السبت، 10 يوليو، 2010

!!! أوعى ترمى ودانك ليهم






مشكلةٌ كبيره فعلا
المطلقه .. بتخاف من كلام الناس ..!
الأرمله .. بتخاف من كلام الناس ..!
العاطل عن العمل .. بيخاف من كلام الناس ..!


الفقير .. بيخاف من كلام الناس ..!
العانس .. بتخاف من كلام الناس ..!
الناس .. بيخافوا من كلام الناس ..!
تتعدد الاسباب والموووت واحد
أأأقصد
تعددت الأمثله
والمشكله واحده !!!
هل هوَ خوفٌ من الناس !
ولاخوفٌ من الشكل الذي سنظهر بيه قدام الناس !
ولا خوفٌ من رد فعلِ الناس !
ولا خوفٌ من المستقبلِ المجهول !


جحا
فاكرين قصته طبعا
مفتكرش ان فى حد ميعرفهاش .. !!
ولا ميعرفش جحا وطرائفهِ ونوادره ..!
احكيهالكم وامرى لله


يحكى أن


كانَ جحا وإبنه يمشيانِ مع حمارهما
 فانتقدوهما الناس...!
علشان لم يستغلوا الحمارَ وهى الوسيلةٍ للنقل
فركب جحا وإبنه على الحمار
 فانتقدوهما الناس
مرةً ثانيه
وأتهموهم بانهم معندهمش رحمه !
اذاى يركب إثنين على حمارٍ ضعيف ..!
فنزل جحا وساب ولده على ظهرِ الحمار
فأنتقدوا الناس الولد ..!
وقالوا عنه : بإنهُ ولدٌ معندهوش دم ..!
فنزلَ الإبنُ وركبَ جحا ف قالوا عن جحا
 أنهُ مش بيرحم
وأنه أب قاسٍ على إبنه
فقام جحا وأبنه وشالوا الحمار وهم يمشون
فضحكَ الناس عليهما ..!




ومن القصه دى نقدر نفهم كويس قوى
بأن إرضاءَ الناسِ صعب جدا

فهل يُعقل .. بأن يخسرَ إنسانٌ احلامه ..وطموحه
ويتخلى عن تحقيق أهدافهِ ورغباتهِ
علشان خاطر يرضى الناس !!!
انا اعرف حاجه واحده بس
اتعلمتها من زمااان
وهى ان الناس صعب جدا ارضاءهم
وأن كلام الناس لا بيُقدم ولا بيُأخر
وبأنهُ لا يُغنيّ ولا يُسمن من جوع
للأسف
اللى شايفاه اليومين دول
ان مُعظم الناس أصبح الهم الوحيد ليهم
 هو تتبع عيوب الناس وإنتقادها !


ومن وجهةِ نظري الشخصيه


الإنسان الناقص هو من بيدور على عيوب الغير
ويترك عيوب نفسه
اللى لازم يعودها على عدم التدخل فى شئون الغير !


أما من بيخاف من كلام الناس
ف ده بالتأكيد صاحب شخصيه متزعزعه ...!


واللى عنده ثقه فى نفسه
يمشيّ فى الطريق اللى شايفه صحيحً
ويكون غير مخالفْ للقيم والاخلاق
فلن يهمهُ أيُ شيءٍ من كلامْ الناس
وعلى رأى الحكيم
واثقُ الخطى يمشيّ ملكاً




ولا انتوا رأيكوا ايه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

30 التعليقات:

محمود(باحث عن حب) يقول...

ارمى
ودانى
لمين؟
لازم
اسمع
نفسى
واستفتى
قلبك
وان
افتوووووووك

Ramy يقول...

ارمى ودانى ؟؟؟!!!

طب هنعرف البوست الجى (:(:(:

ولا بعد الفطار بقى (:

يا ست مرمر اية الألغاز دى

اخوكى مش حمل تفكير ههههههه اجازة بقا

mrmr يقول...

محمود
البقيه تاتى




********

رامى

للاسف حدث عطل وانا بنشر البوست
اسفه جدا

محمود(باحث عن حب) يقول...

واثقُ الخطى يمشيّ ملكاً




للاسف
بدور
على
الثقه
موضوع
فى ايه
الاهميه
محدش
هيسمع
االا لكلام
النااااااااااااااااااس
شكرا
مرمر

Ramy يقول...

