الأربعاء، 25 أغسطس 2010

كذاب يا خيشه كذاب قوووى



كتير منا يلجاؤا الى الكذب
وكثير ايضا يلجاؤا الى المجامله
فهل الكذب والمجامله اصبحوا مرض ؟
فلماذا يضطر الانسان الى الكذب ؟
ولماذا ايضا يضطر الى المجامله ؟
فانا اعتبر ان
الكذب والمجامله وجهان لعمله واحده


 
يكذب الانسان لانه ضعيف الشخصيه
فلا يستطيع ان يسيطرعلى نفسه ولا تكون له الجراءه فى مواجهه الاخرين بالحقيقه
وقد يكذب ايضا بسبب الاحراج والخوف
او شئ اطرارى مثل الطبيب الذى يخفى
 حقيقه المرض عن مريضه
او المحامى الذى يدافع عن مذنب
او يكذب للمحافظه على من حوله وعلى مشاعر
احبائه وقد يكون بسبب الكبرياء
ويظن البعض ان الكذب ينجى صاحبه وقد يلجأ اليه البعض لاخفاء خطيه معينه


 
فاليك يا من هو مريض بهذا الداء
ان حبل الكذب قصير
وان الشئ الذى تخاف ان ينكشف لا يصح ان تفعله
فالذى تفعله فى الخفاء ينادى به على الاسطح
ولوصممت ان تكون صادقا لاسترحت من خطايا كثيره
 تقع فيها
وان كنت تكذب بسبب الاحراج او الخوف
فيكون من الافضل السكوت لك
 لذلك يجب عليك الصمت
او غير مجرى الحديث اواعتذر عن الاجابه اوأتكلم بصراحه وشجاعه
ودافع عن موقفك او اعتذر عن خطئك
 فهذا يريح ضميرك
ويعفيك من خطيه الكذب
فالكذب يجعل صاحبه يعيش فى توتر وخوف دائم
لكن من حقك ان تخفى بعض الحقائق
فهناك اسرار للانسان من حقه كتمها واسرار للاخرين ائتمنوه عليها
من واجبك ان تحفظها وتصونها ولا تبوح بها لاحد
واعلم جيدا
ان الكذب على من تحب
هو بمثابة جرح كبير جدا لمحبوبك
 يصعب جدا غفرانه
ونسيانه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

27 التعليقات:

Ramy يقول...

مرمر

كلامك صح جدا

علشان كده انا مش عاوز اكدب تانى
(:

من اول ما عملت المدونة على فكرة بحاول كتير مأكدبش على حد

مش بس عليكم

و يمكن هى السبب فى كده

شفتى بقى انها بتغيرنى للأحسن

(:


بوست هااااايل

شكرا مرمر

ربنا معاكى دايما

أتنين حبيبين يقول...

السلام عليكم

مساء الجمال يا مرمر يا حبيبتى

بوست فى الصميم

كلنا بنمر بظروف بتتضرنا اننا نكب ومش مقصود بالكدب شىء لا سمح الله مش كويس
بس الضروره تبيح المحظورات

الحمد لله انا فى حياتى صريحه جدآ لابعد الحدود
حتى مع مدوناتى السابقه
ورغم ما حصل لى من مشاكل خلاتنى اقفل مدونتى وعملت مدونة جديده
ومش حابه ان حد يعر انى انا فلانه مع الاحتفاظ بالاسباب لنفسى
لكن الحمد لله دى مش بكدب ولا حاجه كل مشاعرى فيها صحيحه وحقيقيه وحبى لحبيبى وخطيبى حقيقه الحمد لله بس مش حابه اكشف عن نفسى يمكن هى دى الكدبه الوحيده بحياتى

دمتى بكل الخير
وبجد موضوع لذيذ موت

مودتى
توتا

غير معرف يقول...

