الأربعاء، 20 أبريل 2011

!!! الحريه




العواف عليكم

هناك مثل شعبى بيقول

"" أنت حر ما لم تضر ""

أنا أتعلمت الحريه كده من أهلى وأتربيت كده
لكن ما مفهوم الحريه من وجهه نظركم ؟؟
 والى اى مدى تكون الحرية ؟؟
منتظره ارائكم

:::::::::::::::::::::::::

أعتذااااااار

بعتذر بشده لعدم تواجدى المستمر
نظرا لظروفى الخارجه عن ارادتى
بشكر  كل ما سال عنى
وشكرا لتقديركم ومحبتكم


اقعدوا بالعافيه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

20 التعليقات:

Ramy يقول...

كتر خيرك يا مرمر

العيد داخل بقى كل سنة و انت طيبة

و معارك الثانوية العامة

ربنا يكون فى عونِك

Casper يقول...

طالما مش بضر نفسي ولا بضر اهلي ولا المحيطين بيا ولا البيئة اللى انا عايش فيها ولا الوطن اللى اتولدت فيه

اعتقد ابقى حر اعمل اللى شايفه صح

يعني دي وجهة نظري برضه


_________

خالص تقديري لفكرك وقلمك
تقبلي مروري

Casper

mrmr يقول...

رامى

وانت بالصحه والسعاده
ايوه كده ادعيلى من قلبك
واى المعارك يا رجل
ربنا يكون فى عون كل اللى عنده ثانويه العاميه دى

ربى يسعدك

mrmr يقول...

كاسبر

اعتقد ما دام لا تضر باحد ولا حتى نفسك فـ لك كامل الحريه

المهم اللى شايفه صح يكون فعلا صح من بعض وجهات نظر كتيره

ربى يحافظ عليك

غير معرف يقول...

الحريه هى حرية التعبير وفعل اشياء لا تضر بالأخرين ولا تتعدى الحدود والقيم والعادات
فى حدود المعقول

ناس بتفهم معنى الحريه غلط وبتتصرف تصرفات خاطئه وبيكون عواقبها على كل اللى حوليه يعنى بيضر الاخرين كمان


على العموم انا معاكى فى وجهة نظرك والمثل الشعبى


دمتى بخير يا مرمر

غير معرف يقول...

كل سنة وانتى طيبه وبخير يارب يا مرمر واسرتك كلها بخير

بوسيلى البنات وقوليلهم كل سنه وهما طيبين

عيد سعيد عليكم يارب

جايدا العزيزي يقول...

انا كمان معاك مرمر

انت حر مالم تضر

وحشانى ياقمر اوووووووووى

وعايزة اقولك كل سنه وانت بخير حبيبتى

عيد سعيد عليك وعلى الاسرة

تحياتى

Ms Venus يقول...

الحرية

هى انى اعامل غيرى زى ما بحب يعاملونى


انى احترم مشاعر غيرى

حاجات كتير اوى يا مرمر وللاسف مش لقينها


كل سنة وانتى طيبة ياارب وربنا يحافظ عليكى انتى واسرتك

ツSmiLeY AnGeLツ يقول...

الحرية بالنسة لي
ان يكون كلامي وافعالي كويسة وماتئذي الغير
بس انا مش عارفة هل تأذيهم ام لا
كل سنه وانت واسرتط طيبة
والله يكون في عونك ويوفقك
تقبلي مروري ياقمر
وحشاني اوي ^_^

eng_semsem يقول...

الحريه انك تروحي تعيدي وطبعا كل سنه وانت طيبه وتاخدي بالك من العيال عشان الامتحانات وتسيبنا بقى براحتنا مش تحطي لينا امتحان
تيجي بالسلامه ودامت ايامك كلها اعياد

سندباد يقول...

الحرية اجمل شئ في الوجود بس احنا كمصريين لسه فاهمين الحرية غلط
تحياتي وتقديري

Carmen يقول...

مافيش حاجة مطلقة حتي الحرية ولازم كل حاجة لها حدود الفرق بين العبقرية والجنون شعرة وكذا الفرق بين الحرية والفوضي شعرة
تسلم ايدك مرمر

richardCatheart يقول...

كل سنه وانت والبنات وجوزك وكل الاهل بالف خير وصحه وهنا يارب

وتفرحى بنجاحهم يارب


الحريه عندى نسبيه كل حاجه فى الدنيا نسبيه حسب المزاج والمود التفكير وقتها

بس الاكيد انى هاحاول ما اضرش حد

♥نبع الغرام♥♪≈ يقول...

وحشتينى اوووووووووووى

يارب تكونى بخير ويطمنى عليكى يا حبيبتى

كل سنه وانتى طيوبه واسرتك الكريمه يارب ويكرمك كل الخير

امووووووووووواه

Tears يقول...

الحرية محتاجة كتب لكن المثل اللى قلتية بيلخصها

الحرية انى اشعر الأمان و افعل ما اريد و لكن دون ان يؤثر هذا على الاخرين

افروديت يقول...

أهم مافي الحرية هي أحترام من أعطونا الحرية ..والألتزام بهاوتحمل مسؤليتها


كل سنه وانتي طيبه وبخير يامرمر انتي وجميع الاسرة


تحياتي ياقمر

محمود المصرى يقول...

اولاَ كل عام وانتى بخير
ثانيا الحرية من وجهة نظرى طرح جميع الاْراء واحترامها و اختيار الراْى الذى يرضى الله قبل البشر والحرية ليست هى التحرر وعدم وضع حدود للاْشياء ولكن لابد من وضع قواعد ثابته وتطبيق الحياء وهو الشرط الحقيقى فى الحرية الصحيحة كن حراَ ولكن اخشى الله واتقيه فى حريتك كما امرنا بالتقوى فى كل شىْ بمعنى كن حراَ فى ملبسك دون ان تفتن احد وتثير غريزة وشهوة احد كن حراَ فى طعامك دون ان تهلك نفسك وجسدك كن حراَ فى راْيك دون احراج وخدش كرامة الغير كن حراَ فى اختيار عقيدتك ودينك دون ان ترغم احد عليه بالاْكراه لاْن لا اْكراه فى الدين بمعنى اْوضح كن تقى وعندك حياء تشعر بكامل حريتك

محمود المصرى يقول...

متنسيش اول مترجعى تيجى تزورى مدونتى واْلاقى تعليقك منور موضوعى الجديد
وكل سنة وانتى طيبة
اخوكى
محمود المصرى

aemo يقول...

الحرية
هيا
احترام حرية الاخرين

BNT ELISLAM يقول...

الحريه انا اعتلمتها انى ابقى حره فى حدود دينى واخلاقى وعادتى الصح
وانى انفذه مهما كان هو فى نظر غيرى
صح اوغلط

template by Osama hosny 2009