الخميس، 11 نوفمبر 2010

الأمل


استيقظت على أمل جديد

أمل عودته لى

فقد رحل بدون أسباب

رحل وقاصد الترحال

رحل ورحلت أيامه

رحل وتركنى مكسوره القلب

رحل وتركنى أتعذب مع قلبى المعذب

لكن أسمعنى حبيبى

فانا أحبك وأعترف بحبك

لم أقل لاحد قبلك .. كلمه بحبك

ولن أقولها أبداً لبعدك

فأنت ملح حياتى

وأنت بلسم لجرحاتى

فأنا لن ألوم غير نفسى

فأنا من تسبب فى عذابى وآهاتى

مشتاقه اليك

مشتاقه لعيونك و مشتاقه لجفونك

مشتاقه من سنين

خذ قلبى وهات الحنين

مشتاقه ولسانى يقولها لك

بحبك .. بحبك

فالى متى تعود لقلبى

تعود لحنانى ودفء مشاعرى

ففكرى يحن للقاءك  لعل فكرى يجد قلبى

أن أردت أن ترحل

 فأرحــل

أرحل كما تشاء...

 ولكن

قبل أن ترحل سامحنى

والله على غيابك يصبرنى

 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

27 التعليقات:

Ramy يقول...

(:

بجد من خاطرة لخاطرة

بتتكتبى أحسن و أحسن

(:

و بعد كدة انتِ بتدعيلى بالعافية و لا ايه (:(:(:

هيجى بفايدة أن شاء الله

شكراً يا مرمر

(:

باحث عن حب يقول...

أن أردت أن ترحل

فأرحــل

أرحل كما تشاء...

ولكن

قبل أن ترحل سامحنى

والله على غيابك يصبرنى
مرمر
رائعه جديده
من روائعك
ايوة كده
والله
رائعه يا مرمر

Ms Venus يقول...

جميلة يا مرمورة

ومع القلب الصادق ده والمشاعر الرقيقة دى

ازاى يبقى فى بعد وفراق ؟

ربنا يسعد قلبك حبيبتى

BNT ELISLAM يقول...

جامده انا قلت ان حضرتك موهبه مدفونه
والله رائعه فى كتابه الخواطر
بجد عشره فى عشره على عشره

سندباد يقول...

قالوا الصبر وصبرنا وبعد الصبر في ايه تاني حرام ياناس بعد ما صبرنا نعيد الصبر من تاني
ربنا يصبرنا

mrmr يقول...

رامى
انا مبسوطه قوى
ودى شهاده اعتز بيها

صدقنى بدعيلك مش بالعافيه
دا غصب وافتدر ههههه

لالا انا اقدر ربنا يريح قلبك بادعيلك لله فى لله ههههههههه

mrmr يقول...

محمود

مش رائعه قوى متخلنيش اتنفخ قوى
وبعدين مش تعرف تكلمنى ههههههه

انا لسه بتعلم يا محمود

مرسى لوجودك وكويس انها عجبتك

ربنا يسعدك ويوفقك يارب

mrmr يقول...

فينوس

الاجمل من الخاطره وجودك ومتابعتك ليا

نورتينى

mrmr يقول...

بنت الاسلام

ولا موهبه ولا حاجه
مجرد لحظات مجنونه بتأتى من وقت لاخر

الف ورده ورده لعيونك

mrmr يقول...

سندباد

امين
يارب يصبر كل قلب
شكرا لمرورك

غير معرف يقول...

جميلة اوى يا مرمورة
بجد حلوة اوى وحستها كتير
رحل وتركنى مكسوره القلب
رحل وتركنى أتعذب مع قلبى المعذب
لكن أسمعنى حبيبى
فانا أحبك وأعترف بحبك
لم أقل لاحد قبلك .. كلمه بحبك
ولن أقولها أبداً لبعدك
رائعه
:))
تسلم ايدك
دمتى بخير

ツSmiLeY AnGeLツ يقول...

