الأحد، 4 يوليو، 2010

من حكم فى غير ماله ظلم


 عمرك حاسيت انك مسجون وانت خارج اسوار السجن ؟
عمرك حاسيت انك طفل صغير بالرغم من انك انسان ناضج ؟
عمرك حاسيت انك ليس لديك الحق فى اخذ أى قرار  شخصى ؟
عمرك حاسيت ان عندك اكثر من شخص بيتحكموا فيك ذى عرائس الماريونيت لمجرد انك اصغر منهم سننا ؟

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

14 التعليقات:

أتنين حبيبين يقول...

مش عارفه أقولك حمدالله على السلامه لانى حساك حزينه وضعيفه ومستسلمه لشىء ما مغير مجرى حياتك

أتنين حبيبين يقول...

والله وحشتينى
وكمان الاحساس ده صعب اوووى ان حد يكون متحكم فى كل تصرفاتك
مافيش احسن من الحريه
مش لاذم نضعف ونبين ضعفنا قدام اى شىء
احنا اقوى من كل الظروف
توكلى على رب الكون وهو مافيش احن منه
خلى بالك من نفسك
وياريت طمنينى عليكى لانى مليش نفس لاى شىء وانتى بعيده

بحبك اوووووووووووووووووووووى

mrmr يقول...

توتا
حبيبه قلبى
انتى كمان وحشتينى يا قلبى
انا مش مستسلمه لكن مندهشه من موقف ما حدث غير كتير فيا
ربنا ما فيش احن منه
انا رميت حملى على ربنا وهو قادر على رفع اثقالى واحمالى
شكرا يا عمرى على احساسك ومحبتك

محمود(باحث عن حب) يقول...

اسف انا بعلق من التليفون تلوقتي مؤقتا
حمدا لله علي سلامتك ولي تعليق اخر

الحب الجميل يقول...

مرموره

حمد لله على سلامتك ياحبيبة قلبى كدا برضوا تشغلينا عليكى وتسبينا من غير ما نطمن عليكى
الحمد لله انك بخير اولا
ثنيا ولا يهمك حد طالما انتى اللى بتعمليه صح وقرارك صح ميهمكيش من حد ابدا

ربنا احسن من اى حد
ارمى حمولك على الله وادعى ربنا انه يسهلك امورك وان شاء الله ربنا معاكى والاقوى من اى حد فى الكون

المشكله يامرمر ان اوقات فى ناس بيتحكموا فينا وبيعملونا كما العرائس كما ذكرتى من منطلق تفكيرهم
وميهمهومش احاسسنا ومشاعرنا

ربنا معاكى يابنتى ويوفقك قادر ياكريم ويديكى اللى نفسك فيه

أنتى حد جميل وطيوب وربنا الموفق

طمنينى عليكى ومش تغيبى تانى

دمتى بخير يامرموره

mrmr يقول...

محمود
الله يسلامك
مرسى يا بطل كلك ذوق

محمود(باحث عن حب) يقول...

صلى على النبى
اخيرا اقدر اتكلم واحكى واقول
اولا جميله اللى انتى عملتيه يا مرمر بعدك ده
عرفتى بالضبط معزتك عندنا كلنا ده اولا بجد انتى اصلا مش بتفوتى موضوع الا بالتعليق
ثانيا :
انا حقولك على حاجه
انا بمر بحاله ومرحله صعبه جدا فى حياتى
مش عاوز اصدعك بس انا مريت بكلامك بالضبط حرفيا والله
حسيت فعلا انى مليش قيمه فى الدنيا
خصوصا مع الكبار
ثانيا لازم نواجهه الامر مع انفسنا
وده اللى عملته بالضبط
معايا مع الاعتبار بعقول اللى حواليا
ربنا يجبر خاطرك
يا مرمر

mrmr يقول...

حبى الجميل
مرسى يا حبى لاهتمامك ليا
انا بخير لكن للاسف اصابنى جرح عميق مش ممكن يخف بسهوله
لكن اشكر ربنا انه هدانى مؤقتا
لكن انا واثقه تمام الثقه ان اختيارى وقرارى لا يضر باحد
وانا بطبق المثل اللى بيقول
انت حر فى مالا تضر
لكن تقولى ايه حكم القوى على الضعيف
اقصد حكم الكبير على الصغير
ودى مشكله بيعانى منها كتير مش انا بس
شكرا يا حبى
واسفه على الازعاج

mrmr يقول...

