الأحد، 26 سبتمبر 2010

لقاء سكندرى مرمرى + تعديل

يا أهل البلوجر

لظروف مش عارفه ايه .. تقرر تغيير

مكان التجمع

واصبح نادى دار مصر بدل نادى

المهندسين

وبيقولوا أنه ميتوهش

ان نادى دار مصر جنب دار المهندسين

خبط لزق

يعنى اللى يوصل الاول

ينتظر قدام نادى دار مصر لغايه لما

نتجمع كلنا

وربنا يستر

شكلى كده ح اتسوح أكيد

لكن البرنامج ذى ما هو بدون تعديل


قرب .. قرب .. قرب

قربوا يا بلوجريه

أعلان هام

لكل من يهمه الأمر

لقد تقرر يوم السبت الموافق

2/10/2010

تجمع للقاء الاصدقاء والاحباب

 للتعارف الجاد

اليوم ح نبتديه من اوله

ح يكون الساعه 10 صباحا

والتجمع فى نادى دار مصر

بتقول الحب الجميل انه ميتوهش
((وانا اشك فى كده لانى ح اتسوح  ح اتسوح يعنى ))

ومعروف

والوصفه سهله ... الوصفه هايله

يعنى توقفوا تاكسى

وتقول تاكسىىىىىىىىىىىىى

على نادى دار مصر من فضلك

ولازم من فضلك دى

على طووول فريره تلاقيك قدام النادى

وبعدها على متحف المجوهرات الملكيه

والغذاء بعد كده فى بحرى وابو العباس

ويقال انه فى مراجيح

هيهيهيهيهيهيهيهيهيهيهيهيهيه

والحلو عند الشيخ وفيق

مين الشيخ وفيق ده ..  الله اعلم

 لسه ح نتعرف عليه

ويقال كمان اننا ح نلعب على الرمل

ونبنى بيوت ونهدها ولا يهمك

كسر.. كسر وبعدها نلم المتكسر

وده على شاطى راس التين

خلاص كده خلص الاعلان

والحاضر يعلن الغايب

 والغايب مالوش نايب فى

الشاااااااااااى

سمعنى يا محمود باحث عن حب

عايز يا خويا الشاااااااااى

تعالى 

وانا عليا اجيبلك الكانون اعملك

الشاى عليه

ههههههههههههه

للاستعلام عن التجمع

ت : 0174203724
أو
ت : 0193139198


ولو وصلتنى اخبار جديده

 أو فرمانات جديده

اكيد ح نبلغكم

يارب متجمعين فى الخير ديما

 انتهى ،،،



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

29 التعليقات:

همسات وبحــ الحياه ــر يقول...

ياحالولى ياحالولى

انا جايه ان شاء الله ولاول مرة فى التاريخ هحضر لقاء
والله صبرتى ونولتى يافروتى ههههههه

فينك ياجميل من قلوب بلامرسى

همسات وبحــ الحياه ــر يقول...

وكمان اول تعليق ماشاء الله ماشاء الله

Ramy يقول...

(:

أدعيلى يا مرمر اعرف أجى علشان

أنا بجد محتاج أغير جو اقابل الناس اللى بعزهم

mrmr يقول...

وزتى همسات
ياحلولى يا حلولى واشوفك كمان دا انا بختى من السمااااا
ح اشوف القمر ده والمبدع بتاع قلوب بلا مرسى
اشوفك على خير يا قمر

يارب امنع الموانع

mrmr يقول...

يارب يا رامى
يكمل التجمع على خير
لحسن انا متفائله جدا ومنتظره اليوم ده بفارغ الصبر
وبحلم بالمراجيح هههههههه

همسات وبحــ الحياه ــر يقول...

بس يابت هتجبينى من الشرقيه عشان اركب مراجيح ههههههههه

بس والله كفاية انى هشوفكم

Unknown يقول...

نفسي اجاى بس مشوارى

بعيد اوى من اسماعيليه

لاسكندريه ايووووووو ده

احنا هنتعبو اوى بس والله

هحاول اجى طبعا عشان اشوف

مرمرحبيبية قلبي ويارب ما توهش

غير معرف يقول...

متنسيش الجاااااكت
هههههههههههههه

mrmr يقول...

همسات
انا يا غاليتى جايه من الصعيد
يعنى ابعد منك
اوعى متجيش نفسى اشوفك

mrmr يقول...

mena

ان شاء تتوفقى وتقدرى تيجى باذن الله ح يكون يوم جميل

وانا نفسى بجد اشوف حبايبى اللى بتابعهم وبحبهم
يااااااااه
يارب قرب البعيد

mrmr يقول...

حبى الجميل

مش عارف طريقه
اجيب جاكت صوف معقوووووول
مش بلعاها بجد

لكن حاضر ح ادور

باحث عن حب يقول...

