الأحد، 30 مايو، 2010

دعوه للسرقه ... والقتل


من فيكم يحب  يتعلم السرقة  ... والقتل ... ومتخفوش على ضمانتي .
مش ح  يحاسبه القانون ..
بل ستكون هناك مكافأة .... لو أتقنت الدرس كويس...
ليه مندهشين !!!
تعالوا معايا نتعلم السرقة  والقتل .. بطريقة صحيحة
انا بدعـوك للسرقة ... نسرق بعض من وقتنا ... لنعمل الخير ...
نزور المريض ...ونصل الأرحام ...
 نعطف على اليتيم ...
انا بدعـوك للسرقة ... سرقه الابتسامة ... نرمى همومنا ...وألامنا ...ومشاكلنا ...
فأصبحنا لا نبتسم ألا علشان نجامل بعض..
انا بدعـوك للسرقة... سرقه الامل ... بدل ما يتسرب الي داخلنا اليــأس ...
انا بدعوك للسرقة ... سرقه النور .... فيكفينا العيش في الظلام
ألا يستحق هذا أن نسرقة ...ونجازف بسرقتة

إذن اسرقــوه ... الآن



اما دعوتى  لتعلم القتــــل



انا بدعــوك للقتــل ... قتل الجهـل ... لتستنير عقولنا ...
 انا بدعـوك للقتـل ...قتل الغــيرة ... فهي نار لا تحرق إلا صاحبها ...
انا بدعـوك للقتـل ...قتل الكـذب ... فهي أول درجات السقـوط  ...
انا بدعــوك للقتـل ... قتل الظــم ... فدعوة المظلوم مستجابة عند الله
انا بدعـوك للقتـل ... قتل الصمـت ... لاننا فى احتياج للفعل
انا بدعـوك للقتـل ... قتل الحســـد .... لما فيه من شر على الغير
إلا يستحق هذا أن نقتــله ...ونجازف بقتلــــــه

إذن اقتلــوا ... الان

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الجمعة، 21 مايو، 2010

!!! زمااااان ... ودلوقتى


ايه الفرق بين حــب زمان ...  وحــب دلوقتى ؟؟ ‏

زمااان كان الحب ينبع من القلب ......أما اليوم نزل إلى المعدة ....!!

كان الرجل إذا أحب امرأة ....ضحى بالغالي والرخيص علشان يتزوجها ..
أما اليوم إذا أحب الرجل امرأة ..
ضحت هي بالغالي والنفيس علشان يستر عليها ولا يفضحها ........!!



كان الحب يوصل الى الجنون من شدته..
ذى قيس وليلى اكيد كلنا عارفينهم ..
أما اليوم ......فمن الجنون أن تحب....!!
 لأن الحب للمراهقين .....!!



كانت المرأة إذا أحبت .......بان ذلك في عينيها ووجهها ..
أما اليوم بان ذلك من قصر فستانها وفحش مكياجها .......!!



كان الرجل إذا أحب امرأة  لا ينشغل عن حبيبته ..
أما اليوم اذا أحب الرجل امرأة تعرف على صديقاتها......!!



كان الرجل إذا أحب امرأة واراد أن يغازلها شبهها بالنسيم العليل ووجه القمر ..
أما اليوم ... إذا أراد أن يغازلها شبهها بالهمبرغر والبوظه والبيبسي ........!!



كان الحب أيام زمان هدفه الزواج ..
أما الحب اليوم هدفه لقطع تذكرتين في  السينما بعد إطفاء الأنوار .......!!

كانت لغة الحب بالعيون ..
فأصبحت لغة الحب اليوم بالاغانى الهاطبه والموسقى الصاخبه .....!!

كانت المرأة يعجبها فى الرجل رجولته وشجاعته واخلاقه ..
أما المرأة اليوم يعجبها فى الرجل جيبه ومنصبه وخفة دمه ......!!



كانت غيرة الرجل على المرأة مؤشر ودليل حب ..
بينما غيرته اليوم دليل رجعيه شك ومركب نقص......!!



كان الرجل يرى حبيبته في المنام ..
بينما اليوم يراها في شقته الخاصة......!!



كان الرجل لا يعرف الا حبيبته ..
أما اليوم الرجل يتعرف كل يوم على حبيبه......!!
وده بفضل الشات طبعا ...

