قرارك من دماغك
اوعى تبنى قرارك على اراء الاخرين
خلى قرارك من دماغك
قبل ما تقرر لازم تعرف بتقول ليه
وتقول ليه
انا بصراحه ماليش فى السياسه
لكن مؤمنه
ان الدستور سقط مع سقوط النظام
ومؤمنه
اننا نستحق ثوب جديد بدون ترقيع
ومؤمنه
ان دم الشهداء اللى سفكوه
مش علشان تعديل
رايك ح يفرق كتير
اوعى تكسل على التصويت
حقك فيها مش ح يضيع
ملحوظه
اى ان كان قرارك
بنعم او لا
بنعم او لا
خد قلمك الخاص بيك معاك
علشان تصوت بيه متستخدمش قلم اللجنه
وكمان
اقرأ السؤال كويس قبل ما تختار
نظراً لاى تشكيك
والرب المستعان
أنشر الموضوع فى المفضلات الاجتماعية من هنا
10 التعليقات:
إن شاء الله سأذهب وأقول نعم
______
بغض النظر عن نعم او لا المهم كلنا نشارك ونقول راينا لاول مرة من غير خوف بعد ستين سنة قهر
من يومين بس كنت متحمسه اوى زيك كده بس لما اكتشتفت ان استمارات التصويت اصلا بتوزع فى الشارع و مع الناس حتى فى الصعيد و بيكتب فيها نعم و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و ان فيه ناس تانية بياخدوا منهم صورة الرقم القومى (زى الوراق مثلا) و يدوهم اى حاجة فى المقابل فقدت حماسى لان كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب بعد فيلم الاستمارة الدوارة ده
الاستمارات اللى فى الشارع بقالها تلت ايام هنا
http://www.facebook.com/album.php?aid=647424&id=522785413&fbid=10150448781095414
مش مهم نقول اه او لا المهم كل واحد يكون مقتنع فعلا
والمهم اننا ننزل الاستفتاء
المهم كلنا ننزل وانعم او لا دى راجعة لكل واحد
المهم كلنا ننزل وانعم او لا دى راجعة لكل واحد
طبعا لا
بس مش متفائلة
ربنا يستر
تمام جدا انا متفق معاكى بس كل الاسباب دى كده ولا كده هتتنفذ سواء نعم او لا بس الاختلاف فى الكيفيه و الاليه و ربنا يكتب اللى فيه الخير
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا
========>♥ ◕‿◕ ♥<========
اهم حاجه انت قلتيها ولازم تفضل ما بينا تقبل النتيجه اي كانت لانها في الاخر بتعبر عن ارادة الاغلبيه ونستعد كلنا للخطوه اللي جايه مش نقف عند ديه ونقعد نتكلم فيها حكايات تعطل البلد مش تمشيها لقدام
انا واثق في شعب مصر
ان شاء الله نعم
علشان انا عاوزة يكون فى
دستور جديد من لجنة مشكلة
من 100 عضو يختارة مجلش الشعب
المنتخب و ليست من القوات
المسلحة لعدم حدوث فتنة طائفية
و لأستقرار البلاد و حتى ياخد الدستور
وقتة المستحق فى استقرار للبلاد
و لكن سأحتر نتيجة الاستفتاء
مهما كانت
الأخلاف فى الرأى لا يفسد للود قضية
اشكرك على طرحك الرااااائع
تحياتى لك و احترامى
إرسال تعليق