الخميس، 7 أبريل 2011

:: ارمى ودنك هناااا ::




كنت أتكلمت فى البوست اللى فات
عن السعاده الزوجيه وأنها بيد المرأه وحدها
أن تكون سعيده أو تعيسه
يمكن أكون تحاملت على المرأه أكثر من الرجل 
 لان إيمانى بأن السعاده بيد المرأه وحدها


فى البوست ده ح أحاول الفت أنتباهكم إلى بعض الاشياء اللى بتؤدى إلى التعاسه
وأيضا بعض العلاج لها
فالغيره 
 أحد هذه الاسباب
وقبل كده أتكلمت عن
فى بوست سابق 
فى بعض الاحيان بتكون الغيره عباره عن رغبه
فى الامتلاك وتؤدى إلى الشك
وغالباً بتكون الغيره من ناحيه الزوجه أكثر
من الزوج وده بطبيعه المراه وفطريتها
لذا نجد الرجل يكره غيره المراه
ومن ناحيه أخرى
نجد المراه تعشق غيره الزوج
 لكن  الشئ اللى يزيد عن حده ينقلب الى ضده
لذلك لابد أن تكون الغيره فى حدود
وعلاج الغيره بسيط
وهو أن يحترم كل طرف حريه وخصوصيه الاخر
 ويكون هناك حوار صريح
ومناقشات هادئه
 والابتعاد عن إى حوار بعصبيه


كما إن الكذب من المشاكل اللى بتدمر الحياه الزوجيه ويضعف علاقه الزوج بالزوجه
وده علاجه بسيط وبيكون عن طريق الالتزام
والصبر والتسامح
والاهم من ده كله الصدق والصراحه
 فى كل الاحوال
 ومهما كانت النتائج المترتبه على ذلك


وأيضا تدخل اطراف خارجيه مثل الاهل
وده أمر خطير فى حد ذاته وبيكون سببه الزيارات المتكرره بكثره من قبل أهل الزوج أوالزوجه
واطلاعهم على كل تفاصيل حياتهم الخاصه
ومعرفتهم بكل كبيره وصغيره بها
وعلاجه المحافظه على أسرار البيت
والسريه التامه
 والاعتدال فى الزيارات
والاهتمام بشئون البيت أكثر من الزيارات


وفى بعض الاحيان بيكون البخل عامل رئيسى
 فى المشاكل العائليه
ويسبب تعاسه الزوجه وهدم عش الزوجيه
 وده طبع سئ للغايه
ويجب علاجه لانه بمثابه مرض خطير 
وعلاجه الرضا والشكر على عطيه ربنا وأن يكون الشخص على يقين أن يوم مقابله رب كريم قريب
جداً ويعمل كل يوم على ذلك
فالاعتدال فى الانفاق أمر مطلوب 

أما الملل فده بيأتى  بمرور الوقت
 لما الاثنين يعيشوا فى روتين دائم
واللى يباتوا فيه يصبحوا فيه لذلك يجب
علاجه بالتجديد الدائم كل فتره والتانيه وملء
الفراغ اللى بيسيطر عليهم باى شئ مفيد وبناء


وبعض الرجال يشعرون بفقدان بعض الاشياء
بعد الزواج
مثل فقدان الاصدقاء
فقدان يوم أجازه فى الاسبوع
فقدان الحريه الشخصيه
مما يتسبب فى خلق بعض المشاكل
فعليكى ان تنتبهى لذلك
 وعلاجه ان تشعريه دائما بإنكِ الصديقه والاخت
والزميله والزوجه والام
وتعطى له مساحه من الحريه ولو يوم فى الاسبوع


لذلك أرمى ودنك هنااا
 أيها الرجل
 و أيتها المرأه 
 وأنتبهوا من هذه الاشياء
الغيره ،  الكذب  ، الاهل  ، البخل
الملل  ،  وفقدان الزوج للحريه
فهذه أٌٌمور تهدد الحياه الزوجيه وتؤدى
إلى نتائج جسيمه

فالعتاب أمر ضرورى فيما بينكم  
 لكى لا يخسر كل منكم الأخر فيجب أن يكون
العتاب لا يزيد عن حد معين
ولا ينقص عن الحد الذى يجعله فعال
ولا توجهى أى أتهامات مباشره له
 فلا تضعيه فى موضع المتهم ويكون عتابك بلا توبيخ
ولا يتحول إلى هجوم فيطر أن يدافع عن
نفسه وربما يؤدى إلى أن تخسريه كلياً أو جزئياً
فأجعلى عتابك له من باب البقاء والود
والحب وكونى مهذبه فلا تستخدمى أبداً كلمات جارحه
 أو خارجه عن الاداب وأنتقى الفاظك بعنايه
فكونى حريصه على بناء وتأسيس بيتك
والمحافظه على زوجك
لكى تعيشى حياه افضل
مع تمنياتى لكم بالسعاده


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

16 التعليقات:

مدونة رحلة حياه يقول...