ياريت نرجع لزمن  سى السيد احمد عبد الجواد
زمن الحب الجميل
وزمن الطرب الاصيل
زمن الحب

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، 19 مايو، 2010

دمووووووووع

مين فيكم لم يمر عليه مواقف صعبه
فى حياته 
في كثير من الحالات تنتاب الإنسان أوقات من الكآبة والحزن
 تصل في بعض الأحيان انه يبكى 
  ويجد البعض في البكاء.. تنفيسا داخليا عن ااوجاعه والآمه النفسية
اللى بتصيبه فى حين ان البعض بيعتقد
 أن البكاء  ... أو الدموع
هو ضعف
اللى بتهزه المواقف لدرجة البكاء هو إنسان ضعيف
أو جبان
أوغير قادر على تسيير مركبه حياته
 لذلك فأنه يبكي 


(((( اسمحولى اتسأل ))))


هل بكيت يوما ما ...  وما السبب   ؟؟
هل ترى أن الدموع ضعف ..؟؟
عندما تبكي ..هل تفضل أن تبقى وحيدا .. أم بجانب احد .. ؟؟
وماذا تعني لك هذه الدموع .. ؟؟

دمعة طفل 
 دمعة أم
 دمعة رجل
 دمعة حبيب
 دمعة صديق
 دمعتك أنت!!!!
مهما كان حزنك قويا
 أفسح مجال للألم ... ومساحة للأمل
  ابكي قدر ما تستطيع
حتى لا تفجر نفسك بالوجع
 ثم البس ثوب الحياة
 وارجع بروح وبعين جديدة
غسلتها دموعك
لتستعيد مرة أخرى نفسك لترى بها العالم من جديد!!!

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، 17 مايو، 2010

سافتقدك جدا

حين أسير فوق شاطئ البحر
وارسم وجهك فوق طائرات الورق
واعبث برمال الشواطئ
وأبحر وحيدة إلى... مدن العشق
وأطارد طيفك كالمجنونة فوق الماء

سأفتقدك جداً

حين اعترف بيني وبين نفسي
بأن الرسائل التي أحرقتها .... أحرقتني
وبأن الهدايا التي كسرتها … كسرتني
وبأن البقايا التي قتلتها ... قتلتني
وبان مشانق النسيان التي اعددتها لك
وحدي ... انتهي تحتها في المساءْ

سأفتقدك جداً

حين تحدثني عنك أخرى
وتسرد حكاية شوقك لعينيها
واشم عطرك في يديها
وتنفجر كل المتناقضات بداخلي
فأشتاقك أكثر
وأرفضك أكثر
وأحبك أكثر
وأكرهك بلا انتهاءْ

سأفتقدك جداً

حين يسألني عنك قلبي ... وأصمت
ويسألني عنك عقلي ... وأصمت
ويسألني عنك ليلي ... وأصمت
ويسألني عنك جداري ... وأصمت
ويسألني عنك هاتفي ... وأصمت
وأتحول إلى قالب من الثلج
يقتات الصمت بكبرياءْ

سأفتقدك جداً

حين أكتشف أنك الرجل الوحيد
الذي أثار جنوني
وأثار رعبي
وأثار غيرتي
ومنحني قدره على الحب
وشيد لي مدينة من الثلج
فوق خط الاستواءْ

سأفتقدك جداً
حين أتذكر أني كنت امرأة أنانية
اخترت الرحيل رغماً عنك
وفتحت أبوابنا لرياح الفراق
رغماً عنك
وفرضت على قلبك نهاية مؤلمة
وغادرتك بهدوء كأحلام المساءْ

سأفتقدك جداً

حين أقف أمام المرآة
وأسألها من الأجمل في عالمك
فتخبرني أنك عشت بعدي ألف حكاية حب
وعشقت بعدي ألف امرأة حسناء
وأنك مازلت تبحث عني بين النساءْ