مرمر
كلامك كله على حقك والله يا مرمر
وكله عبر
المجامله خداع للأخرين
طيب ليه نجامل
منقول الحق
فعلا الكدب مرض واللى بيكدب يعد مريض
كلامك ما بعده كلام
بس ساعات الانسان بيضطر للكدب او أخفاء شىء ودا علشان ميجرحش اللى أدامه وخوف على مشاعره بس مفيش كدبه الا وبتبان فى النهايه

الكدب ضعف
ربنا يسترها معانا

موضوع فعلا جميل ويستحق القراة
تسلم أيدك يا مرمر
دايما موضوعاتك تستحق التقدير
دمتى بخير

أبو فارس يقول...

الله مدونه جميلة لاول مره اكتشفها
ليه مقلتلنا عليها؟..
تسلم الأنامل
رمضان كريم

عمرو يسرى يقول...

عندك حق
الكداب شخص ضعيف
والكدب حبله قصير
والصدق منجى
ربنا يبعدنا عن الكذب
قولى امين
بوست جميل وفى وقته

داليـ ـ ـ ـ ـ ـ ــــا يقول...

الكدب مالوش رجلين يمشى بيهم

وكل كلمه قولتيها انا معاكى فيها

بالنسبه لحتة المجامله
انا بعتبرها نفاق
لان مش معقول انتى شايفه حاجه وحشه وتقولى الله دى جميله
ده بقه بيبقا نفاق

ايات المنافق ثلاثه
اذا حدث كذب
واذا وعد اخلف
واذا اؤتمن خان

تحياتى يامرمريتا

باحث عن حب يقول...

السلام عليكم
انا زعلان منك
البوست اللى فات لسه ليه انتى كتبتى جديد
البوست اللى فات ده كان لازم يقعد اسبوع كمان
ولا ايه بوست مهم جدا من رأيىء
الكذب وكلامك ده جميل جدا
وانا شايف ان مدونتك دى مهمه للغايه
من وجهه نظرى
لان فعلا انتى بتكتبى فيها حاجات جميله جدا
الكذب انتى كتبتى عنه معظم الاشياء فعلا هو مرض
فعلا ربنا يعافينا منه
شكرا
مرمرينا

♥ ♥ Amira Samy ♥ ♥ يقول...

جزاك الله خيراً
على الموضوع اللهم اجعلنا
من الصادقين ياربنا
و اشكرك على الحلول
رمضان كريم

ويكا يقول...

مش عارف اقولك غير :
فى الصميم ، وقلب الهدف.

بجد احسنتى

هى دى مرمر اللى انا تعبت فى علامها يا جدعاااااان .

ههههههههه

هلبسك مصيبه ..... P;

لا بجد الله ينور

هى دى الفروسيه الحق

دموع القمر يقول...

مرمر كلامك مظبوط اوى
اكيد الواحد بيمر بظروف بتخليه احيانا يكذب
ودا فعلا مرض اتعدى منه ناس كتير
بس المجامله انواع
يعنى فيه مجامله نفاق ودى مرفوضه
لكن المجامله من باب رفع الروح المعنويه للشخص اللى قدامك
يعنى الله بجد الطقم دا جميل اوى انت على طول لبسك شيك بس تعرفى لو هو واسع شويه يبقى تحفه
كدا انت جاملتيها وفى نفس الوقت قولتى اللى انت عايزاه
او واحدة دايما شايفه نفسيها وحشه بس انت تقوليلها لا والله انت جميله كفايه ضحكتك عيونك كدا ههههههه
ولا ايه :):)

Noha Saleh يقول...

معاكى حق والله يامرمر
احيانا الصراحة بتجيب مشاكل كتير
تلاقى الناس كلها تقولك انا بحب الصراحة كلمينى بصراحة
واول ماتقولى الصراحة يزعلوا وياخدوا منك موقف
احيانا بنكدب علشان اللى حوالينا مش عاوزين يسمعوا الحقيقة

Unknown يقول...

عارفة يا مرمر انا مابكرهش ف حياتي أد المجاملات و المحلسة ، يعني جايز في أي نوع تاني من الكدب التمس لصاحبه العذر حتي لو انا عارف انه بيكدب عليا مش ببين ده و احاول اقنع نفسي بوجود سبب...
تحياتي يا مرمررررر...

mrmr يقول...

