الأربعاء، 14 يوليو، 2010

الفشــــــل


الفشـــل لا يعنـــى أنـــك فاشـــل

و لكـــن يعنـــى أنـــك لــم تصــل إلـى النجـاح بعــد

الفشــل لا يعنــى انــك لم تحقق شـــىء

و إنمــا يعنـــى أنــك تعلمـــت شـىء

الفشـــل لا يعنــى بأنك كنت أحمـــق

و لكــن يعنــى انـة كان لـديـك كثيـر من الإيمـــان

الفشــل لا يعنــى أنك جلــبـت الخــزى

و لكـنة يعنــى أنـة كــان لـديـك الرغبــة فى المحـاولـة

الفشــل لا يعنــى أنــك لا تملك المقدرة على القيام بها

و لكن يعنـى أنة يجـب أن تفعـل الشىء و لكن بطريقة مختلفــة

الفشــل لا يعنــى أنــك ضعيف الامكانية

و لكن يعنـى أنــك لســت كــامـل

الفشــل لا يعنــى أنــك قـد أضعــت الحيــاة

و لكــن يعنـى أنــة لـديـك الاسبــاب لتبــدأ من جـديد

الفشــل لا يعنــى أنـة يجـب الاستســلام

و لكنة يعنى أنــة يجــب أن تحــاول بجــديـــة أكثـر

الفشــل لا يعنــى انـك لــن تقوم بها أبـداً

و لكنها تعنـى أنهــا ستستغـرق وقت أطـول

و تـــأكـــد أن الله يبــــارك و يعتنـــى بالجميـــع

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

20 التعليقات:

الحب الجميل يقول...

مرموره

الله ينور عليكى

الفشــل لا يعنــى أنـة يجـب الاستســلام

و لكنة يعنى أنــة يجــب أن تحــاول بجــديـــة أكثـر

كلام ميه ميه

لازم نحاول لحد اخر نفس فينا وطول ما ربنا انعم علينا بنعمه مش لازم نستسلم بسهوله

نفشل مره وننجح مره

والدنيا ماشيه

بوست هايل يامرميرررو

دمتى فى حفظ الرحمن

Ramy يقول...

كلام جميل .... كلامل معقول مقدرش اقول حاجة عنه(:

بس بجد محتاج صلاة اليومين دول و بكرة بالذات

هتعرفى من البوست اللى جى (:(:

كلام فى سرك بقى لان مش هحتمل الفشل دة

تسلم ايدك يا مرمر (:

BNT ELISLAM يقول...

الفشل هو انك لما تقع لازم تقوم تكمل وتثبت ان الغلط اللى موجود هتصلحه
وتشوف الغلط كان فين


بوست جميل

تسلم افكارك

mrmr يقول...

حبى الجميل
اهلا بالجمال اللى دايما منورنى

لازم نرفع شعار لا ( لاستسلام لا للفشل )والدنيا مش ح تقف ابدا

دامت حياتك ويسعد اوقاتك

mrmr يقول...

رامى
كون قوى وان شاء الله مش ح يجيب فشل
ربنا معاك وح افضل اصليلك وادعيلك من قلبى لغايه البوست الجاى
دعوه وليه ساعه فجريه وعصريه ومغربيه وخد من قلبى وسر

ربنا يسترها عليك ويوفقك يارب

mrmr يقول...

بنت الاسلام
نورتينى يا قمر
كلامك جميل لازم نشوف فين الاخطاء اللى ادت الى الفشل لاصلاحها

دامت حياتك ويسعد اوقاتك وميحرمنيش من زيارتك ابدا

محمود(باحث عن حب) يقول...

السلام عليكم
اخبار يا مرمر
انتى عامله ايه ونفساويتك ؟
والشاى والسكر
اصلى نفسى اشرف كوبايه شاى صعيدى فى العصارى كده
ولا ايه؟
هههههههههههههههههه
الفشل
مررت بتلك المرحله وممكن اكون فى نهايتها واحاول التخلص منها اقولها دون خجل
تقولى واحد فى سنك بيقوا انه فاشل او حاسس انه فاشل
انا فاشل كبير بس طبعا
الكلمه دى صعبه شويتين على النفس وتعتبر اشاره سلبيه الى الواحد علشان كده مينفعش نقولها ابدا
علشان كده نقول احسن لم يحالفنى التوفيق
المهم مش عارف انتى فاكره مووضوع بتاع (محمود نفسى تفرح بيا يارب )
واحساسه انه فاشل المووضوع مش عارف انتى فاكراه ولا لآ
انا بقه كنت بساعد فى كتابه المووضوع لانه انا وهو ظروفنا تكاد تكون متشابهه
المهم انا تعبت قوى طبعا اخوانى واصدقائى ما بين دكتور ومهندس ومحامى ومدرس وكده

