الثلاثاء، 29 يونيو، 2010

!!! دى مش روشنه


عمرك جربت تعمل مقلب في حد وقولت .. بهزر؟
أو ضحكت علي بنت وأقنعتها
او عيشتها فى قصه حب وهميه ؟
طب حد اشتغلك أنت قبل كده؟
ولا حد ادالك مقلب محترم قبل كده؟
ولا انتي عملتي مقلب في ولد قبل كده؟
بتحب تعمل افلام علي الناس؟
تفتكر لو اتعمل فيك مقلب
 أو حد اشتغلك هيكون موقفك إيه؟

طب تفتكر هتتقبل كده؟
لو أنت بقي اللي عملت مقلب فى حد هتقبل رد فعله ولاهتقول داانا بهزر معاك ؟ متكبرش الدنيا كده ؟

دا نوع من الترويش
كل الشباب بيحبوا يعملوا كده ونقول بنهرج وبنفرفش عشان الدنيا ماتبقاش جد أوي وخنقه.

لكن أوقات بيحصل معانا مواقف
 مش بنقدر نتحملها أو مش بتعدي بتهريج غير إن هي ممكن تجرحنا زى مثلا:

لو ولد اشتغل بنت ومقضيها تليفونات ومقابلات وكلام جامد، وفي الآخر تكتشف إنه اشتغلها وطبعا تكون صدمه للبنت وجرح.

غير بقي المقالب السخيفة اللي بتحصل بتتحط تحت مسمي التهريج والهزار والروشنه والترويش.

خد بالك بجد لحسن أوقات الدنيا بتقلب جد
 والموضوع بيكبر ويكبر
 غير انه لو كان مقلب جامد ممكن يسبب مشاكل
وممن يخليك تخسر ناس كتير
 وناس كتير تفقد الثقة فيك.

كل حاجه لازم يبقي ليها حدود
 ماتسمحش لنفسك تتعدي الحدود ديه مع غيرك
 ولا تسمح لغيرك يتعدي الحدود ديه معاك
ولازم تعمل حساب لمشاعر غيرك
علشان الناس تعمل على مشاعرك

كويس أوي إن إحنا نهزر نهرج وتبقي الدنيا مرحه  لكن لازم نفكر قبل مانعمل حاجه عشان الدنيا ماتتقلبش علينا
ونقول ياريت اللى ما جرى ما كان
ونخسر اعز ما لينا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، 26 يونيو، 2010

!!! انت والحصان


وقع حصان أحد المزارعين في بير ميه عميقة ولكنها جافة
وبدأ الحصان بالصهيل .... واستمر كده ساعات طويله
كان المزارع وقتها  بيفكر اذاى يطلع الحصان؟
لكن مطولش التفكير علشان يحاول  يقنع نفسه بأن الحصان عجوزاً
وأن الفلوس اللى ح يدفعها علشان يخرجه من البير  قد الفلوس
 اللى ح يشترى بيها  حصان غيره
ده غير ان البير جافة من زمان قوى  وتحتاج إلى ردمها بأي شكل من الاشكال
وفعلا نادى المزارع على جيرانه وطلب منهم مساعدته في ردم البير
علشان يحل مشكلتين في وقت واحد،وبكده يبقى ضرب عصفورين بحجر واحد التخلص من البئر الجاف
ودفن الحصان العجوز بتاعه
وبدأ الكل بالمعاول والجواريف في جمع التراب والنفايات ورميها في البير
 حس الحصان وعرف حقيقة  اللى بيحصل
أخذ في الصهيل بصوت عالى مليان ألم وطلب النجدة
وبعد شويه من الوقت اندهش الكل لما لاحظوا انقطاع صوت الحصان فجأة
وبعد عدد قليل من الجواريف، بص المزارع إلى داخل البير وصعق من اللى شافه
شاف ايه ؟؟
شاف ان  الحصان مشغول بهز ظهره
كل ما تسقط عليه الأتربة بيرميها على الأرض
ويرتفع هو خطوة واحدة لأعلى واستمر الحال على كده
الكل يلقي بالتراب والأوساخ إلى داخل البير فتقع على ظهر الحصان
فيهز ظهره فتسقط على الأرض ويرتفع خطوة بخطوة إلى فوق
وبعد ما قرب  يتملى البير
اقترب الحصان للاعلى و قفز قفزة بسيطة وصل بها إلى خارج البيربسلام
انا حاسه يا شباب ان ممكن تكون قصتك وقصتى ذى الحصان ده
 وان الحياة ترمى بأوجاعها وأثقالها علينا
ومهما حاولنا  أن ننسى همومنا فهي مش ح تنسانا
وتفضل ترمى اوجعاعها  وألمها من  نفسها علينا