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، 16 مايو، 2010

اضراب .. اضراب .. اضراب


اضراب ... اضراب ... اضراب

اوعو تنسوا  ميعادنا بكره ليوم الاضراب

ابدا بنفسك

لا تفسد نفسك وبالتالى لا تفسد غيرك

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، 15 مايو، 2010

ابدا بنفسك ..... اضراب 17 مايو




اضراب 17 مايو دى دعوه بيقدمها الدكتور / اسلام ايوب


بيطالب فيها اننا نقوم باضراب  ليوم واحد عن الفساد

افساد انفسنا وافساد الغير

وانا بجد عجبتنى الفكره قوى لما قريتها فى مدونه صديقتى ندى الياسمين

بمعنى كل واحد يقوم بالواجبات اللى عليه

ويحاول انه يكون منضبط فى شغله ويؤدى عمله بدون تكاسل

والشخص المرتشى يبطل ياخد رشوه

واللى بيزوغ من شغله علشان يجيب الخضار بلاش منه

واللى بيبقى سهران طول الليل  قدام  T . V  ويروح ينام على المكتب

والسيدات فى المصالح الحكوميه

اللى بتقرطف الملوخيه وتقلم الباميه بقولها ياريت نلتزم بيوم الاضراب ده

وانا بناشد كل اصدقائى المدونين لنشر الفكره

لكى نعيش حياه افضل

ولو ليوم واحد

اسألكم الدعاء لكل اولادنا اللى بيمتحنوا

ربنا يوفقهم

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، 9 مايو، 2010

!!!!! من غير زعل


البنات احسن من الولاد !!!!!!!!!

بعد ما ندورنا كتير وبحثنا اكثر ثبت أن البنت أحسن من الولد

اذاى بقى ... اقولكم

اولا

 البنت بتتكلم براحتها فى التليفون وأبوها أو جوزها

هو أللى بيدفع الفاتورة فى الأخر

ثانيا

 البنت مش ملزمة تجهز نفسها أبوها أو البيه (خطيبها)

هم أللى هايدفعوا دم قلبهم

ثالثا

 مفيش حد بيبص على بدلة العريس كله بيبص على فستان العروسة

رابعا

 لو واحدة عملت مخالفة وعيطت شوية للظابط

هايعديها لو راجل هاياخد على دماغه

خامسا

 لو واحدة ماأدتش قرايبها عيدية مش هايقولوا عليها بخيلة

هايقولوا أصل العيب على جوزها

سادسا

 لو واحدة أتأخرت على المحاضرة

 ممكن الدكاترة يدخلوها لو ولد هايقولوا روح يابابا كمل نوم برة فى الشمس

سابعا

 لو حصل زعل بين البنت وباباها مش هايطردها برة البيت

وهى بس يادوب تعيط شوية وبابا هايروح يصالحها علطول

 أما الولد فايدوب يلحق مكان ينام فيه جنب البواب


نيجى بعد كده لطريقه للدلع

دلع البنات

ياختى قميلة ( لما يكون عمرها سنتين )

ياعسولة ( 5 سنين )

ياعروسة ( 12 سنة )

ياقمر ( 18 سنة )

يا هانم ( 40 سنة )

يا أم العيال ( 50 سنة )

ياست الكل ( 60 سنة )

لكن الولاد  يعنى على الولاد  ودلع  الولاد

انت ياد ( 10 سنين )

انت ياشحط بقيت طول الباب ( 18 سنة )

يارا جل ( 40 سنة )

ياعم الحاج ( 50 سنة )

ياراجل يا عجوز مناخيرك أد الكوز ( 60 سنة )



شوفتوا ان البنات احسن من الولاد  لكن ان جيتوا للحق

هم مظلومين

الولد من يومه شقيان وتعبان بجد انا بأرئف بحال شبابنا

يعمل ايه ويسوى ايه ربنا يكون فى عونهم


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، 3 مايو، 2010

حاول تعمل ذيهم

9  امور علشان تنجح فى اعمالك جربهم مش ح تخسر حاجه




1
اعمل على تخطي الصعاب


2

ركز دائما في عملك



3

اتمرن دائما حفاظا على صحة



4

اعتمد روح العمل الجماعي




5

اعتمد على من تثق بهم لحماية ظهرك



6

لازم تعمل حسابك ان في مفاجئات غير متوقعة



7

احرص على ارتخاء اعصابك ولا بد ان تنال اقساط كافية من الراحة




8

ابتسم دائما خاصة في وجود مديرك



9

 اعلم انه لايوجد المستحيل

 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

template by Osama hosny 2009