الجمعة، 31 ديسمبر، 2010

عام جديد



الهى الحبيب
كم أشكرك الهى على عظم محبتك
لانك نهيت عامنا بسلام
وأعطيتنا فرصه لاستقبال عام جديد
أريد منك يا الهى في بدء هذا العام
وأن تتولى قيادة حياتنا
وأن تشكلها بالطريقة التي توافق تدبيرك
 الصالح وحسب مشيئتك
قدس داخلنا يارب وأمحو الماضي من أمامنا
أعنا يارب دائما لكي نبدأ بدايه حسنه  
اسألك الهى أن تحفظ بلدنا الحبيبه مصر
من مكر الاعداء وأمنحها السلام
وأحميها من الفتن والارهاب
وأعطينا أن نعيش أيام حياتنا بسلام
أمين


كل سنه وأحنا طيبين
يا أجمل صحبه وأجمل مدونين
وحشتونى جداً جداً
يارب تكون سنه سعيده علينا كلنا
ونستقبلها بفرحه
ونودع كل حزن وكل ضيقه
وكل آلم 
 بأشكر كل من سأل عنى فى فتره غيابى
وأتصل بيا للتهنئه بالعام الجديد
 وبعتذر ليكم لعدم المتابعه
وباذن الله أرجع ليكم
وأتابعكم بعد نهايه الامتحانات
لكم منى أرق وأحلى الأمنيات بعام سعيد

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، 22 ديسمبر، 2010

حزن قلب


يا قلبى ماذا بك ؟؟
فهل أنت موعود بالاحزان ؟؟
أم أنت موجوع على الاحباب ؟؟
أم أنت تئن على دنيا أنتهى فيها الاخلاق ؟؟
فكل يوم يمر بك يثقل الحمل عليك
وتتألم لألمك ولألم غيرك
كثيراً  ما أجدك يا قلبى فى ضيقه
وتبحث عن أشخاص تلتجئ اليهم فى ضيقاتك
وتبحث عن من يسمع لشكواك
والاغرب أن تترك الله وتبحث عن من يسمعك
وتعتقد أن الله هو الذى يلقى بك فى الضيقه مما يجعلك فى تساؤل .. لماذا يسمح الله بذلك ؟؟؟
فتجد نفسك معاتبا لله وتصبح صلاتك مجرد شكوى فى الله وليس لله
وتنسى ان الله هو مصدر الراحه لكل المتعبين
ولكل قلب حزين
فاليك يا قلبى أقول
أرمى كل ضيقك واحزانك وحمولك عليه
وابكى بدموع نقيه
لتغسل ذاتك لكى تجد الراحه والعزاء
فالله هو مصدر الراحه والعزاء لكل قلب حزين

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، 6 ديسمبر، 2010

تهنئه + اجازه + هل أنا حشريه ؟؟

كل سنه وأنتوا طيبين



كل سنه و مصر كلها بخير



عام هجرى سعيد
علينا وعلى كل العالم العربى

@@@@@@@@@

أنا فى أجازه
بس أجازه مفتوحه شويه
من كل المدونات
سامحونى لعدم المتابعه
محتاجه دعواتكم وصلواتكم


موضوع الفضول والاستفزاز
دى دعوه  موجهه ليا من اصدقائى وحبايب قلبى
رشا صاحبه مدونه ( خواطرى مع الحياه )
 وجايدا صاحبه مدونه ( جايدا العزيزى )
ورامى صاحب مدونه ( ذئب الظلام )
 وانا بشكرهم  عليها
الموضوع عباره عن سؤالين  ...
 هل انت ممن يحب التدخل فى شؤن الاخرين؟؟
وما الاسئله التى ممكن تستفزك ؟؟

بالنسبه للسؤال الاول فانا بصراحه مش بحب اتدخل
فى ما لا يعنينى
لان مؤمنه بالمثل القائل :
 " من تدخل فى ما لا يعنيه وجد ما لا يرضيه "
لكن من باب الفضول
والاطمئنان على من يهمنى امرهم ممكن اسئل
ولو حابب يجاوب  بيجاوب
 ولو مش حابب يجاوب مش بضغط عليه

اما عن الاسئله المستفزه فدى كتير قوى
تلاقى وحده بتسأل ..
انتى ليه مش بتخاوى البنات ؟؟؟
 طيب وانتى ايه اللى يخصك ماتخليكى فى حالك
انا ربنا راضينى وشاكراه على عطيته