http://nefseyarab.blogspot.com/2010/05/blog-post_27.html


وانا زى ما أنا
وكده شويه فشل على احباط على عدم ثقه وتملك الشيطان من النفس
بس
شويه التحصينات النفسيه والدينيه اللى قالت عليهم (منتحره بخنجر الحرف) فى التعليق بتاع الظلم حرام فى مدونتى
دول كانوا الدافع الوحيد للبقاء وعدم الاستسلام حتى لو كان الطريق مظلم ومتنيل بستين نيله
علشان كده
لازم لازم
الكلمات الجميله بتاعه حضرتك دىول يكونوا حلقه فى ودان اى بنى ادام
خصوصا الصغيرين او اللى كانوا صغيرين علشان ممكن احساس بالفشل يضيع فرص العمر ويعتبر يأس وقنوط من رحمه الله
وخروج عما فرضه الله على البنى ادام وانه فشل وسقط فى الامتحان اللى ربنا
امتحانهوله ولازم
يتسم بالصبر ويحاول يعالج الخلل لانه تقصير
وسمعتها من
واحد كبير ان الله
يجبر التقصير ولا يجبر القصور
وهو الذى لم يصدر منه اى رد فعل فى التغيير الفعلى وجلس متظر الفرج
لو كده ما كان حد اشتغل ولا تعب علشان ياكل وينتظر الرزق ينزل له من السماء
لازم
الصبر علشان كده موضوع الفلوس والحقد الطبقى اللى كتبه محمود نفسى تفرح بيا يارب برضو داخل فى مووضوع الفشل ده علشان الفاشل او الغير موفق يظل يحقد على الاخرين
ويحسد فيهم ومثال مشهور مش عارف هو حديث ولا لآ
(اتنين فى النار الحاسد والحاقد)
اسف على التطويل
ولكن موضوع خصب للمناقشه الجاده علشان نتعلم ونعلم
انا تلوقتى عندى قناعه زى ما قالت داليا فى احدى تعليقاتها
(ربنا شايل لينا حاجه كويسه)
لازم يكون عندنا يقين بكده
واروح الحق
شوب الشاى بتاعى

محمود(باحث عن حب) يقول...
أزال المؤلف هذا التعليق.
محمود(باحث عن حب) يقول...
أزال المؤلف هذا التعليق.
محمود(باحث عن حب) يقول...
أزال المؤلف هذا التعليق.
عمرو يسرى يقول...

كلام جميل
والفشل هو بداية النجاح
والفاشل من لم يستفيد من فشلة

Noha Saleh يقول...

لو الانسان بعد مايفشل يتحدى نفسه اكيد هينجح
انا مقتنعة جدا بكده وربنا مش بيضيع تعب حد

mrmr يقول...

اهلا يا حوده
انا بخير ونفسويتى اشكر ربونا كويسه
وعندى شاى وسكر والكانون موجود
واول ما يخرط اصبهولك على طول هههههه

مش انت لوحدك اللى بيحس انه فاشل الاحساس ده بيجى لناس كتيييييير قوى لما يكونوا مش فى المود او بمعنى اصح نفسويتهم تعبانه شوتين
وكويس قوى انك بتحاول تغير من كلمه فشل بقولك لم يحالفنى الحظ او التوفيق فهذا رائع حقا

ايوه انا فاكره قوى البوست محمود ( نفسى تفرح بيا يارب )وكمان علقت على البوست
جميل قوى انك عندك ايمان بانك متحصن بايمانك بالله علشان كده مستسلمتش للطريق المظلم المتنيل بستين نيله حسب قولك لوماخذه يعنى

كويس قوى انك اتعلمت الدرس واتمنى لو حد مكانك يتعلمو وده مش ح يجى غير بالصبر والاصرار والعزيمه القويه
انت يا محمود ربنا ح يكافئك مكافاءه كبيره لانك بتخاف ربنا وماشى فى طاعته

وياللا بقى لحسن الشاى خرط
ح تشربه ولا تحب تاخذ حقك ناشف

ربنا يبارك حياتك ويسعد اوقاتك

mrmr يقول...

أ / عمرو يسرى
كلامك كله ضرررر
نورتنى
ربنا يبارك عمرك

mrmr يقول...

Noha Saleh
شكرا يا غاليه لزيارتك
وربنا ما يحرمنى منك ولا من خطوتك
ويكون معاكى ويحافظ عليكى

أتنين حبيبين يقول...

بخخخخخخخخخخ

وحشتينى انا جييييييييييييييييييييت

ربنا يبارك ليكى يارب ويسعدك
مش عارفه ازاى اشكرك على سؤالك الدائم عنى
يارب يديم بينا الود والاخوه

أتنين حبيبين يقول...

تحياتى ليكى ولموضوعاتك الجميله
احنا جاين الدنيا عشان نغلط ونتعلم من غلطنا
ومش معنى اننا فشلنا اننا نيأس لاء طبعآ
بعد الفشل نجاح
ولاذم نتعلم

افروديت يقول...

بوست محفز... الفشل زي المرض لوصاب الأنسان وأتمن منه لايمكن يسيبه إلا بصعوبةربنايقدرناونكون ناجحين دايمآوأهم حاجة في رضاءه..تحياتي لكي

mrmr يقول...

توتا
وحشتينى
اشكرربنا على رجوعك

طبعا يا حبى لازم الواحد يغلط ما فيش حد معصوم من الغلط ما فيش انسان مش مر ابدا بحاله من الفشل لكن بعد السقوط لازم ياتى النهوض

تسلم خطوتك يا حبى ويارب يسعدك ويحافظ عليكى

mrmr يقول...

افروديت
اهلا بنواره البلوجر
يكفينى وجودك يا غاليه عندى واحس بمحبتك
تسلمى وربنا يديم علينا وعلى كل شعبه
النجاح والسعاده

template by Osama hosny 2009