عارفين ان كل مشكلة تواجهنا  في الحياة ما هي الا شويه تراب واوساخ
لازم  ننفضها من ظهرنا علشان نتغلب عليها
ونرتفع خطوة خطوة للأعلى
وبكده نقدر نلاقى نفسنا فى  يوم من الايام على القمه

اوعى تتوقف ولا تستسلم أبدا خلى قلبك خالي من الهموم
مهما حاسيت أن الآخرين عايزين دفنك حيّاً
خلى عقلك خالياً من القلق
وعيش حياتك ببساطة ومحبه
واستمر فى العطاء اكثر واكثر  وتوقع أن تأخذ القليل فقط
توكل على ربنا واطمئن انه عادل
ورحيم  وحنين وح يبعتلك النجده فى الوقت المناسب

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، 23 يونيو، 2010

!!!! أنا مميز جدا جدا

اكيد كتير فكرت انت شكلك ايه وقعدت تسأل ناس كتير عن رأيهم فيك
اللى يقولك رأى حلو تفرح بيه وتزقطط
واللى يقول مش اوى نفسيتك تتعب ويجيلك احباط..
تطلع السما شوية
وتتهبد على الارض شوية تانيه
مش بس كدة
أكيد كمان كتير كنت بتسأل عن رأيهم فى شخصيتك
وطبعاً الاجابات كانت اصعب !!
وتفضل كدة طالع نازل مش راسى على بر
لكن ليه عمرنا ما بنفكر ننسى كل الاراء بتاعت الناس عننا دى
وناخد رأى نفسنا فى نفسنا بس من غير ما تظلم نفسك
او تمدحها زيادة
خليك امين مع نفسك اوعى تصدق اللى يقول انا متواضع
مش باحب اتكلم عن نفسى.
التواضع هو انك تكون عارف مقدار نفسك كويس
عارف انك انسان طبيعى مش كامل فيك الوحش اوى
وفيك الحلو اوى
فيك الحنيه وفيك القسوه فيك الشراسه وفيك الطيبه
يعنى التواضع هو انك لما حد يسألك عن نفسك تتكلم عنها
مش تسأله عن رأيه هو فيك
وتذكر انك
"انت هو من تصدق انه انت "
صدق نفسك انت و اقبل شكلك على انه منحه من ربنا
وشخصيتك على انها هديه من ربنا لازم تستثمرها
وتصلح فيها وتنميها وتستغلها احسن استغلال بكده تقدر
الناس تشوفك ذى ما انت حلو الطبع وهتصدق فيك وهتقبلك
ذى ما انت
وكون على يقين تام انك انت مفيش منك اتنين
وانت حد مميز اوى اوى عند ربنا
صدقنى هو شايفك كدة
مميز جدا جدا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الثلاثاء، 22 يونيو، 2010

قيمتى فين ؟؟؟


سعات كتير بحس انى ماليش قيمه ولا معني لحياتي ولاعارفه انا مين
ولا عايزه ايه؟
ايه فايدتي في الدنيا
كل الناس اللي حواليه أحسن مني كلهم أفضل منى
مش عارفه أعمل حاجه ابدا
مش عارفه ربنا خلقني ليه
مش لاقيه جوايا أي امكانيات ولا مواهب علشان استغلها
هي فين أصلا مواهبي دى علشان استغلها اصلا
أنا مضايقه ومحبطه
كمان لأني مش بعمل اي حاجه مفيده
وده لأني مش بعرف
ومعنديش اللي عند غيري
ياشباب هو ده كان لسان حالي دايما شايفه نفسي قليله
ومعنديش ثقه في نفسي لغاية ماعرفت وفهمت كمان أن كل واحد واحده فينا
هو عند الله مميز ... أيوه صدقوني مميز
مش مصدقيني

أنا كمان مكنتش مصدقه لغاية ماعرفت
قيمتي الحقيقه
لما فهمت ودورت جوه نفسي عن
قيمتي الحقيقه
وفهمت كمان أن قمتي بتكمن في كوني إنسانه ربنا خلقها
وميزها عن كل المخلوقات اللي في الأرض والأهم والأجمل
انى عرفت ساعتها أني كنت قافله وداني ومش سامع أي صوت غير صوت نفسي وبس
بكلامها السلبي المحبط
مش عايزه أقول لكم اد ايه فرقت معايا الحياه
وشفت نفسي جميله أوي في عنين نفسي وكمان عنين الناس
لان ببساطه انا من عمل ايدين الله
خلقنى مميزه جدا
وكلنا مميزين جدا يكفى اننا من عمل ايدين ربنا
ده قمه التميز فى حد ذاته
عرفتوا دلوقتى قيمتى فين

