الثلاثاء، 27 يوليو 2010

نصيحه .... بس متعمليش بيها



 وانا بلف فى بعض المنتديات لفت انتباهى نصيحه للزوجات  
احب اوصل لكم النصيحه
بس خلوا بالكم  عايزين  تنفذوها تبقى على مسئوليتكم الشخصيه
و اناااااااااااااااااااااا
 أ حم ... أ حم  بالاصاله عن نفسى
 و من منبرى هذااااااااااااا بخلى مسئوليتى تمااااااااااااااااااما
من حدوث أى عواصف رعديه
وهبوط امطار غير شتويه واعاصير وزلازل
وبراحتكووووووووووووا


ازاى تنكدى على زوجك وتطلعى عنيه


- داومي على السهر على التلفزيون
وعدم الاستيقاظ معه صباحا، حتى يحس بقدرك وقيمتك.
-  امتنعي عن دخول المطبخ واعداد الوجبات، ومن الافضل ان تطلبي وجبات جاهزة من المطاعم، فتضمني راحة بالك وخلو جيبه.
-  اظهري له بكل قباحة وبشاعة: شعر منكوش
ماكياج زفت وثياب مبهدلة كأنك استلفتها من احدى المتسولات، حافظي على معدل ثابت لزيادة وزنك ويا ريت يكون كم كيلو شهريا.
-  داومي على التنكيد عليه هاتفيا.. فينك ؟؟ ليه تأخرت بره؟ مع مين كنت؟
 وهكذا اسئلة مهمة تجعله يرتبك ويتلعثم اينما كان.
- اهملي البيت والاولاد، لا تنظيف ولا ترتيب.. لا مراجعة دروس الاولاد.
-  اكثري من شايات الضحى وقهوات العصر وجمعات الستات التي تناقش القضايا المهمة!!
-  تكلمي على الهاتف بالساعات وننصح هنا باستخدام المحمول كون الهاتف الارضي ببلاش.
-  افتعلي خناقة كل يوم عند وصول الزوج العزيز الى البيت هكذا تضمنين راحة البال ونومة هنية.
-  أفشي اسراره، قولي للجميع عن كل شاردة وواردة تدور في البيت بمعنى آخر افضحيه.
-  بددي امواله بكل ما أوتيت من قوة.  على اي شيء، الاكل، الشرب، السفر، العزايم، اي طريقة لصرف فلوسه.
-  عايريه بأختك واخته وجارتك
(شوف فلانه شوف جاب لها زوجها على عيد ميلادها.. شوف اختك زوجها اشترى لها سيارة جديدة: شوف الخاتم الالماس اللي بيد جارتنا).... الخ
-  الفطور يكون بيض بايت من العشاء.
-  الغداء يكون رز ابيض مع زيادة الملح طبعا ((عشان يرفع ضغطه)).
-  لا تطلبي منه فلوس الا وقت الاكل ((عشان تسدي نفسه)).
-  اذا طلب شاي كثري السكر ((عشان يرتفع عنده السكر)).
-  قوليله كل يوم عايزه اروح عند أمي وعايزه اروح عند أختي.
-  لا تبدئي بالغسيل الا وهو نايم و رايح في النوم
((يعني فى سابعين نومه ذى نوم الملوك على رأى مايقولوا))
ده بالاضافه الى انواع الازعاجات الأخرى.
-  اذا صاح ولدك الصغير بالليل لا تطلعي من الغرفة سيبيه هو يقوم  ((زياده في النكد)).
-  واحب اذكركم وهو جاااااااااالس ومرتاح 
((يعني منشكح على الاخر))
 ابدي الطلبات عايزه ... وعايزه .... وعايزه .... ( طبعا الستات ميتوصوش )
-  لا تنسين مصروفك كل شهر اطلبي زياده بحجة انه مش بيكفى
 كذا ... و كذا ... وكذا
-  لا يحلى لكي تنظيف البيت الا وهو موجود.
-  ويسلام لو كان جاى علينا عيد  ثقلي المعيار شويتين ثلاثه اربعه 
 اطلبي منه فلوس للعيد بس تكون ضربه قاضيه.
-  استقبلي زوجك بلهفة لتحاصريه بالأسئلة
والاستجوابات فين رحت وبايه جيت و من شفت و لا تدعي له مجال ليأخذ نفس
 و انتزعي منه اعترافات مهما كانت
 وصدعي رأسه بالشكوي من الأبناء، وتغرقيه في تفاصيل حياة الجارات...والأخوات
-  لزيادة رفع ضغطه بعد مجيئه من العمل
دعي احد الأبناء ينشب بحلق ابوه و يستلعب عليه و يوطا ظهره و بطنه
سيزيد من التنكيد خاصة الظهروايام الحر
 استغليها بقدر ألأمكان
-  تعطري له، بالبصل والثوم والزيت المقدوح
 و لاتنسي الفكس و ابو فاس
واياني واياك تطلعين بهن برا غرفة النوم واذا مااعجبه خليه هو يشيل فراشة و يطلع ( مافي احلى ولا اروع من منظر الرجل نايم بأرض الصالة او على الكنبة )
 أما زجاجة العطر التي أهداها لك فستنفعك في يوم ما
حين تهدينها مثلا لصديقة في أية مناسبة.
-  تعرفي علي هواياته المفضلة ..عارفه ليــــــــــه؟؟؟
 عشان تنغصين عليه وقت ممارستها وتغرقيه في بحر من المشكلات
 والخلافات، و الطلبات المستعجلة حالا اللي ما تتطلب تأجيل
اقطعيه عنهن بأي شكل
-  اذا كان يناديك بصوت عالي و يقولك غير اسمك مثلا يا .....يا مرة ..يااهل الدار ..اوعى تردي عليه ..و خليه كده لحاله ماتردين ؟؟
قولي بابتسامة ساخرة كنت افكر فيك يا عمري
 و ماسمعتكش.. بكده تسكتيه على طول ..ليه؟؟ لأنه بكده ينقهر ولا يقدر يرد..
-  إذا اشتري لك أو للأولاد شيئا فابتسمي ابتسامة سخرية واستهزاء واسعة
 وقولي له بلا تردد " ياما جاب الغراب لأمه "
 ولا تنسين تقوله من غير نفس (وليه تتعب نفسك يالغالــــــــي )
-  ساعديه في الإنفاق و المصروفات طبعا قدامه بس
 حتي تكسري أنفه وتعيريه وتضمي أولادك إلي صفك حين يحدث بينكما خلاف
 بتذكيرهم بما تشترينه لهم
 وابتزاز مشاعره بالملابس واللعب ليعادوا أباهم ويؤيدوك في خلافاتك معه.
-  أظهري انزعاجك الشديد حين يمرض
و لا تنسين اذا قال شئ والا جيبي والا حطي تقولين (اوف)
بنفخة قوية لأن معني ذلك أنه سيأخذ أجازة من عمله، وستضطرين لخدمته
 وحبذا لو أشعرته بذلك حتي يضاف الألم النفسي إلي ألمه الجسدي.
- أحسني معاملة أهله أمامه فقط
 وبمجرد انصرافكما من زيارتهم ابدأي في الثرثرة، والحديث عن عيوبهم
 وتصرفاتهم التي لا تعجبك
 وإذا كانوا هم في زيارتكما فأكثري من الشكوي بعد انصرافهم من الفوضي
 التي أحدثوها في البيت
 ومن طريقتهم في تناول الطعام، وقارني بين سلوكهم الهمجي وسلوك أهلك المتحضر
 ولا تصمتي إلا إذا ترك المكان وانصرف غاضبًا
لحد ماتحسين انه اعصابه فارت
-  ودعيه وهو ذاهب إلي عمله بقائمة من التحذيرات من التأخير
 ودسي في كفه ليس كفك الدافئة لتشجيعه وتحفزيه وإنما ورقة بالطلبات التي يجب أن يشتريها في طريق عودته و التنبيه عن ما سيحدث لاحقا
 فيما لو جاء و ماجاب الطلبات معه
-  اطلبي منه أي شئ على اخر فرصة
ولا تقولين بدي هالشئ الا بالليل متأخر او وقت ضيق..و خاصة حليب الأطفال
 او البامبرز و نكدي عليه بالشغل و الأستراحة و لاتخلين جواله يرتاح
  و اذا قال ما قلتليش من بدرى ليه ماالقى احد فاتح دلوقتى ..ردي بكل برود : نسيـــت !! الواحد ما ينسى؟؟؟
او ( ماخلص الا اليوم )..بعدها ما يقدر يقول شئ!!!.


