الخميس، 22 يوليو، 2010

مجرد سؤال ؟؟؟




ازاى وكيف ؟

سالت نفسى كتير اذاى ؟

وكيف احافظ على من حولى من اصدقاء واقارب وزملاء؟

ولقيت نفسى عندى حاله من القلق والتوتر

لانى مش بنتبه لبعض التفاهات الصغيره

اللى ممكن تصبح كبيره


وبعد تفكير وجدت ان احسن شئ لازم اطبقه

 علشان احافظ عليهم

انى مزعلش من تصرفاتهم الى ممكن تزعلنى وتخلينى

 اخذ موقف منهم

بس لازم اواجههم باسلوب لطيف لغايه ما يوضحوا

مقاصدهم من هذا الخلاف

وان انظر للايجابيات اكثر من السلبيات



كمان احاول اتلاشى النقد وعدم العتاب المستمر

وعليا ان احبهم من اجل نقدهم

لان النقد دليل على حبهم

وبالتالى لازم انا كمان اتلاشى النقد القاسى

 وان اكون مرآه تعكس حبى لهم



والاهم من ده هو ان اشعرهم باهميتهم عندى

لان ده بينعكس على علاقتى بيهم لان

الصداقه للبنيان ليس للهدم

ان لا اكون عداونيه وابادر بالمصالحه مع من احب

حتى ان كنت انا على صواب

لانى مش ح كسب شئ من المخاصمه وان اعلم جيدا

مهما يكن النقاش او القضيه بينى وبينهم

فهم اهم عندى من اى خلاف


وان الخلاف فى الراى لا يفسد للود قضيه

واعتقد بكده اقدر احافظ على كل من حولى من احباء

واصدقاء واقارب وزملاء
 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

26 التعليقات:

Ramy يقول...

مش عارف يا مرمر

انا كنت زى ما بتقولى كدة

لغتية ما من الصدمة فيهم

دخلت المستشفى

مش مجنون يعنى (:(:(:

لا جالى شبة انهيار عصبى

دة كان وصف حالتى اللى قالهالى الدكتور

خدت فترة لغاية ما قدرت ارجع لأتزانى تانى مع قوانين تانى و تحديدات تانى للناس

و ان ممكن اكون مكنتش عارف افرق بين الصديق و بين الشخص العادى اللى بيمر فى حياتى

اعطى الأهمية لمن يستحق الأهمية

موضوع جميل يا مرمر محتاج كلام اكتر بس انا عاوز انام

تصبحى على خير (:

ممكن لما اركز كدة اعمل كومنت اكبر (:

أتنين حبيبين يقول...

وحشتنى

اخبارك ايه

الله عليكى يا مرمر
كأنك بتتكلمى عنى انا كمان بحاول اعدى كتير عشان مش ازعل من المقربين ليا
بس تعرفى مشكلتى انى بزعل اووووووووووووووووى
من اقل شىء
ربنا يهدى الجميع ويحسن خاتمتنا

تحياتى ليك ولا فكارك

محمود(باحث عن حب) يقول...

ُُبصى بقه يا مرم
(المؤمن للمؤمن كاليدين يغسل بعضهما بعضا)

ثانيا
موضوع النقد ده عادى خالص
لان اللى بينتقدك ده
بيحبك والعتاب هديه الاحباب
مش ترصد
للاخطاء
لان دول مش اعداء

ولان التفاهات الصغيره دى
ممكن تتعبنى وتودينى
لفتور من العلاقه
ولا ايه
انتى مقالاتك دى
حلوة
يامرمر والله

بتتكلمى بحس طفله وقلب كبير
ربنا يحافظ على مراميرك

الحب الجميل يقول...

مجرد سؤال ورديتى عليه بكل منطقيه
وبكل تسامح وبقلبك الكبير

بس مش كل الناس هتجاوب السؤال دا زيك يا مرمر

بوست جميل قابل للمناقشه

دمتى بخير

سلسبيل يقول...

