النوم

((يعني فى سابعين نومه ذى نوم الملوك على رأى مايقولوا))

ده بالاضافه الى انواع الازعاجات الأخرى.

-  اذا صاح ولدك الصغير بالليل لا تطلعي من الغرفة سيبيه هو يقوم  ((زياده في النكد)).

-  واحب اذكركم وهو جاااااااااالس ومرتاح 

((يعني منشكح على الاخر))

 ابدي الطلبات عايزه ... وعايزه .... وعايزه .... ( طبعا الستات ميتوصوش )

-  لا تنسين مصروفك كل شهر اطلبي زياده بحجة انه مش بيكفى

 كذا ... و كذا ... وكذا

-  لا يحلى لكي تنظيف البيت الا وهو موجود.

-  ويسلام لو كان جاى علينا عيد  ثقلي المعيار شويتين ثلاثه اربعه 

 اطلبي منه فلوس للعيد بس تكون ضربه قاضيه.

-  استقبلي زوجك بلهفة لتحاصريه بالأسئلة

والاستجوابات فين رحت وبايه جيت و من شفت و لا تدعي له مجال ليأخذ نفس

 و انتزعي منه اعترافات مهما كانت

 وصدعي رأسه بالشكوي من الأبناء، وتغرقيه في تفاصيل حياة الجارات...والأخوات

-  لزيادة رفع ضغطه بعد مجيئه من العمل

دعي احد الأبناء ينشب بحلق ابوه و يستلعب عليه و يوطا ظهره و بطنه

سيزيد من التنكيد خاصة الظهروايام الحر

 استغليها بقدر ألأمكان

-  تعطري له، بالبصل والثوم والزيت المقدوح

 و لاتنسي الفكس و ابو فاس

واياني واياك تطلعين بهن برا غرفة النوم واذا مااعجبه خليه هو يشيل فراشة و يطلع ( مافي احلى ولا اروع من منظر الرجل نايم بأرض الصالة او على الكنبة )

 أما زجاجة العطر التي أهداها لك فستنفعك في يوم ما

حين تهدينها مثلا لصديقة في أية مناسبة.

-  تعرفي علي هواياته المفضلة ..عارفه ليــــــــــه؟؟؟

 عشان تنغصين عليه وقت ممارستها وتغرقيه في بحر من المشكلات

 والخلافات، و الطلبات المستعجلة حالا اللي ما تتطلب تأجيل

اقطعيه عنهن بأي شكل

-  اذا كان يناديك بصوت عالي و يقولك غير اسمك مثلا يا .....يا مرة ..يااهل الدار ..اوعى تردي عليه ..و خليه كده لحاله ماتردين ؟؟

قولي بابتسامة ساخرة كنت افكر فيك يا عمري

 و ماسمعتكش.. بكده تسكتيه على طول ..ليه؟؟ لأنه بكده ينقهر ولا يقدر يرد..

-  إذا اشتري لك أو للأولاد شيئا فابتسمي ابتسامة سخرية واستهزاء واسعة

 وقولي له بلا تردد " ياما جاب الغراب لأمه "

 ولا تنسين تقوله من غير نفس (وليه تتعب نفسك يالغالــــــــي )

-  ساعديه في الإنفاق و المصروفات طبعا قدامه بس

 حتي تكسري أنفه وتعيريه وتضمي أولادك إلي صفك حين يحدث بينكما خلاف

 بتذكيرهم بما تشترينه لهم

 وابتزاز مشاعره بالملابس واللعب ليعادوا أباهم ويؤيدوك في خلافاتك معه.

-  أظهري انزعاجك الشديد حين يمرض

و لا تنسين اذا قال شئ والا جيبي والا حطي تقولين (اوف)

بنفخة قوية لأن معني ذلك أنه سيأخذ أجازة من عمله، وستضطرين لخدمته

 وحبذا لو أشعرته بذلك حتي يضاف الألم النفسي إلي ألمه الجسدي.