 وبعد كل هذا ونتمنى لكِ زواجا سعيدا مديدا


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

19 التعليقات:

باحث عن حب يقول...

نتمنى طلاقا وانفصالا
مديدا
طبعا
وكمان يا حبذا
لو اتجوز مثنى وثلاث ورباع
وكمان لو فى اماء الايام دى وما ملكت يمينه كمان
ليه النكد ده ليه بس
علشان الارامل يكتروا
والمطلقات يكتروا
والايتام كمان
بس
جاااااااامده
اخر حاجه
بجد
والله انا بشوف من بعضهم 90فى الميه من الكلام ده على ارض الواقع والله
يارب
استرها عليا لان
لو حصل 1فى الميه من الكلام ده
تانى يوم انا على
عشماوى على طوللللللللللللللللللللللل

BNT ELISLAM يقول...

كتير اوى اوى
وجميل واحلى شىء ان النتيجه مضمونه
واكدلك ان مش هلجا لاى شىء
اصلى ناويه اطفشه بطرقتى

غير معرف يقول...

يا خرابى بس كدا
هههههههههههههههههههههههههههههههههههههههههههههه
نصايح ميه ميه تودى ورا الشمس
والطلاق مؤكد ان شاء الله
هههههههههههه
ايه يامرمر البوست الجامد دا
الرجاله هيتلموا حولين البوست ويفشفشوه
بس حبة نصايح هاخد منها حبه
ههههههههههههههههه
دمتى فى حفظ الرحمن

غير معرف يقول...

