الاثنين، 6 ديسمبر، 2010

تهنئه + اجازه + هل أنا حشريه ؟؟

كل سنه وأنتوا طيبين



كل سنه و مصر كلها بخير



عام هجرى سعيد
علينا وعلى كل العالم العربى

@@@@@@@@@

أنا فى أجازه
بس أجازه مفتوحه شويه
من كل المدونات
سامحونى لعدم المتابعه
محتاجه دعواتكم وصلواتكم


موضوع الفضول والاستفزاز
دى دعوه  موجهه ليا من اصدقائى وحبايب قلبى
رشا صاحبه مدونه ( خواطرى مع الحياه )
 وجايدا صاحبه مدونه ( جايدا العزيزى )
ورامى صاحب مدونه ( ذئب الظلام )
 وانا بشكرهم  عليها
الموضوع عباره عن سؤالين  ...
 هل انت ممن يحب التدخل فى شؤن الاخرين؟؟
وما الاسئله التى ممكن تستفزك ؟؟

بالنسبه للسؤال الاول فانا بصراحه مش بحب اتدخل
فى ما لا يعنينى
لان مؤمنه بالمثل القائل :
 " من تدخل فى ما لا يعنيه وجد ما لا يرضيه "
لكن من باب الفضول
والاطمئنان على من يهمنى امرهم ممكن اسئل
ولو حابب يجاوب  بيجاوب
 ولو مش حابب يجاوب مش بضغط عليه

اما عن الاسئله المستفزه فدى كتير قوى
تلاقى وحده بتسأل ..
انتى ليه مش بتخاوى البنات ؟؟؟
 طيب وانتى ايه اللى يخصك ماتخليكى فى حالك
انا ربنا راضينى وشاكراه على عطيته

وكمان لما تكون فى عروسه قريبتى متزوجه حديثا
تلاقى السؤال المستفز الدائم
هى العروسه مش حامل ؟؟؟
هو العيب فين ؟؟؟
 مش بتروح للدكتور علشان تتطمن ليه ؟؟؟
يا جماعه دعوا الخلق للخالق
ايه اللى ح يعود عليكم من أسئلتكم المستفزه

كمان لمااشترى شئ ثمين تلاقى السؤال المستفز
الدائم
انت جبتى ثمنها منين ؟؟؟
طيب يا ناس انتوا زعلنين ليه  
ربنا بعت ثمنها ما اشتريهاش ليه 

طبعا الاسئله المستفزه فى حياتنا اليوميه كتير
بس ما فيش داعى نخوض أكثر من كده

أحب أوجه الدعوه لاصدقائى وحبايبى
ايمان صاحبه مدونه ( الحب الجميل )
محمود صاحبه مدونه ( باحث عن حب )
زهره صاحبه مدونه ( بالحب اتجمعنا )
رامى صاحبه مدونه ( بابى )
ويكا صاحب مدونه ( بصراحه )
هدير صاحبه مدونه ( بنت الاسلام )

ويارب مش يزعلوا من تدبيسى ليهم
اقعدوا بالعافيه 



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

37 التعليقات:

mrmr يقول...

يا جماعه ياريت تسامحونى لتقصيرى فى زيارتى مدوناتكم
نظرا لظروفى المتلخبطه اليومين دووول
لكن ح احاول بقدر الامكان اتابعكم كلكم
ربنا يفرح قلبوكم ويسعد اوقاتكم

Tears يقول...

جميلة اوى اجاباتك يا مرمر



دمتى بحب

محمود(باحث عن حب) يقول...

الله
كل تدبيسه وانتى بخير
يا مرمر
فعلا اسئله مستفزه
خنيقه
بجد
حلوة
الاجابات
يارب
يكون
فى العون
يارب

أم هريرة (lolocat) يقول...

السلام عليكم

رائعة اجاباتك حبيبتى
كل اللى قلتيه بيستفزنى انا كمان جدا
خاصة موضوع الاولاد ده زى مايكون ناسيين ان ده شىء بأمر الله سبحانه وتعالى
وكما لو اننا نقدر نفصل الاولاد على مزاجنا تعالى الله عما يصفون

جزاك الله خيرا اختى الغالية على كلامك الطيب واسلوبك الرقيق

فى النهاية انت زى السكر واكيد مش ممكن تكونى حشرية ابدا

اشكرك غاليتى
دمت بكل خير وامان وربنا يخليلك بناتك يارب

أحمد شريف يقول...