- أحسني معاملة أهله أمامه فقط

 وبمجرد انصرافكما من زيارتهم ابدأي في الثرثرة، والحديث عن عيوبهم

 وتصرفاتهم التي لا تعجبك

 وإذا كانوا هم في زيارتكما فأكثري من الشكوي بعد انصرافهم من الفوضي

 التي أحدثوها في البيت

 ومن طريقتهم في تناول الطعام، وقارني بين سلوكهم الهمجي وسلوك أهلك المتحضر

 ولا تصمتي إلا إذا ترك المكان وانصرف غاضبًا

لحد ماتحسين انه اعصابه فارت

-  ودعيه وهو ذاهب إلي عمله بقائمة من التحذيرات من التأخير

 ودسي في كفه ليس كفك الدافئة لتشجيعه وتحفزيه وإنما ورقة بالطلبات التي يجب أن يشتريها في طريق عودته و التنبيه عن ما سيحدث لاحقا

 فيما لو جاء و ماجاب الطلبات معه

-  اطلبي منه أي شئ على اخر فرصة

ولا تقولين بدي هالشئ الا بالليل متأخر او وقت ضيق..و خاصة حليب الأطفال

 او البامبرز و نكدي عليه بالشغل و الأستراحة و لاتخلين جواله يرتاح

  و اذا قال ما قلتليش من بدرى ليه ماالقى احد فاتح دلوقتى ..ردي بكل برود : نسيـــت !! الواحد ما ينسى؟؟؟

او ( ماخلص الا اليوم )..بعدها ما يقدر يقول شئ!!!.

 وبعد كل هذا ونتمنى لكِ زواجا سعيدا مديدا

أنشر الموضوع فى المفضلات الاجتماعية من هنا

مجرد سؤال ؟؟؟

ازاى وكيف ؟

سالت نفسى كتير اذاى ؟

وكيف احافظ على من حولى من اصدقاء واقارب وزملاء؟

ولقيت نفسى عندى حاله من القلق والتوتر

لانى مش بنتبه لبعض التفاهات الصغيره

اللى ممكن تصبح كبيره

وبعد تفكير وجدت ان احسن شئ لازم اطبقه

 علشان احافظ عليهم

انى مزعلش من تصرفاتهم الى ممكن تزعلنى وتخلينى

 اخذ موقف منهم

بس لازم اواجههم باسلوب لطيف لغايه ما يوضحوا

مقاصدهم من هذا الخلاف

وان انظر للايجابيات اكثر من السلبيات

كمان احاول اتلاشى النقد وعدم العتاب المستمر

وعليا ان احبهم من اجل نقدهم

لان النقد دليل على حبهم

وبالتالى لازم انا كمان اتلاشى النقد القاسى

 وان اكون مرآه تعكس حبى لهم

والاهم من ده هو ان اشعرهم باهميتهم عندى

لان ده بينعكس على علاقتى بيهم لان

الصداقه للبنيان ليس للهدم

ان لا اكون عداونيه وابادر بالمصالحه مع من احب

حتى ان كنت انا على صواب

لانى مش ح كسب شئ من المخاصمه وان اعلم جيدا

مهما يكن النقاش او القضيه بينى وبينهم

فهم اهم عندى من اى خلاف

وان الخلاف فى الراى لا يفسد للود قضيه

واعتقد بكده اقدر احافظ على كل من حولى من احباء

واصدقاء واقارب وزملاء

 

أنشر الموضوع فى المفضلات الاجتماعية من هنا

!!! حفله شاى

اصدقائى المدونين والمدونات

انهارده كلكم باذن الله كده معذومين عندى

والدعوه عامه

والحاضر يعلن الغايب

بس نظرا للظروف الماليه واحنا فى نص الشهر والمزانيه مخسعه شويتين

فخليها حفله شاى بس

ولااقولكوا

متهنوش عليا برضه ده اول احتفال ليا معاكم 

 هو انا ح اعمل كل يوم حفله ... ياللا 

على راى المثل

اصرف ما فى الجيب يأتيك ما فى الغيب

اهووووووووو

الشاى جاهزززززززز

اتفضلوااااااااا

معلش الشاى خفيف حبتين لكن علشان احنا بالليل ومتسهروش كتير

وكمان علشان صحتكوووا

بس مش ح احرمكم برضه من ان يكون فى شويه

 معزيات جنبها

ادى كيك لزوم الحفله

وشويه بسكويتات كده على ما قسم

والتورته دى علشان اقسمها عليكم

 نفر .. نفر

كل واحد ياخذ حته واحده بس

اللى عايز حته تانيه يجيب هو بقه ماهو

بعيد عنكوووا بخل صعايده

ودى تورته بالكريمه للى مش بيحب الشيكولاته

 

اماالتورته دى علشانى انا بس 

  