اه نسيت اقولك ونبى متلفيش فى المنتديات دى تانى وخليكى راكزه فى بيتك مدونك يعنى
هههههههههههه

Wise يقول...

كان المفروض يبقى الختام بعد كل ده
واتمنى لكم طلاق سعيد
خراب عاجل
للكن زواج سعيد بعد كل النصايح اللى تعمر البيوت ده ما اعتقدش انه ينفع
طريفة جدا النصايح ده بس ربنا يبعدنا عنها ومانضطرش ننفذها عملى
او تتنفذ فينا

Noha Saleh يقول...

ااااااااااااه وانا اقول ياربى جرايم القتل بتكتر ليه
اتارى الستات بيعملوا الحاجات دى وفى الاخر تخلص بجريمة
وزى ماقالت لك الحب الجميل ماتلفيش فى المنتديات دى تانى خالص
بس والله بوست جامد

عمرو يسرى يقول...

حلو اوى تهديه النفوس ديه بس انا بقول كفايه انه يقراء البوست الجميل وهو مش ينام على الكنبه فى الصاله ده يولع فى البيت باللى فيه وربنا يستر

sara draz يقول...

وهوه ده سر شويبس
^_^
دى مش نصيحة دى وصية
زوجة مخنوقة من زوجها
^_^
ههههههه
وتحياتى اليكى

mrmr يقول...

محمود
حرام عليك يا راجل 90 فى الميه بيعملوا كده طبعا لا
كانت ارتفعت نسبه الطلاق الى اكثر من 250 فى الميه

متخفش انت بس شد حيلك واتجوز وما فيش عشماوى

نورتنى

mrmr يقول...

بنت الاسلام

ابقى قولينا طريقتك علشان ننشرها
علشان غيرك يستفيد

ههههههه

ربنا يريح قلبك

mrmr يقول...

حبى الجميل

اوعى يا قمر
انا حذرت ومش مسئوله عن النتائج
دى نصيحه محدش يعمل بيها
وقد اعذر من انذر

انا ماارضاش ليك بسوء

وجب يا معلم
ح ابطل الف تانى ولا اجيب نصايح تودى وراء الشمس

ربنا يسعدك ويفرحك بلولو يارب

mrmr يقول...

احلام على ورق

الختام كده مضبوط
بس النتيجه المؤكده اللى ح تحصل هى الطلاق الموكد
انت عايزه بعد كل النكد ده وتبقى على ذمته
اى رجل هذا اللى يستحمل كده
اكيدرجل من صخر

نورتى يا قمر
ربنا يسعدك

mrmr يقول...

نهى

اهلا بيك يا قمر

حاضر يا حبى وجب ح اسمع كلامك

شكرا يا جميل
ربنا يسعدك

mrmr يقول...

عمرو يسرى

طول عمرى بحب اهدى النفوس
هههههههههههه

ربنا يجملها بالستر باذن الله

منورنى
ربنا يسعدك

mrmr يقول...

ريحانه الاسلام

سر شوبيس !!!!!
الله يرحمك يا حسن يا عابدين
دلوقتى الست لما بتتخنق من جوزها بتخنقه وتجيب كياس وتكيسه وتخلص
هى فاضيه للنكد ده
فى ستات قادره ربنا يحفظنا

نورتينى يا قمر وشكرا للزياره

Ramy يقول...

مرمر

ايه ده حرام عليكى

هما محتاجين نصايح

كدة تخلى رجالة البلوجر يدعوا عليكى

انا لأ مش هدعى انا لسة (:(:

بس حرام عليكى بجد (:(:(:

و مسميها نصايح

ربنا معاكى

(:

Unknown يقول...

سعادتك دي مجرد أساسيات النكد الزوجي ، كل الكلام ده مفروغ منه و بيحصل فعلا ، ده تقوليه للي لسة علي وش جواز عشان تاخد امتياز في النكد و تضمن الطلاق بعد يومين بإذن الله :)
ربنا يهدكوا :) :)
تحياتي و ما يلزم...

mrmr يقول...

رامى
انت ظالمنى
دى مش نصايحى انا
انا بس مجرد بنشرها بس مش بنصح بالالترام بيها
ربنا ما يقدر على حد بالنكد

بس ان جيت للحق فى ستات عايزه حش رقبتها علشان بتتفنن فى النكد اليومى للزوج
ربنا يبعد عننا النكد والمشاكل
وديم السعاده على كل شعب مصر

حمد الله بالسلامه ونورتنى

ربنا يفرح قلبك

mrmr يقول...

استاذى الفاضل / حسنى
مرحبا بيك
النصايح دى علشان الستات متعملش بيها
اكيد فى ستات كتير واخده ماجستير ودكتوراه فى النكد الزوجى
ومش بس الستات نكديه ماتقدرش تنكر ان فى رجاله مفرتيه ونكديه اكثر من الستات .

والرجال المقبلين على الزواج اهوووو عرفوا خطه الزوجات يبقوا ياخدوا حظرهم ويدبحوا القطه من اول يوم
مش كده ولا ايه

نورتنى بجد
ربنا يسعدك ونفرح فيك
أأأأأأ أقصد نفرح بيك

template by Osama hosny 2009