وكمان لما تكون فى عروسه قريبتى متزوجه حديثا
تلاقى السؤال المستفز الدائم
هى العروسه مش حامل ؟؟؟
هو العيب فين ؟؟؟
 مش بتروح للدكتور علشان تتطمن ليه ؟؟؟
يا جماعه دعوا الخلق للخالق
ايه اللى ح يعود عليكم من أسئلتكم المستفزه

كمان لمااشترى شئ ثمين تلاقى السؤال المستفز
الدائم
انت جبتى ثمنها منين ؟؟؟
طيب يا ناس انتوا زعلنين ليه  
ربنا بعت ثمنها ما اشتريهاش ليه 

طبعا الاسئله المستفزه فى حياتنا اليوميه كتير
بس ما فيش داعى نخوض أكثر من كده

أحب أوجه الدعوه لاصدقائى وحبايبى
ايمان صاحبه مدونه ( الحب الجميل )
محمود صاحبه مدونه ( باحث عن حب )
زهره صاحبه مدونه ( بالحب اتجمعنا )
رامى صاحبه مدونه ( بابى )
ويكا صاحب مدونه ( بصراحه )
هدير صاحبه مدونه ( بنت الاسلام )

ويارب مش يزعلوا من تدبيسى ليهم
اقعدوا بالعافيه 



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، 25 نوفمبر، 2010

حوار قلب


سألت قلبى ماذا تريد ؟؟؟؟

اجابنى قائلا :

 اريد حباً وحناناً ... وأمناً وأماناً

ليروى ظما قلبى ..

 فقلبى ما زال يفتقد الحب والامان

فعاودت سؤاله ايضاً :

اذن فما الذى تشعر به الان ؟؟؟؟

أجابنى قائلاً :

أشعر بألم ومراره وعذاب

فأنا أئن وأتالم كلما رآيت قلوب حجريه

لا تعرف الرحمه

وبشر ليسوا هما ببشر

كاننا نعيش فى غابه قانونها البقاء للاقوى

فشئ صعب جداً ومؤلم ان تجد نفسك وضع

استغلال من حولك

وتكتشف انك مستهدف من الاخرين

ومحط احتقار قدراتك وسرقه نجاحك واغتصاب افكارك

فتشعر بالحصره والعجز والضعف

فالى متى نستمر هكذا

مسلوبى الاراده

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، 20 نوفمبر، 2010

برئ يا بيه


العواف عليكم
يا مراحب .. يا مراحب
ايه الدخله دى ... معلش بقه
 الدخله جديده عليكم باعتبار اننا قاعدين
كده فى دوار العمده
عقبال أمالتكم .. وبأقر واعترف
الاعتراف ده دعوه أقدمها ليا حاتم
صاحب مدونه شقاوى
وأنا من مزنقى هذا باشكره على الورطه المنيله بستين نيله
اللى ورطهانى لكن أعمل إيه ما باليد حيله
أدبست وخلاص
أقر وأعترف وأمرى لله