السلام عليكم
فعلا موضوعك قيم جدا ومهم هى حاجات بتقابلنا كل يوم فى بيوتنا بتبقى محتاجة لفت انتباه مننا لاننا فى الغالب بنقع فيها كلنا الا ما رحم ربى شكرا كتير على قيمة اطروحاتك

مصطفى سيف الدين يقول...

بوست قيم جدا ونصايح مميزة
والعتاب والمواجهة هو السبيل لحل اي مشكلة زوجية
واخطر العوامل اللي قلتي عليها عامل الاهل
اعرف بيوت كتير اتخربت واطفال اتشردت بسبب تدخل الاهل
اشكرك يا مرمر
تحياتي

mrmr يقول...

مرسى يا محمد على زيارتك ويسعدنى متابعتك للمدونه

mrmr يقول...

فعلا يا درش الاهل فى بعض الاحيان بيكونوا سبب لهدم لبيوت كثيره والامر محتاج لتوعيه اهل الزوج او الزوجه
منورنى يا درش

Unknown يقول...

مرمر ازيك يا قمر انا مجتش هنا من زمان والنبي تسامحينى بس والله انا غصب عنى النت بيجى كل فين وفين ومش بلحق غير انزل بوست وبالعافيه ارد وقبل ما الحق اجى عند مدونتك بيفصل

الموضوع حلو اوى بس مين يقرأ ومين يسمع يارب نفهم بقى ونعرف

بس عارفه انا شايفه ان تدخل الاهل هو اكبر عامل ممكن يبوظ البيت لازم البيت يبقى مستقل ولازم الراجل يعمل لنفسو شخصيه مستقله ف بيتو بعدين عن اهلو والست تعمل لنفسها ولزوجها كينونه خاص بيهم بعيد عن اهلها ومترميش دمغها لكلام امها وربنا يهدى بقى

mrmr يقول...

منى ازيك وحشتينى
انا كمان عايزه اعتذرلك على عدم متابعتى لكن ده شئ خارج عن ارادتى
انا اتفق تماما ان اخطر شئ بيعكر صفو الحياه الزوجيه هو تدخل الاهل
وده علاجه بسيط بيد كل الطرفين وياريت يكون بالاتفاق مع بعض
منورانى يا اجمل منى
ربى يسعدك ويحافظ عليكى

eng_semsem يقول...

نصيحه غاليه ويبقى اصعب ما فيها تنفيذها وارض الواقع يحدث فيه الكثير وينسى الكثير كل ما قراه او تعلمه
الكذب هو دما البيوت فعلا وهو اللي بيخلي الغيره تتقلب لحاجه وحشه جدا
تقبلي تحياتي

mrmr يقول...

اسامه
يمكن النصايح تطبيقها صعب شويه لكن مش مستحيله ووحده وحده نقدر بمعونه الهيه وشويه مجهود واحتمال نعيش حياه سعيده
وجودك اسعدنى حقا
وربى يسعدك

Casper يقول...

موضوع في غاية الأهمية وقد حوى نصائح جمة من يعمل بها فسينعم في حياته

خالص تحياتي
Casper

Unknown يقول...

المشكله يا مرمر ان الكلام سهل و الفعل صعب أوي أتمنى ان نصائحك الغاليه تتنفذ بشكل تدريجي و عن اقتناع و بمساعدة الطرفين لان صعب طرف واحد يتحمل معالجة المشاكل وحده
شكراً مرموره على البوست القيم
تحياتي لكي

سندباد يقول...

جزاكي الله خيرا وجعله في ميزان حسناتك احسنتي بشدة موضوع في منتهي الاهمية وياريت كلنا نستفيد منه
تحياتي

BNT ELISLAM يقول...

جميل البوست يامرمر بس مين يتعلم فين الرجاله والستات يسمعوا ويعوا

Ms Venus يقول...

بوست جميل يا مرمر ومفيد

شكرا ليكى

افروديت يقول...

أزيك يامرمورتي

بصراحة نصائح مهمه جدآ ومفيدة يامرمر

سأدخرهافي عقلي لحين الحاجة لها


تحياتي لكي ول مورا

غير معرف يقول...

مرموره

جيت ارمى ودانى اهه ههههه لقيت كلام ونصايح غاليه بالفعل

جزاكى الله خير يارب عن اهتمامك وبنصايحك الغاليه

ويارب نكون بنطبق منها فى حياتنا على اد ما نقدر

أحيكى وبشده على البوست الرائع

Ms Venus يقول...

كل سنة وانتى طيبة وبخير يا مرمر

template by Osama hosny 2009