الفاضلة مرمر

أحسنتِ: من حسن الأخلاق أن نترك شئون الخلق الخاصة لحالها

أتمنى لكِ التوفيق

Noha Saleh يقول...

جميلة اجاباتك اوى يامرمر
وربنا يكون فى عونك وان شاء الله تظبطى وقتك وتقدرى تتابعى

جايدا العزيزي يقول...

هههههههههههه

استفزك دلوقتى

لالالالالالالالالالا

انا مشهسامح فين مرمر ما دخلتش المدونه ليه النهارده

وما دفعتش الاتاوه اللى عليها

ههههههههههههه


بس زعلانه منك بجد كنت فكراك زى حشريه

ههههههههههههه

وبعدين ايهحكايه الاستفزاز

ماانت عارفه الشعب المصر فاضى

والفاضى بيعمل قاضى


وهوايته الوحيدهقعدت المصاتب

كانلينا جار زمان دايما قاعدعلى باب الشارع

جيبه ايه وبكام رجل عجوز

وكل الناس زهقت منه

انا بقى كنت اجيب شنط الخضار

واقوله والله ماتتعب نفسك وتسأل

دى طماطم بكذا

ودىلحمه بكذا

وده جرجير علشان السلطه

وهطبخ النهارده كذا

لما مل منى

وبقى يسال الناس كلها وانا اول ما اجى

يقولى والله ما عايزاعرف ارحمينى

ههههههههههههههه

شكرا ياقلبى على حل الواجب

ووحشاااااااااانى

تحياتى

سلسبيل يقول...

و الله عندك حق من تدخل فيما لا يعنية
سمع ما لا يرضية و الأسألة دى
فعلاً مستفزة !!
تحياتى لك

sweet angel يقول...

هههههههههههههههه
وياسلام لما تبقى بتتكلمي في التليفون ومعاكي واحده مقابلاها بس في المواصله دي
وتلاقيها بتقولك : بتكلمي مين كل ده

خواطري مع الحياة يقول...

السلام عليكم
اسئله مستفزة بجد
هو انت جبتي الكلام ده منين
ههههههههه
اها استفزيتك ولا لسه
ههههههه
ربنا يخليك يارب
تقبلي مروري
سلامي لاجمل وارق واطيب مرمورتي.

ابو فارس يقول...

هذه مش تدبيسة وبس
بسراحة أسألة مستفزة بجد
الله يعينك :)
لك الود بحجم سنتي كترين

Ms Venus يقول...

جميلة يا مرمورة


وردة لعيونك

سندباد يقول...

جميلة خفة دمك وجميلة شخصيتك ادام الله سعادتك وروحك الطيبة
دمتي بخير
تقبلي تقديري واحترامي

اسماء عبدالعزيز يقول...
أزال المؤلف هذا التعليق.
اسماء عبدالعزيز يقول...

حبيبة قلبي مرمر
اجباتك جميله جدا
فعلا انتِ مش حشريه خالص
بل بالعكس ودمك زى السكر
كوني بالف خير حبيبتي

karmen يقول...

ياسلام عليك يامرمر اعترافات مهمة جدا
تسلم ارق مرمورة

الحب الجميل يقول...

عندك حق فى الاسئله الاستفزازيه
اللى ذكرتيها دى

ومقبوله منك
ان شاء الله هقوم بالواجب

دمتى بخير يا قلبى

شهر زاد يقول...

مرمورتي
انا زعلانه منك بجد تحرميني من طلتك البهية
شفت لما غبت عني جاتك اسئلة مستفزه بشكل فظيع
بس انت بارعه في الاجابه مشاء الله عليك
انت وحشاني بستناك وا تتاخريش
تحياتي لك

Lady E يقول...

لا يا مرمر انتي مش حشرية

في فعلا فئة من الناس بتسأل أسئلة مستفزة وفي اسئلة غرضها الحسد زي جبتي تمنه منين ولو قولتيلهم على كل سؤال وانتوا مال اهلكوا بيعتبروها اهانه وقلة ذوق على اساس انهم لما يتحشروا في حياة الناس دي مش اهانة وقلة ذوق للناس اللي بيسألوهم هقول ايه ربنا يهدي

حلم يقول...

السلام عليكم
ردود حلوة ومميزة وخفيفة الظل
باركالله فيك يا طيبة

BNT ELISLAM يقول...