1- اعترف انى زوجه وأم لكن ليا  قلب طفله عمرها ما ح تكبر ابداً مهما بقيت عجوزه وكركوبه  وثنانى مكثره وانى بعشق زوجى وبغير عليه لدرجه الجنون طبع منيل لكن اعمل ايه مش بايديا  . 
2- اعترف انى اعشق قاعده البيت ومش بحب الفسح ولا السفر والمره الوحيده اللى سافرت فيها وحدى كان يوم التجمع وكنت عايله الهم وخايفه قوى أصل أختكم بتغرق فى شبر ميه .
3-أعترف أنى أنسانه بسيطه ولا أنا هاديه ولا شقيه  وأنى حساسه جداً لدرجه اى كلمه ممكن  تزعلنى من حبايبى وأخد على خاطرى جداً ومش بروق ولا اهدى بسرعه .
4- أعترف أنى عصبيه ومقدرش أهدى أبداً غير لما أكسر إى حاجه قدامى لدرجه أنى ممكن أكسر الاطباق الصينى والكبايات القزاز  وارجع أندم علشان أنا اللى بلمهم  فى الاخر ههههههههه  .
5- أعترف أنى بحب القصص المثيره والمرعبه وبموووت فى أفلام مصاصى الدماء وأستمتع بمناظر الرعب
 6 -اعترف انى بنزل الشغل واوقات كتيره بازوغ علشان أجرى على البيت علشان أجهز الغداء وأنى ست بيت شاطره بخبز عيش شمسى أنما ايه .... حكايه وأسلق بيض ممتاز هههههه ( كده وكده علشان الحسد ) 
7- أعترف أنى رومانسيه جدا وطيبه قوى بس طيبتى دى ممكن تدخلنى فى مشاكل كتير أنا فى غنى عنها وأنى بضايق جدا لما  حد يتجاهلنى ويهتم باى شئ آخر وأنا قاعده معاه .
8- أعترف أنى جوايا كسر كبير لفقدانى أمى ومش ممكن الكسر ده يداوى ولا باقى عمرى  لدرجه أنى بقيت أكره شهر سبتمبر جداً لان ده  الشهر اللى فقدتها فيه وأفضل طول الشهر فى حاله أكتئاب مزمن ومحدش يقدر يخرجنى من الحاله دى أبداً لغايه ما يعدى ذكرى وفاتها .
9- أعترف أنى بحب الضحك جداً وأحب أرسم الضحكه على اللى حوليا أن شنطتى ولا درج مكتبى ما يخلوش أبداً  من الحلويات والبسكويتات .
10- أعترف أنى بكون فى قمه سعادتى لما أقدر أساعد حد محتاجلى بجد وبحترم أدميه الانسان قوى وبعلم بناتى أنهم يحترموا الصغير علشان الصغير يحترمهم بالنسبالى  فاطمه ذى كرستين الاثنين حبايبى .
11- أعترف أنى بعشق الطرب الاصيل وأغانى الزمن الجميل الست سومه وأسمهان لكن الاغانى الشبابيه مش بتستهوانى لكن بسمع قليل منها .
12-أعترف أنى مش بحب أدين إى شخص  علشان لا أدان فيما بعد وبحب التمس العزر للاخرين  .
13- أعترف أنى مقدرش أبداً أتخلى عن واجبات العزاء لكن أقدر أتخلى عن وجبات الافراح  وأنى بحب اللمه والصحبه الحلوه وكل يوم خميس بيبقى عندى تجمع عائلى يجمع عائله زوجى واولادهم وازواجهم وده طقس لابد منه بقاله سنين .
14- أعترف أنى لما أكون فى ضيقه أدخل غرفتى وأقفل عليا بابى وأفضل أصرخ لربنا علشان يريح قلبى ويفك ضيقتى ومش بحب اقول سرى لحد .
15-أعترف أنى بحسن الظن فى كل اللى حواليا إلى حين يثبت عكس ذلك  وأن قلبى مفتوح لاى شخص يحب يحكيلى مشاكله وطالب النصيحه والمشوره .
 16-أعترف أنى بحب الصراحه ذى ما أحب غيرى يكون صريح معايا وأكره الكذب والنفاق والنفخه الكدابه والشخص اللى يقولى أنا بعرف فلان بيه واقعد مع فلان باشا وهو أصلا شخص منفوخ على الفاضى وبتاع كلام وبس وبيحب يترسم علينا .
17- أعترف أنى فى بعض الاحيان ببقى قاسيه وحازمه فى بعض الامور اللى تستحق ذلك طبعا علشان أقدر امسك زمام الامور .
18- أعترف أنى مش بحب حد يستغل حبى لشغلى ويحملنى شغله علشان هو يزوغ براحته .
19- أعترف أنى حياتى كلها منحصره فى بيتى وزوجى وبناتى وشغلى وبس و مش بحب أتدخل فيما لا يعنينى ولا أفرض نفسى على الاخرين .
20- واخيراً اعترف انى بحبكم كلكم يا أجمل صحبه وأجمل مدونين

وبس  كفايه كده أعترافات
لحسن حاسه أن فى حد ح يحدفنى بالطوب
من كتر أعترافاتى ورغي الكتير
وأحب أدبس اصدقائى كلهم لكن ح اكتفى بـ
محمود ( باحث عن حب )
هدير ( بنت الاسلام )
كاسبر ( همسات قلب )
سندباد ( فكره )
اسامه حسنى ( شريكى فى المدونات )
كارمن ( البوم الذكريات )
معلش سامحونى لو كنت ورطكم
بس ده علشان بحبكم
اقعدوا بالعافيه