رامى
اعتقد ان المدونات الحاجه الوحيده اللى بيقى الواحد صادق فيها لابعد الحدود
لانه مش بيبقى فى مواجه شخصيه مع الاخرين بظهر بطبيعته حلو او وحش ده شئ يرجع للشحص نفسه


نورت يا رامى

ربنا يسعدك

mrmr يقول...

توتا
انتى بتعتبرى دى كدبه
انا مش بعتبرها كده خالص
بعتبرها شئ من الخصوصيه محدش سألك علشان تقولى كدبت
الكدب واضح والصدق واضح والخصوصيه شئ اخر تماما

ربنا يكرمك ويسعدك

رمضان كريم

mrmr يقول...

حبى الجميل

اخفاء بعض الحقائق لا يمت بصله بالكدب
انا بعتبره خصوصيه
واللى يدخل فى خصوصيتى ومش عايزه اجاوب مش ح اجاوب
لانه شئ يهمنى انا فقط وذى ما هو واضح فى البوست ان من حق الانسان ان يحتفظ بشئ من الحصوصيه لنفسه

ديما منورانى يا جميل

ربنا يسعدك ويبارك فى لولو وابو لولو

mrmr يقول...

ابو فارس

شباب على طول نورت بوجودك

رمضان كريم

mrmr يقول...

عمرو يسرى
اهلا بيك منورنى ديما
ربنا يسعدك ويبارك فيك

رمضان كريم

mrmr يقول...

داليا

كلامه عن الايات فى الصميم

اذا حدث كذب
واذا وعد اخلف
واذا اؤتمن خان

ديما منورانى يا قمر

كل سنه وانتى طيبه

mrmr يقول...

محمود
مش تزعل
احنا ح نروح فين
وكل شئ وليه وقته وهو كده خد وقته

ديما بتسعدنى بتواجدك

رمضان كريم

mrmr يقول...

سلسبيل

اهلا يا قمر
منورانى
اعتقد انها حلول سهله وبسيطه بس اللى ينفذها

ربنا يسعدك

رمضان كريم

mrmr يقول...

ويكا

اهلا يا جدع

منور شباب على طول

اتمنى تكون مدونتى نالت اعجابك


رمضان كريم

mrmr يقول...

دموع القمر

فعلا سعات بفكر انه يكون فى فرق بين المجامله وبين النفاق
انتى صح ممكن اجاملها لتشجعيها ورفع الروح المعنويه ليها وفى نفس الوقت اسيب ملاحظاتى بس من غير جرح ليها ولمشاعرها اذا كانت تتقبل منى ذلك

لكن ان لم تتقبل منى النقد فيكون الصمت افضل بكثير من المجامله

سعدت بتواجدك وتعليقك

ربنا يسعدك ويفرح قلبك

mrmr يقول...

نهى

مرحب بيكى يا قمر

الصراحه اللى نحس انها تزعل الناس مننا بلاش منها علشان منخسرهمش
ويكون الصمت افضل الحلول
هناك مقوله بحبها قوى بتقول

" تكلمت كثيرا فندمت اما عن السكوت فلن اندم قط "

تشرفت بزيارتك يا قمر

رمضان كريم

mrmr يقول...

حسنى

علشان انت شخص جميل بتحب تلتمس العذر للى قدامك
ودى صفه جميله قوى

ربنا يكرمك ويسعدك

انا سعيده حقا بتواجدك معانا فى شباب على طول

رمضان كريم

ساسو يقول...

يا ارق مرموره
وحشتيني كتير

كلامك في الجون يا سكره

والغريبه انه مش بيخبط في العارضه ابدا ههههههه

بوست جميل
ورقيق
وهادف
يا سكره

mrmr يقول...

ساسو
حبيبه قلبى
حمد الله بالسلامه يا قمر
فينك يا عمرى مش باينه بحب اطمن عليكى يا جميل
مرسى يا غاليه على زيارتك
ربنا يسعدك

كل سنه وانتى طيبه

رمضان كريم

ساسو يقول...

انا كنت متغيبه فتره عن مدونتي
بجد كانت ظروف خارجه عن ارادتي
لكن بفضل الله رجعت من تاني لاجمل ناس

بحبك يا مرمر

template by Osama hosny 2009