مساء الفل على اجمل فله
مساء الورد على اجلم ورده
مساء الحب على اجمل حبيبت قلبي مرمورتي
اخبار الجميل
يارب تكوني بالف خير
بجد بجد ولا مش بجد
جميلة فيها تناقض عن رحيلة وانتي مش قادرة على الرحيل
ربنا يصبنا كلنا على رحيل اعز الناس مننا
كلمات جميلة وبسيطة
كل سنه وانتي بخير
تقبلي مروري
سلامي لاجمل وارق واحلى مرمر

Unknown يقول...

كلمات جميله يا مرمر كيف يرحل بعد كل هذا الحب
تحياتي لكي

Tears يقول...

بجد اسلوبك جميل بس الواحد مش ناقص وجع قلب

الدنيا بقت صعبه اوى


تحياتي

Carmen يقول...

مرمورة الجميلة
مساء الفل علي عيونك ياجميل
خاطرة عسولة ورقيقة زيك ياقمر
بس صدقيني ولا حد اختار يبعد يستاهل دمعة واحدة
تسلم ايدك ياقمر

ساسو يقول...

صباح الجمال يا مرمر
انتي موهوبه بجد
وكلامك أثر فيا
وعشت فيه جدا
صدقيني بعد حبك الدافي دا
مش هيقدر يبعد عندك ابدا

mrmr يقول...

حبى الجميل
وحشتينى يا قمر
انا سعيده انها عجبتك
ربنا يجبر بخاطرك ذى ما جبرتى بخاطرى

mrmr يقول...

مساء الجمال على عيونك يا اجمل رشا
مرسى على تواجدك الدائم
وسعيده برأيك وتعليقك جداً
ربنا يسعدك يا غاليه
ويفرح قلبك يا اجمل قلب

mrmr يقول...

شرين

زيارتك الاجمل بكتير من الخاطره
سعيده بزيارتك قوى

يرحل علشان هى من تسببت فى رحيله
ولكن بالرغم من ذلك فهى تعشقه عشق الطيور للشجر

ربنا يفرح قلبك

mrmr يقول...

تيريز

وجع القلب له عشاقه
الحب ديما ذى ما بيكون سبب سعاده هو ايضا سبب شقاء

ربنا يفرح كل قلب
شكرا لزيارتك

mrmr يقول...

كارمن

مساء الورد على خدودك
سعات بيكون الرحيل شئ اطرارى
وليس اختيارى

ربنا يسعدك
ومرسى على تواجدك الدائم

mrmr يقول...

ساسو الجميله
صباحك قشطه
شكرا لكلماتك الرقيقه
لكن هذه مجرد خاطره ليس اكثر
وليست تمت بصله بحياتى الشخصيه
مرسى لمرورك الجميل

Casper يقول...

رومانسية كساها بعض الحزن استطعتي التعبير عنها بكلمات سهلة ووصف رائع

=====

يظل وجود الحب الحقيقي هو السبيل الوحيد للخروج من بحر الهموم الذي احاط بنا

ويظل رحيل ذلك الحب هو بمثابة العودة النهائية والاخيرة لذلك البحر المُظلم واعلان بالغرق وسط أمواجه

======

خاطرة رائعة جدا
ووصف اروع

في انتظار المزيد من الابداعات
تقبلي مروري

Casper

غير معرف يقول...

كلمات وقعها قوي


قلبي معكـ

جايدا العزيزي يقول...

الله على الابداع

بس كده هتقفلى عليا

شايفه احساس جميل

ومشاعر رقيقه صافيه

سعيده لانك تتقدمين

وحشانى

معلش اتاخرت انت عارفه العيد

تحياتى

Tarkieb يقول...

لو كان سمع الكلام ده من زمان كان عمره مارحل...جميلة اووووي

افروديت يقول...

مرمر ياقمر لي رأي أخر وأعلم أن صدرك رحب ...
كلماتك أعجبتني وشعرت أنهامن القلب فعلآ غيرمتكلفة بس

أرفض وبشدة أن نتمني عودة من فاتونابدون أعذار بل وقاصدين الترحال ......... أعتبر هذانوع من الظلم بل وضياع الكرامة

أرجوأن تتقبلي رأيي

" كل سنة وأنت طيبة" ياجميلة

template by Osama hosny 2009