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، 14 نوفمبر، 2010

عيد سعيد


كل سنه وانتوا طيبين


كل سنه واحنا فرحانين

كل عيد ومصر كلها فى حب وسلام



كل عيد واحنا شباب على طوووووول

عيد أضحى مبارك

 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، 11 نوفمبر، 2010

الأمل


استيقظت على أمل جديد

أمل عودته لى

فقد رحل بدون أسباب

رحل وقاصد الترحال

رحل ورحلت أيامه

رحل وتركنى مكسوره القلب

رحل وتركنى أتعذب مع قلبى المعذب

لكن أسمعنى حبيبى

فانا أحبك وأعترف بحبك

لم أقل لاحد قبلك .. كلمه بحبك

ولن أقولها أبداً لبعدك

فأنت ملح حياتى

وأنت بلسم لجرحاتى

فأنا لن ألوم غير نفسى

فأنا من تسبب فى عذابى وآهاتى

مشتاقه اليك

مشتاقه لعيونك و مشتاقه لجفونك

مشتاقه من سنين

خذ قلبى وهات الحنين

مشتاقه ولسانى يقولها لك

بحبك .. بحبك

فالى متى تعود لقلبى

تعود لحنانى ودفء مشاعرى

ففكرى يحن للقاءك  لعل فكرى يجد قلبى

أن أردت أن ترحل

 فأرحــل

أرحل كما تشاء...

 ولكن

قبل أن ترحل سامحنى

والله على غيابك يصبرنى

 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، 8 نوفمبر، 2010

أفهم


أفهــــــم بقى وخلصنى  ...   أفهم
أفهم وحس بيا  ...  أفهم
أفهـــــم وأقراء لغه عنيا  .... أفهم
أفهم وشوف لهفه ايديا ... أفهم
لحد أمتى ح اصرخ واقول
 أفهم


تعالى وخد بايديا
تعالى نور عينيا
تعالى وارسم حياتى
تعالى وشوف أهاتى


 أنا حبيت الحب فيك
انا حياتى اتميلت بيك
أنا عمرى كله بين ايديك
وقلبى مش لعبه فى ايديك


كنت اتمنى فى يوم رؤياك
كنت استنى لحظه لقاك
كنت اتمنى لمسه ايديك
كنت اتمنى اتونس بيك

كل ده ومش عايز تفهم
افهم بقى خلصنى افهم



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الجمعة، 5 نوفمبر، 2010

بيت العز يا بيتنا



بيت المدونين .. ده بيتنا كلنا

وأنا مسمياه بيت العز يا بيتنا

علشان بنحتفل فيه بكل مناسبتنا كلنا

أفراح .. خطوبات .. أعياد ميلاد ..

 وممكن سبوع ميضرش .. واجب عزاء لا قدر الله

المهم البيت بيحمل أخبارنا

وفيه بنشارك بعض فى كل مناسبتنا

وهناك فكره جميله وجديده

بيقدمها

ويكا

صاحب مدونه بصراحه

وصاحب فكره بيت المدونين

الفكره ح تلاقوها هنــــا

الفكره عجبتنى قوى

وياريت نشارك كلنا فى نشر الفكره دى

بتقولوا  إيه  !!! نشارك اذاى ؟؟؟

ااااااه

أقولكم ..