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، 17 يونيو، 2010

وعجبى


طريقة تعذيب اللي مايحل الواجب بالهند


اما  الهنوود عليهم حرركاات تجنن
بالله عليكوا اذاى بعد كده يعملوا الواجب بعد ما ايديهم اتكسرت

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، 14 يونيو، 2010

!!! من المسئول


من فتره بنسمع عن فلان انتحر
فلانه رمت نفسها فى النيل .. يعنى اكيد فى سبب وراء هذا الانتحار
فهل السبب وراء  هذا الانتحار انهم لم يجدوا من يستمع اليهم
أو ياخذ بايدهم فاقدموا على الانتحار
أم هو نقص فى ايمانهم بالله
وضعفهم وعدم صبرهم وثقته بالله

اعتقد انه نقص فى الدين وفساد فى الاخلاق..
زمان كان نادر جدا  ان نسمع فلانه زهقت من حياتها علشان كده انتحرت
يعنى غالبا بتكون حالات فرديه
لكن اليومين دول بنسمع عن حوادث كثير انتحار
من مختلف الاعمار
وده فى اعتقادى ناتج عن ظروف اقتصاديه
أو اسباب عائليه
أو قصه حب فاشله ... أوحاله اكتئاب حاده

لكن فى الأول والاخر هو فقدان الثقه بينهم وبين الله سبحانه وتعالى
لازم نكون اقوياء بالله
ونكون واثقين فى رحمه ربنا وان باب التوبه مفتوح
أمام الجميع
ورحمه ربنا واسعه
ولا يهلك نفسه فى الدنيا والاخره
يكفى شقاءه فى الدنيا فلا يخسر آخرته ايضا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، 10 يونيو، 2010

الكلام الحلوووووووو

بكلمه حلوه تقدر تفرح انسان
وبكلمه قاسيه يمكن ان تحزنه أو تغضبه
أو تثيره
 أو تحوله من صديق الى عدوووو

وعلى رأى الحكيم
(( الكلام اللين يصرف الغضب والكلام الموجع يهيج  السخط ))
(( واللسان اللين يكسر العظم ))

ممكن بسهوله تخرج منك كلمه ولو بدون قصد تفضل تعالج فيها سنين طويله
 ومش ممكن ابدا علاجها مع مرور الزمان
علشان كده لازم نختار الكلمه الى تخرج منك بعنايه
علشان تفرح بيها اذان سامعيها

وما اجمل ان تعود لسانك على كلمات جميله
كاكلمه دعاء أو كلمه سامحتك
أو الله يسامحك كلمه حلوه ياريت نستعملها دايما

وما اجمل كلمه أحبك أو بحبك لما تتقال تملى
 فى بيوتنا مع اصدقائنا
 بين الزوج والزوجه بين الاخوات والاقارب
 فهى كلمه شهيه للسمع
وتفرح القلب ولها مفعول السحر

وكمان كلمات التشجيع أو المديح كلمه  حلوه
 بيرغبوها الصغار والشباب من الجنسين بيها ندفعهم الى النجاح
ويسلالالالام على كلمه التشجيع
 لما يقولها الوالدين لابنائهم أو يقولها الزوج لزوجته
أو الطبيب لمريضه
أو استاذ لتلميذه

ديما الوجه البشوش يبقى محبوب بين الناس
 اكثر من الشخصيات جميله الصوره والمنظر والمتكبره والمغروره
الناس بتحب تشوف الملامح المريحه والكلمات المفرحه
 اللى بتترك ذكريات جميله فى القلب

ومن الاخر.. عايزه اقول ان الكلمه الحلوه لن تكلفك شئ
 لكن حتفرح بيها غيرك
 فلا تبخل بها على الاخرين

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، 7 يونيو، 2010

!!!! لووووووووووو

لوكنت عود كبريت ايه اللى تحب تحرقه ؟
من حيـــــــاتك  ؟ او من قلــــــبك ؟ او من الدنيا ؟

او من اي شي يخطر ببــــالك ؟

حاجات كثيرة تتمنى نمحيها من حياتنا  لو نقدر !!!

فلو كنت عود كبريت يشتعل نارا ايه اللى ح تحرقه ؟

 اعتقد انه ممكن يكون فى القلب جزء يحتاج للحرق
ذى حب قديم أو ذكريات مؤلمه.........

سؤال ليك
لو بايديك عاوز تحرق ايه من قلبك وتمحيـــه؟
مـــــــــاذا ستحرق وتمحي منك ...؟

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

template by Osama hosny 2009