الصدفه جمعت بينهم + تحديث
وقالوا فى المثل
مدونه مشتركه بينى وبين بنتى حبيبتى مورا
يهمنى مشاركتكم وارائكم
اقعدوا بالعافيه
@@@@@@@@@
فى ليله شتاء والبرد قارص ...
استيقظ فى منتصف الليل .. شعر بملل
فجلس على الحاسوب الخاص به
واذا تجمع بينهما الصدفه ويشعر بالارتياح لها
يوما بعد يوم يقتربون اكثر فاكثر
وكل منهما يكتشف العديد والعديد من الصفات المشتركه بينهم ويبدأن فى المصارحه
بكل ما يشعرون به من احاسيس
ومشاعر فياضه كلا تجاه الاخر
فقال لها أحبك ..
فقال لها أحبك ..
فاجابت وأنا ايضا ...
واتفقا معا ً وقرارا الزواج
ولكن هناك عاقبه تقف نحو هذا القرار ...
اذا كيف يقول لاهله على هذه العلاقه
وانها كانت عن طريق النت فلو قال هذا تنقلب الدنيا عليه
ومن المحتمل أن يقف الاهل فى طريق هذا الزواج
ومن الممكن ان يشككون فى هذه العلاقه
ويتهمونها بانها سيئه الاخلاق وأن لا رقيب عليها
وأن لو ارتبط بها
سوف تكون حياتهما كلها شك وغيره وتشب بينهما الخلافات التى لا تحصى ...
لذا تكتم على اسم البنت وعائلتها بالرغم من معرفته الجيده لعائلتها خوفا من أهله .
ونفس العاقبه تمر بها الفتاه اذا كيف تقول لاهلها عن علاقتها به وحبها له وكيف كانت ؟؟
فهنا اتسأل ؟؟
هل يفصح الشاب بهذا الحب لاهله ؟ وكيف ؟
وهل يصارحهم بمعرفته انها عن طريق النت ؟
ولماذا يحاربون الاهل هذا الحب خصوصا لو كان
صادقا من القلب ؟
وهل ترى أن الاهل محقين بذلك الرفض ؟
فانا أومن انه يوجد كثير من قصص الحب عن طريق
النت تحترم وقد انتهت بالزواج السعيد
وأومن ايضا انه يوجد كثير من الخداع بين الشباب ويوجد كثير من الخيانات الزوجيه
وأسر كثيره هدمت جراء هذه العلاقات
فبماذا تنصح هذا الشاب وهذه الفتاه ؟
أنشر الموضوع فى المفضلات الاجتماعية من هنا
17 التعليقات:
بالنسبه للدين الاسلامى هذه خلوه غير شرعيه
بالنسبه لراى الشخصى ده ضعف فى الشخصيه و معظم اللى بيعملو كده ميقدروش يعملوه فى الواقع مش معنى كده ان فى الواقع صح
و ليه ده كله فى الاخر محدش هيتجوز مراتك للشباب
و محدش هيتجوز جوزك للبنات
ليه نضيع وقت و مجهود و مديات و عواطف لشخص لا يوجد احتمال للارتباط به غير ان اليشطان بيجمل هذه العلاقه الخاطئه
جزاك الله خيرا
تحياتى لك
حبيبتى
مساء الخيرات ياقلبى
موضوع فى غاية الاهميه
عامة هى حصلت معايا من كام سنه واكتشفت انى كنت غبيه وقررت عدم الانصات لمثل هذا الحب
بالرغم من ان فى ابن خالتى اتعرف على بنت من الاسكندريه وحبها عى النت وراح قبلها والاهل عرفوا وهما الان متزوجين وفى قمة السعاده
بس مش عارفه انصحهم بأيه
لانى متردده بين اه ولاء
بس انا نفسى مش عاوزه اظلمهم
يمكن بيحبوا بعض
؟؟؟؟؟؟؟؟؟؟؟؟؟؟؟
بصراحه علامااااات استفهام كثيرة
مش عارفه ارد ولا اجاوب بس عجبنى راى
الشاب الصح
بس انا عاوزه اقول ان الح هو الحب ياعنى لو اتعرفوا على بعض ونوى يكملوا صح مش هيقضوا حياتهم نت
اكيد لا
ماهو كان ممكن يقابلها فى حياته العاديه ويتكلموا
وبعدان ماحنا مدونين اهو
والى بنكتبوا دى مابعتبر كلام وبيكشف عن طريقه التفكير والى غيره
وبنحب بعض وبنكن لبعض مشاعر حلوه
لو حد اعجب بجد وطلب منه انه عاوز يتزوجه وانه عاوز يتقدم رسمى او الى غيره حسب الطريقه الرسميه والصح ايه المشكله
وايه الحرام فى هذا
ادام الموضوع هيبقى شرعى
الحب فى اىمكان هو حب
والمشاعر هى المشاعر
والنت لو غلط وعيب يبقى لازم نقوم حالا كلنا من على الجهاز ومندخلش تانى ابدا
اولا احييكِ على هذا الموضوع القيم والفكر الاكثر من رائع
========
بالنسبة لفكرة الزواج عن طريق الانترنت سأقول فيها رأيي الذي لطالما لم أُفصح عنه لكن سأقوله
اولا من يحب عن طريق الانترنت لا يحب فتاة
بل يحب صفحة شات بها كلام عذب !