مرمر

اه كده الواحد فهم

شوفى بقا الموضوع ده كبير قوى

الحمد لله انا مبديش ودانى لحد ممكن نصيحة ممكن عتاب جميل من حد اعرفه من حد عارف انه عاوز الخير لرامى

انما الناس لالالالا ألف كلا

الناس مورهمش غير الهم

يمكن عندنا فى الصعيد الموضوع ده منتشر الحشرية

حاجة تخنق بصراحة بس انا بقى رخم قوى فى الموضوع دة بأحرج علطول

موضوع جامد يا مرمر و أكيد عنيتى منه

ربنا معاكى و يبعد عنك ودودت الناس و رغيهم

طب مكفاية رغى بقى انت يا عم رامى (:

حاضر حاضر

يلا تصبحى على خير

mrmr يقول...

محمود
كن واثق فى نفسك اكتر من كده
واعرف ان كلام الناس كله مش تملى فى الخير
وممكن حد ينصحك وهو فى قلبه حقد وغل من ناحيتك
وعلى راى المثل
فى الوش مرايه وفى القفا سلايه

ربنا يديك الثقه فى نفسك ويقوى ايمانك

mrmr يقول...

ايوه يارامى
معلش سامحنى بس غصبن عنى بجد
طبعا فى الصعيد بتبقى مشاكل للركب يا عمنا من ناحيه كلام الناس
وده فعلا اللى بيحصل معانا
اذا كانت المطلقه ولا العانس ولا العاطل ولا .. ولا ...لا
كلهم منتقدون من قبل الناس ربنا يرحمنا من اكلين الودان دول

نورت

على جنب
انت جاى بايدك فاضيه ليه ؟

Ramy يقول...

معلش المرة دى

أصلى البوست جه على غفلة

دة على اساس ان انت بتكون عارف البوست هينزل امتى يا عم رامى

لالا مش الفكرة

المحلات قافلة بقى دلوقت معلش يصبح الصبح كدة

و هشترى حاجة ساقعة المرة دى (:

الحر مميت الصيف دة

mrmr يقول...

سماح يا عم رامى
ابقى حوشهم
كلها بكره وبس
والحساب يجمع
هههههه

العيسوى الصغير يقول...

من الطبيعى انك مش هتعرف ترضى كل الناس
فاكيد الجزء اللى مش راضى هيتكلم عنك
و الراضى برضوا هيتكلم عنك

وطلما كده ولا كده هيتكلموا يبقى ارضى نفسى و هسيبهم يتكلموا

داليـ ـ ـ ـ ـ ـ ــــا يقول...

الناس لا بيعجبهم العجب ولا الصيام فى رجب

الناس صعب اوى اوى اوى ارضائهم
ولو كل واحد بص للناس وحاول يرضيهم يبقا هيقف فى مكانه ومش هيتقدم ولا خطوه

ربنا يرحمنا من كلام الناس

تحياتى على الموضوع الرائع ده يامرمر

الحب الجميل يقول...

صباحك فل يامرموره

عندك حق والله ومعاكى فى وجهة نظرك

ربنا يحفظك

موضوع متميزوجميل

دمتى فى حفظ الرحمن4255773

mrmr يقول...

العيسوى الصغير
عندك حق مادام مش ح تقدر ترضى دول ولا دول ترضى نفسك
بس قبل ارضاء النفس لازم تعمل حسابك ميكونش على حساب الغير وان يكون ربنا راضى عنك دى فى المرتبه الاولى والمخده الاولى واللحاف الاول
لالالا بلاش اللحاف الدنيا حر والصيف قاتل


ربنا يسعد اوقاتك

mrmr يقول...

دولى حبيبه قلبى
اهلا بيكى يا قمر
اااااه تصدقى ان الناس مبيعجبهاش العجب ولا الصيام فى رجب ولا رمضان ولا شعبان
لكن نقول ايه
الناس مش وراها غير مسك سيره الناس
ربنا يرحم شعبه


ربنا يسعدك ويحافظ عليكى

mrmr يقول...

حبى الجميل
نورتينى يا جميل
ربنا يحافظ عليكى ويسعدك

mrmr يقول...