حبيبتى تسلمى بجد
على النصائح الجميلة
و يارب يخليكى لأصحابك علطول
تسلم ايدك حبيبتى

تحياتى لك

mrmr يقول...

رامى
الشخص فى خطواته الاولى فى طريقه
لازم يلاقى معوقات ويشوف اشخاص اشكال والوان دلوقتى للاسف الشديد نلاقى الشخص مركب 100 ماسك ويتلون بـ 100 لون ذى الحرباء علشان يخدع اللى قدامه
وبكده يكون قدر ينتصر على غيره بالخديعه
علشان كده لازم نختار الاصدقاء بعنايه وبالتالى نقدر نحدد انهم يستاهلو نقدم تنازلات ونغفر ونصفح ونعدى اخطاءهم ونقدهم علشان لا نخسرهم ونفضل على وفاق وحب
ربنا يريح قلبك يارامى ويسعدك

mrmr يقول...

توتا
اهلا يا قمر
وسعى قلبك يا توتا علشان تقدرى تعدى الحاجات البسيطه اللى ممكن تزعلك
طول ما فى محبه كل شئ ح يعدى
ربنا يسعدك يا توتا ويجمل ايامك

mrmr يقول...

اهلا يا محمود
الله عليك
تشبيهك رائع
(المؤمن للمؤمن كاليدين يغسل بعضهما بعضا)
كلامك عين العقل
ربنا يهنيك ويسعدك ويفرح قلبك
ديما منورنى يا حوده

mrmr يقول...

حبى الجميل
اهلا حبيبه قلبى
ديما منورانى
ربنا يبارك حياتك ويسعدك
وامانه بوسيلى لوو
امووووووووووووووواه

mrmr يقول...

سلسبيل
نورتى يا قمر 14
ربنا يسعدك

أحمد شريف يقول...

هذا رأي سديد أحييكِ عليه

mrmr يقول...

أ / احمد شريف
مرحبا بيك نورتنى
تمنياتى اليك بالسعاده

أفروديت يقول...

مرموره الأموره .. كلامك تمام جدآ بس في ناس أحيانآ بأسلوبهم بيجبروا الناس علي معاملتهم وحش ..وفي ناس تانيه بتجبرك علي احترامها..حلوالبوست لأنه نقي أوي

Noha Saleh يقول...

المشكلة بقى ان دلوقتى الخلاف للرأى اصبح يفسد للود الف قضية
يعنى لو اختلفتى مع انسان مجرد خلاف عادى ممكن يعتبرك من اعداءه وده علشان الناس مابقاش عندها فكرة عن اننا ممكن نختلف فى الاراء
انا الاول ماكنتش بتقبل اى نقد لكن دلوقتى بدأت اغير من نفسى شوية لان زى مافى حاجات مابتعجبنيش فى الناس اكيد لازم هما كمان يكون فى حاجات مش بتعجبهم فيا

ريحانة الاسلام يقول...

اتفقك معاكى بشده يا مرمر
لان مفيش انسان كامل
ولازم نتحمل بعض
والحب اللى بيننا هيداووى اى حاجة
ويكمل صداقتنا
ولما نسامح غيرنا ...غيرنا هيسامحنا
^_^
بوست جميل

mrmr يقول...

ريحانه الاسلام
اهلا بيكى يا قمر فى اول زياره لمدونتى

المحبه تحتمل كل شئ
وتصبر على كل شئ
وبالحب كل شئ يهون والكلمه الحلوه نقدر نكسب الاصدقاء

شكرا ليك يا قمر
وربنا يديم المحبه

سبايدرمان يقول...

مهما تعملي مش هتعجبي حد
ممكن تبقوا اصدقاء لفتره طويله و لسبب صغير تحصل مشكله
محدش بيحمد ربنا لما بيجيله صديق كويس
و الواحد مش بيعرف يحافظ على الصديق ده خالص

مصر اليوم يقول...