أبسط شئ فى الوقت الحالى أننا ننشر

الفكره فى مدونتنا علشان أكبر عدد ممكن

توصله الفكره دى

وأنا واثقه أن الفكره ح تعجبكم قووووووى

ياللا بقى الهمه  مش عايزين كسل

اللى عنده أفكار جديده ممكن يقول عليها

وأحنا كلنا ندرسها وناخد الاراء

أصل بيتنا بيت ديمقراطى

أقعدوا بالعافيه



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، 28 أكتوبر، 2010

أصعب جرح



ظلت تسير و تسير فى الطرقات ولاتعلم إلى أين

 تاخذها قدميها

حتى وصلت بدون وعى إلى حديقه ذكرياتهمافجلست

حزينه وحيده تحت شجره حبهما

التى كانت دائمه الجلوس تحت ظلها

والتى تشهد على غرامهما

والدموع تتساقط من عينيها كقطرات دماً

فتذكرت كم من مرات ومرات جلسا معاً

يتحاوران

ويتناقشان

ويتبادلان نظرات الحب العشق والهيام

ومدى السعاده التى تشعر بها عندما يلمس يديها

الرقيقتان ويقبلهما بشفاتيه

واللهفه التى تشعر بها وهى بجواره

كانها طير يحلق فى السماء وبين الاغصان

أو

كـ طفله تفرح بهلال العيد

أو

 كـ سمكه تسبح فى الماء

فهو بالنسبه لها كـ الماء والهواء

وفجأه

واذا بها رأته أمامها راكعاً على ركبتيه

 والدموع تنهمر بغزراه

ندما على ما أكترثه من أفعال

لكن جرحها كان أعمق من أن تسامح وتغفر

فكل شئ تتهاون فيه

ما عدا جرح الكرامه والخيانه

فما أصعب هذا الجرح

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الجمعة، 22 أكتوبر، 2010

بحر عينيك



عندما رآت عينى لاول مره

ولمحت عينيك فغرقت فى بحورها

ونظرت فى عينيك فتهت فى سماءها

غرقت .. وتهت

فلم أجد من ينقذنى

ولم أجد من ينتشلنى


ولم أجد من يعثر علىّ

فأنا لست قادره على النهوض من سقطتى فى بحور عينيك


فأنت حبيبى الذى يستطيع ذلك


فأنت من بعثت لى الحياه من جديد


وأنت الذى غمرتنى بحبك


وأنت الذى شملتنى بحنانك

فمنذ ان رأتك عينى وانا أعيش لك

فى عالمك

أعيش لك وحدك وليس غيرك


فاليك قلبى وكيانى  


اليك حبى واشواقى


اليك لهفتى وحنانى

اليك ....أناااا

فحافظ عليااا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، 17 أكتوبر، 2010

أصعب موت



 
موضوع اللى شاغلنى من فتره هو الموت 
فيوجد معانى كثيرة للموت 
فالموت ليس فقط أن تكون جثة هامدة
قد فارقتها الحياة
أو
أن يتوقف قلبك عن النبض
و إنما ...
هناك عدة معاني لهذه الكلمة
ليس بالضرورة
أن تلفظ أنفاسك
و تغمض عينيك
و يتوقف قلبك عن النبض
و يتوقف جسدك عن الحركة
ويقال عنك أنك فارقت الحياة
فبيننا الكثير من الموتى
يتحركون
يتحدثون
يأكلون
يشربون
يضحكون
لكنهم موتـى
يمارسون الحياة بلا حياة
فمفهوم الموت عند بعض الناس مختلف
فهناك من يشعر بالموت حين يفقد صديق
أو أبا أو أما
ويخيل إليه .. أن الحياة .. قد انتهـت
وأن ذلك الصديق أو العزيز حين رحل عنه
أغلق أبواب الحياة خلفه
وأن دوره في الحياة قد انتهى
وهناك من يشعر بالموت ...
عندما ينتابه الفشل من كل الجهات
 فيخيل إليه أن الحياة قد انتهت
وأنه لم يوجد على الأرض
ما يستحق البقاء من أجله
ويوجد بعض اخر
 تتوقف الحياة في عينيهم في لحظات الحزن
ويظنوا أنهم لا نهاية لهذا الحزن
وأنه لا يوجد فى الأرض من أتعس منهم
فيقسوا على انفسهم
وينزعوا الحياة من قلبهم
ويعيشوا بين الآخرين كاموات
فلم يعد المعنى الوحيد للموت هو
الرحيل عن هذه الحياة
فهناك من يمارس الموت بطرق مختلفة
وهو ما زال على قيد الحياة
فالكثير منا
يتمنى الموت في لحظات الانكسار والفشل
ظناً أن الموت هو الحل الوحيد
والنهاية السعيدة لسلسلة العذاب
فاحبابنا .. كانوا هنا ... ثم رحلوا
لكن الحياة خلفهم ما زالت مستمرة

فالشمس ما زالت تشرق
والأيام .. ما زالت تتوالى
والزمن .. لم يتوقف بعد
ونحن ... ما زلنا هنا
ما زال في الجسد دم
وفي القلب نبض
وفي العمر بقية ..فلماذا نعيش بلا حياة ؟؟
ونموت بلا موت ؟؟
إذا توقفت الحياة في أعيننا
فيجب ألا تتوقف في قلوبنا
فالموت الحقيقي هو
مـوت القلــوب
فما أصعب هذا الموووووووت