يعنى محدش سالنى ايه المناسبه للحفله دى 

 اقولكم .. امال ح سيبكم كده

طول الوقت

انهارده

اجمل يوم فى حياتى

علشان بحتفل بعيد زواجى على اجمل واحن واطيب قلب

فى الدنيا كلها

اليوم ده اللى ربنا جمع شملى انا وحبيب قلبى

واصبحنا جسد واحد وروح وحده

لاحظوا انى مش حاطه شمع خااااااااااالص

علشان القرررررررر

ودى هديتى له

حلووووووووووووووووه مش كده

ودى هديته ليا 

شفتوا شطاره الرجاااااااااله 

وبالمناسبه الجميله دى بقدم له الاغنيه دى

 وبقوله كل سنه وانت طيب يا اغلى من حياتى

ويارب يجمع شمل كل الاحبه

وعقبال حبايبى اللى متجوزوش

ربنا يفرحهم

لو حد خايف ياخذ من الخطوه دى بقوله ان الجواز

ذى العسل متخفش جمد قلبك

المهم انك تحتار صح

الشريك اللى ح تقضى باقى العمر معاه 

اتمنى تكون المعزيات اللى قدمتهالكم

عجبتكم

بالهناااااااااااااااااا

اووووووووعى ايديك انا شيفااااااااك

مش تمد ايديك على تورتى

دى بتاعتى انا بس

ربنــا يفــرح قلبكـــم

أنشر الموضوع فى المفضلات الاجتماعية من هنا

!!!! دعوه عامه

غــــــــــدا

أنشر الموضوع فى المفضلات الاجتماعية من هنا

الفشــــــل

الفشـــل لا يعنـــى أنـــك فاشـــل

و لكـــن يعنـــى أنـــك لــم تصــل إلـى النجـاح بعــد

الفشــل لا يعنــى انــك لم تحقق شـــىء

و إنمــا يعنـــى أنــك تعلمـــت شـىء

الفشـــل لا يعنــى بأنك كنت أحمـــق

و لكــن يعنــى انـة كان لـديـك كثيـر من الإيمـــان

الفشــل لا يعنــى أنك جلــبـت الخــزى

و لكـنة يعنــى أنـة كــان لـديـك الرغبــة فى المحـاولـة

الفشــل لا يعنــى أنــك لا تملك المقدرة على القيام بها

و لكن يعنـى أنة يجـب أن تفعـل الشىء و لكن بطريقة مختلفــة

الفشــل لا يعنــى أنــك ضعيف الامكانية

و لكن يعنـى أنــك لســت كــامـل

الفشــل لا يعنــى أنــك قـد أضعــت الحيــاة

و لكــن يعنـى أنــة لـديـك الاسبــاب لتبــدأ من جـديد

الفشــل لا يعنــى أنـة يجـب الاستســلام

و لكنة يعنى أنــة يجــب أن تحــاول بجــديـــة أكثـر

الفشــل لا يعنــى انـك لــن تقوم بها أبـداً

و لكنها تعنـى أنهــا ستستغـرق وقت أطـول

و تـــأكـــد أن الله يبــــارك و يعتنـــى بالجميـــع

أنشر الموضوع فى المفضلات الاجتماعية من هنا

!!! أوعى ترمى ودانك ليهم

مشكلةٌ كبيره فعلا
المطلقه .. بتخاف من كلام الناس ..!
الأرمله .. بتخاف من كلام الناس ..!
العاطل عن العمل .. بيخاف من كلام الناس ..!

الفقير .. بيخاف من كلام الناس ..!
العانس .. بتخاف من كلام الناس ..!
الناس .. بيخافوا من كلام الناس ..!
تتعدد الاسباب والموووت واحد
أأأقصد
تعددت الأمثله
والمشكله واحده !!!
هل هوَ خوفٌ من الناس !
ولاخوفٌ من الشكل الذي سنظهر بيه قدام الناس !
ولا خوفٌ من رد فعلِ الناس !
ولا خوفٌ من المستقبلِ المجهول !


جحا

فاكرين قصته طبعا
مفتكرش ان فى حد ميعرفهاش .. !!
ولا ميعرفش جحا وطرائفهِ ونوادره ..!
احكيهالكم وامرى لله


يحكى أن


كانَ جحا وإبنه يمشيانِ مع حمارهما
 فانتقدوهما الناس...!
علشان لم يستغلوا الحمارَ وهى الوسيلةٍ للنقل
فركب جحا وإبنه على الحمار
 فانتقدوهما الناس
مرةً ثانيه
وأتهموهم بانهم معندهمش رحمه !
اذاى يركب إثنين على حمارٍ ضعيف ..!
فنزل جحا وساب ولده على ظهرِ الحمار
فأنتقدوا الناس الولد ..!
وقالوا عنه : بإنهُ ولدٌ معندهوش دم ..!
فنزلَ الإبنُ وركبَ جحا ف قالوا عن جحا
 أنهُ مش بيرحم
وأنه أب قاسٍ على إبنه
فقام جحا وأبنه وشالوا الحمار وهم يمشون
فضحكَ الناس عليهما ..!