يحب صفحة فيس بوك بها كلمات طيبة !
يحب ملفات شخصية شكلها جميل !
لسبب واحد فزواج النت فاشل
ألا وهو الايموشن الذي يبستم امامي قد لا يبستم صاحبه امام الحاسوب !
الايموشن الذي يبكي لحزني قد لا يبكي صاحبه أمام الحاسوب !
الايموشن الذي يضحك من أجلي قد لا يضحك صاحبه أمام الحاسوب !
وأخيرا
ساعة وجها لوجه خير من عام محادثة على الماسنجر ...
هذا رأيي قد أصيب وقد أخطئ
_________
خالص تقديري لفكرك وقلمك
Casper
ربنا يكتب لهم اللى فيه الصالح والخير يارب
اعرف اتنين اتعرفوا على النت واتجوزوا ومعاهم ما شاء الله اولاد زى الفل وعلاقتهم ما شاء الله زى الفل لحد الان
ربنا يبارك للشباب يارب
بالإضافة لحرمانية الفكرة طبعا...
هوا بصراحة الموضوع كله غير مقتنع بيه ، و ف رأيي ان مفيش أفضل من التواصل البشري المباشر اللي ربنا خلقنا عليه ، و التواصل عبر النت ده خالي من أي اتصال انفعالي أو تعابير الوجه ، يعني في حاجات كتير غير الكلام لازم تكون موجودة ف أي علاقة سوية عشان نقدر نقول عليها علاقة حب ، لإن في الحقيقة الكلام ده مش بيمثل غير نسبة ضئيلة من عملية التواصل...
مافيش ثوابت فى العواطف
تعارف على النت او على كافتيريا كلية او فى نادى او فى ندوة
كله واحد
ومش هنقول النت بيبقى فيه خداع
لان بردو فى الحياه العامة فيه خداع
انا رأئى للاتنين دول لو فعلا فى حب حقيقى يكملوا
وهو اصلا محدش بيسال اتقابلتوا ازاى
المهم الجدية والامانة والحب
مرمر وحشتيني
أنا مش عارفه طب هما شافوا بعض و لا لأ عموماً لو كانوا شافوا بعض أنا رأيي انهم يجربوا و يقابلوا الأهل ببعض يمكن يحصل تجاوب و وفاق و يقضوا فترة خطوبه جيده عشان يقدروا يعرفوا بعض أكتر و يطمنوا لبعض و طبعاً يصلوا استخاره و اذا في خير الموضوع هيكمل لكن أنا مش مع الرفض المبدأي عشان ميندموش بعد كده
تحياتي ليكي و يا رب أكون فدتك
اشكرك على طرحك موضوع مهم زي ده
رايي بقى
اعتقد ان الاهالي دلوقت (على الاقل بعد 25 يناير) مابقوش يبصوا على الانترنت انه اداة للانحلال بالعكس شافوا بعنيهم في الثورة اللي فاتت ازاي كان اداة مهمة جدا لتفعيل الثورة وشافوا شباب الانترنت عملوا ايه وشافوا هم قد ايه شباب مثقف
النظرة للانترنت اتغيرت فعلا صدقيني
الحاجة التانية في زواجات كتيييييييييييييييييير جدا نجحت عن طريق النت
بس لو عايزة رايي الحب لن يكون حبا حقيقيا الا عندما تتلاقى الاعين عين امامها عين اخرى عندها ستتاكد ان الذي امامك لا يخدعك او يكذب عليك
بمعنى ممكن فعلا التعرف عن طريق الانترنت يوطد علاقات يعمل تقارب في الافكار بس كل ده في اطار الشبكة العنكبوتية نفسها لكن لن تكتمل الصورة الا عند اللقاء بالضبط زي البازل
مربع جنب التاني
عمر ما الصورة النهائية تكتمل الا عند وضع كل المربعات جنب بعض
وفي النهاية انا شايف ان جواز الصالونات زي الفل واحسن من جواز الانترنت
في النهاية تحياتي واتمنى اكون وصلت وجهة نظري
الحب حب
عن طريق النت في الجامعه جارته زميلته في الشغل
المهم انه يكون صح حقيقي صادق في حدود الادب
ويسلك الطرق المتعارف عليها الشرعيه
ولو كل من الطرفين صادق يراعي الله في كلامه وافعاله ليه لا
مادام الحوار والقصه هتكون تحت اعين الاهل في ظل خطوبه جميلة
ليه لا
يعني مش معقول دلوقتي البنت هتكون بتنشر الغسيل هيعدي الافندي من تحت البلكون وهو بيعدل الطربوش هيشوفها هيروح يخطبها