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، 13 أكتوبر، 2010

مجنونه


اتهمونى بالجنون
فانا مجنونه بحبك
مجنونه فى قربك وبعدك
جنون ليس له مثيل


قيس اتجنن فى حب ليلى
وانا فى حبك باتجنن فى كل ليله
فهل حبى لك يعطيك الحق ان تجرحنى
وتكسر بقلبى وتقتلنى


لا يا حبيبى فانا مجنونه بحبك
ولكن عليك ان تتوخى الحذر
فقلبى رقيق لا يحتمل
الحرج  ...والكسر
 ارجوك حبيبى
 ان تحافظ على قلبى لانه ملكك
فقلبى يئن من حرجك وكسرك

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، 7 أكتوبر، 2010

لقاء المدونين بالاسكندرية واسماء مدوناتهم

فعلا صحبتكم حلوة وجميلة تخلى الواحد ينسى الدنيا كلها وهو شايف شباب زى الورد حواليه ربنا يحميكم ويحافظ عليكم
كلنا بالفرحه والحب اتجمعنا وبالسعادة بيومنا كتبنا وحكينا ... فيه منا الى كتب روحنا فين واكلنا ايه ووصف اليوم بكل تفاصيله وفيه الى وصف بعيون قلبه الجميلة المدونين وانطباعه عن اخواته... وبما ان معظمنا كان عاوز يتعرف على كل الموجدين فكان السؤال التقليدي اسم مدونتك ايه ؟؟ خطرت على بالى فكرة الكراسة الى عدت علينا كلنا علشان نكتب فيها اسماء مدوناتنا واسمائنا .. لقيتها فكره جميلة للتعارف حتى لو مش هيكون فى نفس اليوم ... بس للاسف مش كل الناس كتبت فى الكراسه اسماء مدوناتها .. عموما الى فى الكراسه انا نقلته هنا بنفس الترتيب تماما وبنفس البيانات الى كتبها اصحابها وباقى الناس حاولت على قد مااقدر اكمل بياناتها ... فرجاء ياجماعه محدش يزعل منى وتسامحونى لو نسيت سهوا او مقدرتش اوصل لكل الناس الى كانت منورانا بصحبتها

مدونة تخاريف زمن
الاسم:/ محمد جبريل
مدونة بطوط حبوب
الاسم:/ محمود البطراوى
مدونة ماضى صنع حب
الاسم:/ محمد التركى
مدونة كلام هشام
الاسم:/ هشام علاء
مدونة رقصنى ياجدع
الاسم:/ خالد كمال
مدونة ليس فقيرا من يحب
الاسم:/ رانيا
مدونة بالحب اتجمعنا
الاسم:/ زهراء
مدونة بابى
الاسم:/ رامى فايز
مدونة ريتشارد كات هيرت
الاسم:/ مارو
مدونة ابتسامات
الاسم:/ مرمر
مدونة الحب الجميل
الاسم:/ ايمان
مدونة اسير الجراح
الاسم:/ احمد
مدونة للخبية جروب
الاسم:/ الاسيدا
مدونة صوت من مصر
الاسم:/ كيمو
مدونة واحد وخلاص
الاسم:/ حمدى
مدونة المهم هات من الاخر
الاسم:/ انجى ابراهيم
مدونة شاب فقرى
الاسم:/ كريم عبدالقادر
مدونة عجوز وعندى 30 سنة
الاسم:/ احمد سووو
مدونة الصباغ
الاسم:/ احمد الصباغ
مدونة ابداعات شاب ثائر
الاسم:/ مصطفى ريان
مدونة عنبر العقلاء
الاسم:/ احمد سعيد
مدونة همس الاحباب
الاسم:/ خالد عثمان
مدونة رياح الحنين
الاسم:/ حنان الشافعى
مدونة لقد خلقنا الله احرارا
الاسم:/ رشا عرابى
مدونة روح قلب ماما
الاسم:/ فاتيما
مدونة بين السماء والارض
الاسم:/ عبير
مدونة حنين القلب
الاسم:/ ام عمر
مدونة اسماء واحلام فى وجدانى
الاسم:/ احمد الهامى
مدونة gogo!sf
الاسم:/ gogo!sf
مدونة لماضة
الاسم:/ مروة عامر
مدونة نبضات قلب ولهان
الاسم:/ دودو
مدونة غنى يا بهية
الاسم:/ مصطفى مغربى
مدونة احلام صغيرة
الاسم:/ حازم شلبى

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

template by Osama hosny 2009