ومن القصه دى نقدر نفهم كويس قوى
بأن إرضاءَ الناسِ صعب جدا

فهل يُعقل .. بأن يخسرَ إنسانٌ احلامه ..وطموحه
ويتخلى عن تحقيق أهدافهِ ورغباتهِ
علشان خاطر يرضى الناس !!!
انا اعرف حاجه واحده بس
اتعلمتها من زمااان
وهى ان الناس صعب جدا ارضاءهم
وأن كلام الناس لا بيُقدم ولا بيُأخر
وبأنهُ لا يُغنيّ ولا يُسمن من جوع
للأسف
اللى شايفاه اليومين دول
ان مُعظم الناس أصبح الهم الوحيد ليهم
 هو تتبع عيوب الناس وإنتقادها !


ومن وجهةِ نظري الشخصيه


الإنسان الناقص هو من بيدور على عيوب الغير
ويترك عيوب نفسه
اللى لازم يعودها على عدم التدخل فى شئون الغير !


أما من بيخاف من كلام الناس
ف ده بالتأكيد صاحب شخصيه متزعزعه ...!


واللى عنده ثقه فى نفسه
يمشيّ فى الطريق اللى شايفه صحيحً
ويكون غير مخالفْ للقيم والاخلاق
فلن يهمهُ أيُ شيءٍ من كلامْ الناس
وعلى رأى الحكيم
واثقُ الخطى يمشيّ ملكاً




ولا انتوا رأيكوا ايه

أنشر الموضوع فى المفضلات الاجتماعية من هنا

هام جدا جدا

ابتسامه خاصه جدا

دى دعوه موجهه الى كل اهل بلدى بيقدمها

أ / أسامه حسنى

صاحب مدونه وظائف

وهو شريكى فى مدونه

ابتسامات و شباب على طول

و ركن المرأه و مكتبه الفيديو

الابتسامه الخاصه هنا

تمنياتى للجميع بالتوفيق

أنشر الموضوع فى المفضلات الاجتماعية من هنا

من حكم فى غير ماله ظلم

 عمرك حاسيت انك مسجون وانت خارج اسوار السجن ؟
عمرك حاسيت انك طفل صغير بالرغم من انك انسان ناضج ؟
عمرك حاسيت انك ليس لديك الحق فى اخذ أى قرار  شخصى ؟

عمرك حاسيت ان عندك اكثر من شخص بيتحكموا فيك ذى عرائس الماريونيت لمجرد انك اصغر منهم سننا ؟

أنشر الموضوع فى المفضلات الاجتماعية من هنا

!!! ندااااااء

البوست اللى فات كنت فى قمه السعاده

ولذا اهديت شريك عمرى

اغنيه شرين

اللى بعشقها لانها بتوصف شعورى تجاه شريك حياتى

والان

انا فى حاله  حزن وقلق

فندائى  هذا

لاسئالكم الدعاء من اجلى علشان ربنا يمد ايديه وينتشلنى من هذه الحاله

فليس كثيرا ما ينتابنى هذا الشعور

أنشر الموضوع فى المفضلات الاجتماعية من هنا

اهداء لاغلى حبيب

اغنيه شرين رساله احب ابلغلها لاغلى حبيب

لكن حبيت تشاركونى

احساسى ومشاعرى تجاه من احببت

وبقوله

امانتك عليا علشان لقيتنى مصدقاك

وعدتك فى وقت الجد جنبك ح تلاقينى

بسهر على راحتك ورضيه تعب معاك

وان متشلكش الارض انا اشيلك فى عينى

بطمنك يا حبيبى من اولها

سكتنا لو عندتنا ح نكملها

دنيتنا لو تعبتنا من عميلها

بالصبر انا وانت هنستحملها

على قدنا ح نعيش مع بعضينا

وحبنا من الدنيا دى يكفينا

دا انتا وانا ولا عمرنا ما اتمنينا

غير بيت صغير وباب مقفول علينا

 

انا طول حياتى كنت بحلم ليك وبيك

وما بين ايديك كملت حاجه ناقصه فيا

من الدنيا مش طمعانه اللى بحبى ليك

وادينى جايا باوعدك دلوقتى بيا

بطمنك يا حبيبى من اولها

سكتنا لو عندتنا ح نكملها

دنيتنا لو تعبتنا من عميلها

بالصبر انا وانت هنستحملها

على قدنا ح نعيش مع بعضينا

وحبنا من الدنيا دى يكفينا

دا انتا وانا ولا عمرنا ما اتمنيت

غير بيت صغير وباب مقفول علينا

أنشر الموضوع فى المفضلات الاجتماعية من هنا