تحياتى مرمر
كالعادة هيا احدى التحف لكن مش من متحف التحرير طبعاهههههههههه و الا كنت بلغت عنك فورا و بدون تردد
و انما هيا شلال خواطر يتدفق من نبع صافى و عقل متفتح
عموما اهنئك على الموضوع
الموضوع ده يرجح كفته سوا بالسلب او الايجاب عوامل كتير جدا منها الايجابى و منها السلبى
الايجابى منها يتلخص فى مستوى التعليم و التفكير و الاحساس بينهما و مدى التقارب و التفاهم لان الحياة الزوجية حياة شركة تتكون من جسدين بعقل واحد
اما السلبى طبعا عكس كل ما سبق بالاضافة الى تعنت الاهل و مستوى تفكيهم فى علاقة من هذا النوع لان الحدث فى حد ذاته يتنافى مع المنطق و اكيد طبعا غالبية الاهل من الجيل السابق يرفضون تماما مثل هذه العلاقة و لعدم وجود الانترنت اساسا على ايامهم فعدم الاقتناع هايكون له مبرراته من وجهة نظرهم و لهم كل الحق ايضا لذلك الموضوع له كما اشرت من قبل عوامل كثيرة تحكمه
بالتوفيق دائما مرمر
بسم الله انا شوفت الموضوع لما نزل بس كنت مشغول والله
اختنا مرمر وضعتى يديك على موضوع مهم جدا وهام جدا الموضوع اصلا لعب عيال من وجهه نظرى من الاول الولد بيتسلى والبنت كمان الموضوع قلب
مفيش حب عبر الشاشات ولا حتى عبر الفون ده كدب وخداع ممكن ينجح بس بنسبه ضئيله وحتى ولو نجح واتقدم مش هيكملوا لان الموضوع كله غلط فى غلط
اقوله ارجع وهى كمان
لغايه ما يلاقوا الحب الصح فى وقته على ارض الواقع
بلاش \اوهام
ليس كل علاقة بين أبناء الجيرة تنجح وليس كل علاقة عن طريق النت تنتهي بالدمار
يا صعيدية
أنتي أكثر الناس دراية بأن التمصل من العادات والتقاليد يوقد كل علاقة حب
فوجب علي كليهما التعارف الحق بعد التواصل عن طريق النت
موضوع شيق
كثيرا من العلاقات الغراميه نجدها عبر النت وتبث الحب والحنان لجميع انحاء العالم
فمنها حقيقى ومنها سراب ولان سيئه اكثر من نفعه فالعلاقات التى تولد عبر النت مرفوضه من كثير من الناس لهذا يموت حبا كثيرا ممن يولد عبر النت .
قراءتى للموضوع فهمت ان الشاب يعرف جيدا اهل الفتاه فهذا امر يعبر فى صالح هذا الحب فان كان حبا نقيا فهو يستطيع الخروج به الى بر الامان لابد من يحارب العالم كى بفوز فى الاخر بحب حقيقى نفتقده هذه الايام كثيرا
تقبلى تحياتى الاحــــــــــــــلام
السلام عليكم
لو بجد بيحبوا بعضهم يتقابلوا ويشوفوا بعض يمكن يطلع الحب وهم في وهم فترة ويوشوفوا لو مازالت مشاعرهم زي ماهي
بعدها يقرروا يقولوا لاهلهم ايه؟؟؟؟؟
لو مايقدروا يستغنوا عن بعض
يكذبوا على اهلهم ويقولوا لهم انهم تعرفوا عن طريق فلان ويتفقوا معاه على كل القصة
لو مكتوب لهم انهم يتجوزا بيتجوزوا غصبا عن الكل
الي مكوتب بيحصل
تقبلي مروري
سلامي لاجمل مرمورتي.
أزيك يا مرمر
معلش بقالى فترة مش متابع
بس أقدر أقولك لازم الأتنين يتقابلوا و يشوفوا بعض فى الواقع كذا مرة
علشان يتعرفوا على بعض اكتر شوية
لأن هنقول النت عمل هنا زى الخاطبة بس متطورة شوية
و لما يتقابلوا يعرفوا يحلوا مشكلة انهم يقولوا لأهلهم أزاى أتقابلوا
علشان هيكونوا اتهرفوا احسن و اقرب
وحشتيني يامرمر وسلمي لي علي موراالقمردي كمان
هوالموضوع ده بيحصل بس انارأيي ان الصداقه بتبقي افضل ولوحصل ده يعني فاالنت زي اي حاجة تانية زي الجامعة الشغل الشارع يعني كله حسب نصيبناعندربنا
ربنايكتب الخيرلكل االناس
تحياتي ياقمر
إرسال تعليق