الثلاثاء، 22 يونيو 2010

قيمتى فين ؟؟؟


سعات كتير بحس انى ماليش قيمه ولا معني لحياتي ولاعارفه انا مين
ولا عايزه ايه؟
ايه فايدتي في الدنيا
كل الناس اللي حواليه أحسن مني كلهم أفضل منى
مش عارفه أعمل حاجه ابدا
مش عارفه ربنا خلقني ليه
مش لاقيه جوايا أي امكانيات ولا مواهب علشان استغلها
هي فين أصلا مواهبي دى علشان استغلها اصلا
أنا مضايقه ومحبطه
كمان لأني مش بعمل اي حاجه مفيده
وده لأني مش بعرف
ومعنديش اللي عند غيري
ياشباب هو ده كان لسان حالي دايما شايفه نفسي قليله
ومعنديش ثقه في نفسي لغاية ماعرفت وفهمت كمان أن كل واحد واحده فينا
هو عند الله مميز ... أيوه صدقوني مميز
مش مصدقيني

أنا كمان مكنتش مصدقه لغاية ماعرفت
قيمتي الحقيقه
لما فهمت ودورت جوه نفسي عن
قيمتي الحقيقه
وفهمت كمان أن قمتي بتكمن في كوني إنسانه ربنا خلقها
وميزها عن كل المخلوقات اللي في الأرض والأهم والأجمل
انى عرفت ساعتها أني كنت قافله وداني ومش سامع أي صوت غير صوت نفسي وبس
بكلامها السلبي المحبط
مش عايزه أقول لكم اد ايه فرقت معايا الحياه
وشفت نفسي جميله أوي في عنين نفسي وكمان عنين الناس
لان ببساطه انا من عمل ايدين الله
خلقنى مميزه جدا
وكلنا مميزين جدا يكفى اننا من عمل ايدين ربنا
ده قمه التميز فى حد ذاته
عرفتوا دلوقتى قيمتى فين

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

6 التعليقات:

افروديت يقول...

عارفه يامرمرأنادخلت كل مدوناتك وعجبني ذوقك أوي بس الاعجبني أكترإحساسك في البوست ده لأنه بجدبيحصل مع ناس كتيرويسألوانفسهم برضه نفس الاسئله وفعلاالنتيجة الاوصلتي لهاأحسن نتيجة ..تحياتي لأحلي مرمر.

باحث عن حب يقول...

السلام عليكم
العثوله مرمر
اختى الحلوة الصغونه
(وما خلقنا الجن والانس الا ليعبدون)
وكل واحد ربنا خلقه فيه حاجه مميزه عن التانى
وموهبتك جواكى محدش يعرف يطلعها غيرك
انا
وعلت لما
شوفت الموضوع فى الاول
بس
فرحت بيكى
لما عرفت انك
عاقله
وبتفكرى صح
مرمر
ربنا يعطيكى كل خير يارب

mrmr يقول...

مرحبا
افروديت
مدوناتى تشرفت بزيارتك ليها
شكرا ليكى يا جميل

mrmr يقول...

محموووود
اخى الكبير بس الاصغر منى
كيف حالك
انت اتخضيت عليا قلت البنت خلاص دماغها لسعت ونفسيتها محطمه
عايزه اقولك انى بحب قوى ارمى كل حمولتى على ربنا فهو قادر على المعونه
شكرا ليك يا بطل

غير معرف يقول...

السلام عليكِ
ما دمتِ رأيت هذا الشعاع فاستمري
والله مهما ضاقت حلقات الحياة ستفرج ووسط كل غمة ستجدي حتماً لو دققتِ النظر شيء إيجابي

تفاءلي دائماً وأبداً

mrmr يقول...

مرحبا أ / احمد الشريف
شكرا لمرورك
دمت فى سعاده

template by Osama hosny 2009