انا جاى متأخر بقه
فى التعليق
ولا ايه
يابوى
ماشى
يا مرمر
كانون
اى حاجه المهم
شاى العروسه

mrmr يقول...

محمود
يعنى افهم من كده انك ح تكون فى هذا اللقاء هيهيهيهيهيه
ماشى يا عم وانا ح اجهز الكانون من دلوقتى واشحنه فى القطر

موجة يقول...

اهئ اهئ
:(

عمرو يسرى يقول...

لو عرفت اجاى هاجى ان شاء الله

ساسو يقول...

مرموره حبيبتي
وحشتيني موووووت
متزعليش مني علشان بغيب كتير
بس والله غصب عني
المهم انك بخير واطمنت عليكي يا جميله

باحث عن حب يقول...

السلام عليكم
هو صحيح انا عملت بوست جديد بعد موضوع الطفله براءه
ولم يحدث رابطى عند اى حد من اللى ضايفين مدونتى
حتى انا ضايف رابط مدونتى ومظهرش الموضوع الجديد فى التحديث خالص
شلت الموضوع بكل تعليقاته ونزلته تانى برضوا مظهرش الموضوع الجديد
ارجوا المساعده
http://bahesanhob.blogspot.com/

Noha Saleh يقول...

ربنا يجعله يوم جميل عليكم
كان نفسى اجى
بس المشوار بعيد وماقدرش اسافر ببنتى مسافة طويلة او اسيبها
ربنا يبسطكم

عاشقه الرومانسيه يقول...

عندى تحديث مهم
بليز نزلى تحديث عندك على البوست ياقمر
تحياتى

غير معرف يقول...

أتمنى لكم التوفيق ، ربما لو كان في القاهرة لتوفرت لي فرصة للقاء بجمعكم الطيب بإذن الله
بالمناسبة : على ذكر متحف قصر المجوهرات أمنحكم هذه النصيحة :) اعزموا على زيارة المتحف لأنه مُذهل خاصة بعد تطويره وافتتاحه منذ شهورٍ مضت

أبو فارس يقول...

يا خساااااااره
انا في بيروت ومش حلحق مش ممكن تاجلوه
شويه
ههههههههههههه

تحياتي

داليـ ـ ـ ـ ـ ـ ــــا يقول...

حتى انتى كمان يامرمريتا بتغظينى
قاعده تقولى هنلعب وهنتغدا وهنتمرجح مش حاسه انك بكده بتغظينى
هههههههههه

بإذن الله هيكون يوم جمييييييييل
وربنا يحافظ عليكم يارب ويكون معاكم

سندباد يقول...

انشالله تقضوا يوم ظريف وتبقي تحكيلنا بقي ايه اللي حصل وبالتفصيل
تحياتي

Tears يقول...

ان شاء الله يكون لقاء ممتع و يوم جميل

جايدا العزيزي يقول...

صدقونى كان حلم من احلامى اكون معاكم


لانى نفسى اشوفكم واتعرف عليكم

بس لو كان امرى بايدى كنت سبقتكم

زوجى يرفض

بيقول كفايه انه سايبنى اكتب

دايما متجمعين على الخير


وقلبى وروحى معاكم فى كل مكان وزمان


تحياتى

Ms Venus يقول...

مرمورة


صدقينى كان نفسى اكون معاكم بس غصب عنى حاليا ظروفى مش تسمح

تجمع سعيد ان شاء الله يارب

وردة لعيونك حبيبتى وميرسى بجد لكلامك الجميل عندى

Unknown يقول...

انا جيت اسأل ع مرمر الوحشه اللى مبتسألش عليا يارب تكونى بخير وحشتينى ابقى طمنينى عليكى ....منه

محمد التركى يقول...

مرمر

مساء الفل والورد والياسمن
وكل اللى اكلو عند الزعيم
وجلاتى عزه
والمراجيح
والقلعه
ورقصنى ياجدع
ههههههههههههه

بجد أنا سعيد جدا انى اتعرفت بشخصيه جميله زايك

ومكنتش اتخيل انك ممكن تيجى من سوهــــــــــــــــــــــــاج
بس حصل والحمد لله جيت بالسلامه ويارب تكونى وصلتى بالسلامه يارب
ابقى طمنينى عليكى

وسعيد جدا باليوم كان روعه الروعه
طبعا كان بيكم كلكم
وكمنتش متخيل ان مرم اللى دايمآ متبعانى هتطلع بالطيبه ديه والحنان ده
وخفه الدم الجامد جدا ديه

يارب نتقابل تانى بأذن الله على خير

تحياتى لأجمل شخصيه من سوهاج
أجدع سلام لسوهاج

محمـــد التركـــى

BNT ELISLAM يقول...

ياخساره فتنى كتير بس مش مهم اللى جاى احلى اكيد
وحشتينى ياشقيه
وحشتينى كتير انا قلت لازم اجى وامسى واصبح كمان بلاش توفير
ازيك يامرمر

template by Osama hosny 2009