توتا
ايه بس يا حبى تملى قلقانى عليكى
اكيد انتى عايشه وسط بيت عيله علشان كده المشاكل مش بتخلص
لو كان كده يبقى عندك حق مش ممكن ترضيهم ولو على حساب نفسك المهم انت وحسام تكونوا على وفاق ومحدش يرمى ودانه للغير

يارب يا توتا يهدى الحال ويبعد عنك الزن على الودان
ربنا يسعدك يارب ويجمل ايامك بالحب

أم الخــلـود يقول...

إيه دا كلهم بيخافوا من كلام الناس وما فيش حد بيخاف من رب الناس !!!!!؟؟؟

تسلمي غاليتي على املوضوع الهام دا .. تحياتي لك

سلسبيل يقول...

فعلاً كلام الناس ولا بيقدم
و لا بيأخر بس بردة الواحد
لازم يعمل حساب و لو حتى بسيط
بس طبعاً مش على حساب طموحة و
احلامة و اهافة بجد موضوع
رااااائع تسلمى حبيبتى

تحياتى لك

mrmr يقول...

ام الخلود
نورتى يا جميل
اكيد فى نسبه من الناس بيخافوا من رب الناس
ربنا يثبت خطانا ومش نخاف غير من رب الناس

تحياتى اليكى

mrmr يقول...

سلسبيل
فعلا يا عمرى عندك حق وكل الحق احنا عايشين وسط الناس
ولازم نراعى شعورهم لكن مش على حساب طموحنا واحلامنا
نورتى يا جميل وربنا ما يحرمنى منك
ربنا يسعد اوقاتك

غير معرف يقول...

كلام سليم

mrmr يقول...

غير معروف
شكرا لاهتمامك بالرد
نورت

أحمد شريف يقول...

لا فُض فوك
الله يفتح عليكِ

هذه التدوينة قيمة ونعمَ الرأي

لكن كذلك من الضروري الأخذ برأي المحيطين لكن هذا يخضع لمعايير كثيرة تتباين حسب قيمة الأمر وأهميته للفرد وللجماعة

بوركتِ

السُـلطانة يقول...

السلام عليكم ورحمة الله وبركاته ..

فكرة جميلة لطرح موضوع مهم وأصبح الأكثرية مع الأسف ينساقون كالماشية في القطيع.

بارك الله فيك

Noha Saleh يقول...

اولا المدونة حلوة اوى
بصى بقى الناس لو الواحد عمل علشانهم ايه برضه هيتكلموا هى الناس كده بالظبط زى حدوتة جحا
يبقى الاحسن اننا نعمل اللى شايفينه صح لان لو عملنا اللى الناس عاوزينه وحصلنا ضرر مش هنفرق معاهم فى حاجة وبرضه هيتكلمواويغلطونا

نفسى تفرح بيا يارب(الشهاب) يقول...

كلامك صحيح الواحد يمشى على حسب ما شايف وميرميش ودانه لحد هو بس اللى يكون ماسك زمام نفسه وبس
اسف على التقصير وان شاء الله مش هنقطع عنكم ابدا

mrmr يقول...

أ / احمد شريف
شئ طبيعى ناخذ براى المحطين بنا اللى نثق تمام الثقه فى آراهم لكن مش بالضروره نعمل بيها لو مش مقتنعين

ربنا يسعدك اوقاتك وشكرا للزياره

mrmr يقول...

السلطانه
يا مراحب يا مراحب
هكذا ميزنا الله عن باقى المخلوقات وليس كالماشيه نساق
ليت كل احد منا يتعلم درس جيد ان لا نرمى ودانا للاخرين حتى لا نصبح كالماشيه

ربنايكرمك ويحافظ عليكى

mrmr يقول...

Noha Saleh
ده شئ يسعدنى اعجابك بالمدونه

مرسى يا حبى وربنا مايحرمنى من زيارتك

شرفتنى وشرفتى مدونتى

ربنا يسعدك ويحافظ عليكى

mrmr يقول...

محمود( نفسى تفرح بيا يارب )
اهلا بيك يا محمود
متعتذرش ولا يهمك انا تملى بلتمس العذر لاى شخص
كل واحد حسب ظروفه بس بحب اننا نكون على اتصال ومحبه
ربنا يديم علينا محبه البلوجر كله لبعض

ربنا يسعدك ويحافظ عليك

template by Osama hosny 2009