الأربعاء، 13 أكتوبر 2010

مجنونه


اتهمونى بالجنون
فانا مجنونه بحبك
مجنونه فى قربك وبعدك
جنون ليس له مثيل


قيس اتجنن فى حب ليلى
وانا فى حبك باتجنن فى كل ليله
فهل حبى لك يعطيك الحق ان تجرحنى
وتكسر بقلبى وتقتلنى


لا يا حبيبى فانا مجنونه بحبك
ولكن عليك ان تتوخى الحذر
فقلبى رقيق لا يحتمل
الحرج  ...والكسر
 ارجوك حبيبى
 ان تحافظ على قلبى لانه ملكك
فقلبى يئن من حرجك وكسرك

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

41 التعليقات:

mrmr يقول...

اول تجربه لي فى كتابه الخواطر
سامحونى لعدم الترتيب فى سرد الكلمات

حـــواديت يقول...

كلمات رقيقة وجميلة يا حضرة المتهم
استمرى

غير معرف يقول...

صباحو جنون
هههههههههههه
ياستى مرة بمرة هترتبى وتضبطى
ولعلمك هى خاطرة حلوة
تسلم ايدك يا مرمورتى
وعلى راى حواديت
استمرررررررررررى
الله معاك
وحشتينى كتيررررررر

Tears يقول...

الحب ده على قد ما هو رائع على قد ما هو مرعب لانه يا يطيرك فى السما يا يخنقك و يخبيكي تتمنى الموت...بخاف منه

Ms Venus يقول...

مرمورة

ايه الجمال والرقة دى

كلمات جميلة


استمرى فى الكتابة


وربنا يسعد قلبك حبيبتى


ارق ورداية لعيونك

داليـ ـ ـ ـ ـ ـ ــــا يقول...

مرمريتا

هذا هو الحب
الحب جنون

لا والله بالعكس مترتبه وجميله جدا كمان

جميل يازميل
وجبت جووووووووووووول
وخليك مستمر فى الجنون

richardCatheart يقول...

ان حرفتى يا مرمر ايه الكلام والرقه دى

بس بطلتك بتحلم لان هى دى معشر الرجال

لو ماكسروش قلوبنا مايرتحوش يا ماما

تسلمى وان شاء الله مش اخر تجربه

mrmr يقول...

اسامه
شكرا على تشجيعك بالاستمرار

mrmr يقول...

حبى الجميل

صباحو قشطه بالهبل علشان اللبن خلص

ههههههه

انا سعيده انها عجبتك وشكرا للتشجيع

وانتى وحشتينى قوى

ツSmiLeY AnGeLツ يقول...

mrmr
جميــــــــله لاول تجربة
بعدين كلامك مرتب
طيب تقولي على مدونتي انا ايه كله كلام مكرر ومش مرتب بس اول تجربة لينا بالخواطر وهيترتب بالعزيمة والاصرار
مش نوقف عن اول عتبه تواجهنا.
استمري وتشجعي
تقبلي مروري
سلامي.

mrmr يقول...

تيريز

سعات بحس ان اجمل ما فى الحب العذاب
يمكن يكون رائ غريب ومحدش يتفق معى

ربنا يفرح قلب كل محب

ويفرح قلبك

mrmr يقول...

مس فينوس

معقول كلماتى الهبله تعجب حد !!!!!
بجد انا سعيده بانها عجبتكم بس ياريت ميكنش حد بيجاملنى

وشكرا لتشجيعك

ربنا يفرح قلبك

mrmr يقول...

دولى غاليتى

وحشتينى

جنون ... وايه جنون ...

وما اجمله جنون

سعيده برايك يا قمر

ربنا يفرح قلبك

mrmr يقول...

قطتى

رجاله عايزه ضربها بالرصاص ماعدا حبيب قلبى ربنا يخلهولى يارب مش بيحب يكسر بخاطرى

ههههه

باذن الله مش اخر خاطره

mrmr يقول...

خواطرى مع الخياه

كلامك بلسم على قلبى وتشجيعك ليا اسعدنى

ربنا يسعد قلبك

باحث عن حب يقول...

مرمر
مرا ميروا
ايه الحلاوه
والجمال ده

قلب كبير قوى
ايوة كده
الابداعات
المدفونه ديا

ميه ميه

سندباد يقول...

اهم شئ في كلمة تتقال بين اي اتنين بينهم ود او معزة او حب
الاحساس
ان الكلمة طالعة من جواك من غير تكلف او اصطناع
الحب ايا ما كان نوعه حتي لو كان بين اتنين اصدقاء الحب احساس
وكلماتك مليانة احساس جميل
دمتي مبدعة
تقبلي مروري

mrmr يقول...

محمود

ابدعات مدفونه ايه يا عم ده كلام عبيط كده

بس سعيده قوى بالاعجاب والتشجيع

شكرا يا بلدياتى

rack-yourminds يقول...

قد نستطيع تحمل طعنات وغدر واساءات الاشخاص العادين وقد نلتمس لهم العذر ايضا ثم بعد ذلك يتكفل الزمن بمحو اثار تلك المررات ,ولكن من نحبهم ومن هم قريبين من قلوبنا تكون طعناتهم وغدرهم واساءاتهم نافذه في قلوبنا وتترك ندوبا واثارا قد يمحوها الزمن ولكن بعتقد بعد حين

عمرو يسرى يقول...