ايه الكلام الجامد اووووى ده

Shaimaa يقول...

مرمر...
أخبارك ايه ؟!!!...

انتى انسانة أوى من جوة... واضح ده من البوست

بس عايزة أقولك على حاجة...ممكن نعمل ده مع الناس القريبين من قلبنا وعقلنا أوى زى أخواتى وماما وبابا ... انما 90% من الناس الباقية محدش فيهم يستاهل كدة لأنهم ببساطة بيتفننوا ازاى يسمعونا كلمة ظاهرها بسيط وباطنها يحرق دم وأعصاب أى حد....
فى الزمن اللى احنا فيه ده لا تغاضى عن أى شىء... أنا كنت مسالمة جدا وبتغلضى عن كل حاجة لقيتنى هضيع....

دمتى بخير

mrmr يقول...

افروديت
عايزه اقولك انك تقدرى بحبك تكسبى اللى حواليكى
والشخص والوحش لو منفعش اصلاحه فى معاملتنا يبقى بلاش منه
يبقى ذى ما بيقول كده عادل ادهم
(انا صباع رجلى لما بيوجعنى اقطعه واستريح منه )
كده الشخص اللى متعب اختصاره افضل شئ
ويبقى برضه لم افقده بل اختصرته

ربنا يسعدك

mrmr يقول...

نها
الشخصيه الناضجه المتفهمه للامور هى اللى فعلا لو مختلفين فى الراى مش ح يخسروا بعض لان كل واحد بيتعامل بمحبه

وخلى بالك سعات النقد بيكون ناتج عن محبه خالصه ومش اى حد يبقى نقده بمحبه
لازم نفرق كويس قوى بين الشخص المحب والشخص اللى بتمنى لينا الازيه

لازم يا حبى نعدى التفاهات
لكن لو شئ مش تافه لازم ناخذ بالنا يمكن يكون عندهم حق فى نقدهم
وبالتالى نغير من نفسنا علشان نبقى افضل فى عيون نفسنا قبل ما نكون افضل فى عيون الاخرين

ربنا يبارك حياتك ويسعدك

mrmr يقول...

سبايدرمان
انا اختلف تماما معك
ممكن تحافظ على صديقك بالمحبه ثم المحبه ثم المحبه واهم شئ يكون اختيارك للصديق اختيار موفق لان مش اى حد يعتبر صديق
ممكن يكون الانسان حواليه كتير من الاصدقاء لكنهم مش اصدقاء
انا فى راى الشخص لابد ان يكون ليه صديق واحد بس وياريت يحسن اختيار الصديق ده

شكرا للزياره
وربنا يسعدك

mrmr يقول...

مصر اليوم
انا اتشرفت بزياره حضرتك

ربنا يسعد اوقاتك

mrmr يقول...

Shaimaa
انا اتفق معاكى فى كل كلامك
بس ممكن نكسب صدقات اخرى بتقديم المحبه
لو لقينا المحبه مش نافعه يبقى نبعد وناخد جنب بسرعه

شكرا يا قمر على زيارتك واتمنى نكون على وفاق وتواصل

ربنا يسعد اوقاتك ويحافظ عليكى

ELMOSTAFZ يقول...

بصراحة انا مش شايف حاجة ، المتصفح استهبل عند مدونتك لسبب ما خصوصا انه مش بيدعم لغة عربية ، بس أنا قولت مش معقول هدخل بإيدي فاضية ف أول زيارة ليا عندك :)
م التعليقات كده خمنت انه موضوع يستاهل القراية أوي ، في اقرب فرصة هاحاول اتابعك من جهاز تاني...
تحياتي مرمر...

mrmr يقول...

أ / حسنى
ده شرف ليا كبير قوى وجودك فى مدونتى
انا بجد سعيده بالشرف ده

ربنا يبارك حياتك ويسعدك

template by Osama hosny 2009