ازيك يامرمر
عامله ايه
وبعدان ماعاش اللى يستفزك
انا اهون اقتلهولك بس اشرى بس والطار ولا العار مش عاوزاكى تقلقى ياعنى
وشكرا على تدبيسه الحلوه دى
وردك عجبنى اوى
على موضوع الاستفزاز
دمتى بخير يارب

افروديت يقول...

فعلآ يامرموره عندك حق أسئله مستفزة بس للأسف مش هيبطلوا يسألوا فيها أبدآآآآآآآآآآآآآآآ

بس كبري دماغك لأنها أكيد ناس فاضيه

دمتي بخير

ذئب الظلام يقول...

ههههههههه

هو انتي ليش ما بتخاوي البنات
السؤال عجبني

اما العروس حامل قمة الفضول وسؤال بيوجع الراس

اسئلة في قمة الاستفزاز اختي مرورة الامورة اسف على التأخير بالرد بس كنت شوي مشغولهاليومين يا عسل

عاشقة الجنة يقول...

مرمر:

والله عندك حق بكل الكلام اللى قولتيه
وفعلاً فى ناس كدا كتير بيدخّلوا فيما لا يعنيهم
وعجبتنى فكرة الموضوع قوى وردك على
الأسئلة
وياريت بقى كل واحد يخليه فى نفسه بدل ما أضايق عليه
لانى بكره ان حد يستفزنى او يضايقنى

تقعدى بألف عافية

الشاب الصح يقول...

السلام عليكم انت فعلا جبتى معظم الاسئله المستفزه والاجمل اجاباتك عليها
ارجو ان تتقبلى مرورى و جزاك الله خيرا
تحياتى لك

سندباد يقول...

كل سنة وانتي طيبة وسنة تحققي فيها كل اللي تتمنيه انشالله وفي انتظار عودتك

Noha Saleh يقول...

كل سنة وانتى طيبة وترجعى بالسلامة ياقمر
بس ماتتأخريش
ربنا معاكى

محمود(باحث عن حب) يقول...

يارب ترجعى بالسلامه
ياا مرمر
تبقى كده
تدعى للاخويا عصام

جايدا العزيزي يقول...

اجازة سعيده ياقلبى

برغمانك هتوحشينا اووووووووى

كل عام وانت بخير مرمر


كل عام وانت الى الله اقرب وعلى طاعته ادوم

كل عام وانت واسرتك بالف خير

تحياتى

مدونه ما كفايه بقى يقول...

لاسلام عليكم

كل عام وانتى الى الله اقرب وعلى طاعته ادوم

ما شاء الله إجابتك جميله جدا فعر أرفع القبعه لكى


تحياتى لكى اختى

انسان يقول...

وانتي بخير وصحه وسلامه

تحية لشعب مصر اقدع ناس

الحب الجميل يقول...

وانتى طيبه يا مرمر
وبأفضل حال يارب

ربنا يريح بالك يا حبيبتى
يارب
متتأخريش علينا

دمتى بخير

iـــــــــــsــــــــــlــــــــــــaـــــــــm يقول...

يلا مرمر خدى اجازتك
وارجعى بسرعه عشان هتوحشينا
وان شاء الله ترجعى احسن من الاول

عاشقة الجنة يقول...

مرمر:
هتوحشينا ياقمر
وكل سنة وانتى بخير وبصحة وعافية
متتأخريش علينا
هنستناكى

تحياتى

ويكا يقول...

وانتى بخير وكرم من عند الله

وترجعى بالسلامه بعد اجازه سعيده

والواجب خلاص ياباشا
Done

سلسبيل يقول...

كل سنة و انتى طيبة
و يارب تكونى ديماً بخير
و ترجعى بالسلامة ان شاء الله
تحياتى لك

aemo يقول...

كل سنة و حضرتك طيبة و مبروك عليكى التدبيسات دايما من حبايبك الكرام و كلامك جميل كله مقدرش اقول حاجة عنه لكن انتى ليه ما جاوبتيش ليه مش بتخاوى البنات ؟؟؟؟
ههههههههههههههههههههههههه
دمتما جميعا بصحة و سعادة و اعملى حسابك انا بطلب ايد بنتك الصغيرة لابنى و اتمنى توافقون و نعزم الجميع على الخطوبة و ممكن نستاجر قاعة بيت المدونين والدعوة عامة طبعا

template by Osama hosny 2009