رائعه اكثر من رائعه
بس اكيد مش اول امره
دا كلام محترفه

mrmr يقول...

سندباد

اسعدنى ردك حقا

شكرا لتواجدك

mrmr يقول...

rack-yourminds

معك حق

طعنات الحبيب تكون اقوى واعمق من اى طعنات او غدر و تترك اثار عميقه داخل النفس البشريه
اما عذر من لا يهمنا امره فمن السهل نسيانها مع مرور الزمن

اسعدنى مرورك وتواجدك

mrmr يقول...

عمرو يسرى

صدقنى دى اول مره اكتب فيها خواطر بالشكل ده
وباذن الله مش اخر مره
ربنا يسهل

شكرا لمرورك

Carmen يقول...

جميلة ومعبرة يامرمر
كده مش هنسيبك في حالك كل شوية هنزن عليك عشان تكتبي جديد^_^
تسلم ايدك ياجميل
¥k¥

ويكا يقول...

كل اللى هقولهولك

انى فاهم وحاسس كل كلمه مكتوبه بحذافيرها.

تحياتى ياباشا

صحيح : هى حذافيرها صح كده ؟؟ ولا حزافيرها؟؟

BNT ELISLAM يقول...

مع انى زعلانه منك جامد جدا جدا وهخصمك كمان
بس حق ربنا
الخاطره تحفه حلوا اوى وكمان اول مره انتى على كده مبدعه ياست مرمر
احساس حلو اوى
الى الاحسن وتالق دائما


بس على فكره زعلانه برده

mrmr يقول...

كارمن
بجد عجبتك
مش متخيله انها تعجب حد
بس بجد نفسى حد يقولى رايه من غير مجامله ... على العموم احاول اعصر بنات واولاد افكارى
وافكر اكتب تانى

نورتنى يا اجمل كارمن

mrmr يقول...

ويكا .. ويكا

اهلا يا باشا
فينك مغطى راسك مش باين ليه
عايزين نطمن عليك انت بخير ولا الشمس والشغل لحسوا الدماغ

حزافيرها صح يا باشا

عشت زخرا لنا

ربنا يرجعك بالسلامه

ويفرح قلبك

mrmr يقول...

بنت الاسلام

انا عارفه انك زعلانه وحقك بس شئ خارج عن اراداتى

انا متابعه جيدا كل بوستاتك
وحاولت اعلق اكثر من مره بس مش عارفه العيب فين بالضبط لدرجه انى بعت لكى رساله على الياهو اعرفك بيها ان التعليقات بها مشكله وانى مش عارفه اعلق
ياترى العيب فى صندوق التعليقات الخاص بك
ام فى النت عندى
ومش انتى بس المشكله دى فى اكثر من شخص برده مش عارفه اعلق عندهم فياريت يسامحونى الى حين ان تتحل المشكله

شاكره محبتك وزيارتك وكلاماتك الرقيقه التى اسعدتنى

Ramy يقول...

اول تجربه

بجد جميله جدا يا مرمر

بس صعبه ليه كده

مش مشكله

إلى الأمام يا رووميل (:

mrmr يقول...

رامى
اهلا يا ابو الرووووووووم
ايه الغيبه دى
كويس انها عجبتك
ربنا يريح قلبك ويفرحك

طوبه فضه وطوبه دهب يقول...

حلوه اوى تسلم ايديكى ياقمر

mrmr يقول...

طوبه فضه وطوبه دهب

اهلا بيكى يا قمر نورتينى
انتى الاحلى والاجمل
شكرا لمرورك

مدونه هنا السناهره يقول...

كلام رائع ومدونه اروع واتمني مزيد من الابداع

Noha Saleh يقول...

جميلة يامرمر
كلامها رقيق وجميل
اكتبى يامرمر واستمرى فى كتابة الخواطر

mrmr يقول...

مدونه هنا السناهره

شكرا للزياره الجميله واعجابك بالمدونه

ربنا يسعد اوقاتك

mrmr يقول...

نهى

مرسى ياقمر

انا سعيده باعجابك لكلمات

وشكرا لتشجيعك يا قمر

ربنا يفرح قلبك

eng_semsem يقول...

انا عايز بس اعرف مين اللي زعلك وكسر قلبك وانا هعمل ...........
معقوله يكسر القلب الحنين ده معلش شدي حيلك انت اقوى من كده بكتير
حلوه الخاطره وكويس بالنسبه لاول تجربه وكل ما هتقري اكتر هتكتبي احسن وبالتوفيق
تقبلي تحياتي

mrmr يقول...

اسامه

محدش زعلنى ولا كسر بقلبى
دى مجرد خاطره لا اكثر ولا اقل وربنا يستر ويكون فى جديد لحسن شايفه انى مش ح اسلك فى اللون ده
شكرا لتشجيعك

ربنا يسعد قلبك

Tarkieb يقول...

حلوة محدش ح يكلمك عشان ليس ع المجنون حرج هههههههههه

mrmr يقول...

تراكيبوووووووووا

ماشى يا عم الكتكت
ليس على الجنون حرج ده لو كان مجنون فعلا

نورت يا باشا

template by Osama hosny 2009