محمود
انا مش بعدت بمزاجى ده شئ خارج عن ارادتى
تعرف ... انا عذرت قوى البنات اللى بيصيبهم احباط ويؤدى هذا الاحباط الى الانتحار
لولا ما انسانه مؤمنه كنت فكرت فى ذلك لكن اشكر ربنا انى لست من الذين يفقدون الثقه فى الله
وانا عارفه معزتى ايه بالنسبه لاصدقائى المدونين ذى ما انتو كلكم ليكم معزه فى قلبى بجد انا بحبكم جدا جدا جدا انتوا اهلى الذين لم تراهم عينى ولا تسمع بهم اذناى
طول عمرى لم يكن لى غير صديقه واحده فقط وللاسف انها تبعد عنى بمسافه كيلو مترات ولم استطيع الوصول اليها
لاجل ذلك فكرت انى التجى اليكم وتساندونى بدعاواتكم وصلواتكم
شكرا لشعورك الطيب
ودعواتك
فانت خير صديق حقا

Ramy يقول...

مرمر

حمد الله على السلامة يا شمعة البلوجر (:

معلش انا متأخر انا عارف العفو و السماح (:(:

عارفة انا عمرى ما حسيت دة خالص مع حد اكبر او اصغر او اغنى او حتى اصحاب الشغل

انا من النوع غير المروض برغم الهدوءاللى ممكن يكون قاتل او الابتسامة الدائمة

او حالة الأستسلام للضحك الدائم (:

اللى بيخلى الناس تقول لالا دة سهل جدا او ممكن نقدر عليه ونروضه

الشخص الوحيد اللى قدر انه يخلينى كده اظن انتوا كلكم عرفتوه من بوستاتى هو ملاكى (:

ممكن ابان قدامك قوى من كلامى ده بس لا برضه مش قوى
انا بس مبحبش حد يحس انه اقوى منى
حتى وانا فى قمة ضعفى

انت كمان اوعى تحسسى اللى قدامك ان انتى ضعيفة او خايفة من حاجة

مدام انتى صح صوباعك فى عين التخين و محدش يجبرك على شيىء انتى حساه انه ممكن يكون عكس تصوراتك او خارج طموحاتك
بس هذا لا يعنى الرفض لمجرد اثبات الذات لا هذا بعد تفكير فى الأفكار المعروضة

و ربنا يوفقك يا مرمر و مضيقيش نفسك

داليـ ـ ـ ـ ـ ـ ــــا يقول...

اه
حسيت انى مسجونه بالرغم انى مش مسجونه

انا فى الدنيا الواسعه بس للأسف فى اسوار محوطانى من كل اتجاه
اولها الناس الظالمين
تانيها العادات والتقاليد المتشدده

حلوه اسئلتك يامرمر

تحياتى

mrmr يقول...

رامى
مسمحاك من قلبى
عايزه اقولك انى انسانه قويه قدام اى ظروف ومحدش بيقدر يأثر عليا اذا كان من الاصدقاء او زملاء العمل اللى شايفاه صح بنفذه على طول ده بقى خارج نطاق العائلى
اما فى نطاق العيله فالمشكله الكبيره تكمن فى انى بنت

فاكر مسلسل تلفزيونى كان بيجى زمااان اسمه غوايش
كان ابو فاروق الفيشاوى يقوله
( كلام اخوك الكبير يصير يا حسانين
يرد عليه ليه يا بوى
علشان اخوك الكبير يا ولدى )

الكبير فاكر نفسه على طول الخط صح وحجته انه خايف عليك وانت يا صغير لازم تقول سمعا وطاعه بدون مناقشه ولا احترام لاداميتك وان القرار لازم يكون منبع من ذاتك لانك الوحيد اللى من حقك الاختيار والقرار طبعا بالاتفاق مع شريك الحياه
ولا الكلام ده عندنا احنا الصعايده بس
على العموم
ربنا يهدى عبيده وينور العقول
شكرا ليك

( همسه فى اذنك )
خلى بالك انت جيت وايديك فاضيه
المره الجايه تعمل حسابك

mrmr يقول...

داليا
اااااااه والف ااااااه
هى العادات والتقاليد اللى بتحكمنا
وخصوصا فى الصعيد
تبقى حاجه تفقع المراره
انا بخلى 10 مراراة على جنب استبن علشان لما وحده تتفقع اغيرها
شكرا ليك يا قمر وميحرمنيش منك ومن طلتك عليا

افروديت يقول...

شوفي يا مرمر قبل ما قول رأيي في البوست .. بيعجبني فيكي أيمانك القوي ومش عارفه حساكي مخنوقة وزعلانه بس أقولك بجد بجد ومن أختك مفيش حااااااااااجة في الدنيا تستاهل أنه حد يزعل عشانها وأن شاء الله ربنايفك كربنا جميعآونعيش مرتاحين ... أما البوست فعلآ في كتيرناس بتحس بالظلم لمجرد أنها صغيرة أو لوجودهم مع ناس بيخافواعليهم أوي أو علي أسوأ الفروض عايزين منهم حاجة... بس لازم كل أنسان يكون عنده شخصيته المستقله ويعرف يحقق اللي بيتمناه طول ماهو صح.. تقبلي مروري يا أحلي مرمر

template by Osama hosny 2009