الخميس، 10 يونيو 2010

الكلام الحلوووووووو

بكلمه حلوه تقدر تفرح انسان
وبكلمه قاسيه يمكن ان تحزنه أو تغضبه
أو تثيره
 أو تحوله من صديق الى عدوووو

وعلى رأى الحكيم
(( الكلام اللين يصرف الغضب والكلام الموجع يهيج  السخط ))
(( واللسان اللين يكسر العظم ))

ممكن بسهوله تخرج منك كلمه ولو بدون قصد تفضل تعالج فيها سنين طويله
 ومش ممكن ابدا علاجها مع مرور الزمان
علشان كده لازم نختار الكلمه الى تخرج منك بعنايه
علشان تفرح بيها اذان سامعيها

وما اجمل ان تعود لسانك على كلمات جميله
كاكلمه دعاء أو كلمه سامحتك
أو الله يسامحك كلمه حلوه ياريت نستعملها دايما

وما اجمل كلمه أحبك أو بحبك لما تتقال تملى
 فى بيوتنا مع اصدقائنا
 بين الزوج والزوجه بين الاخوات والاقارب
 فهى كلمه شهيه للسمع
وتفرح القلب ولها مفعول السحر

وكمان كلمات التشجيع أو المديح كلمه  حلوه
 بيرغبوها الصغار والشباب من الجنسين بيها ندفعهم الى النجاح
ويسلالالالام على كلمه التشجيع
 لما يقولها الوالدين لابنائهم أو يقولها الزوج لزوجته
أو الطبيب لمريضه
أو استاذ لتلميذه

ديما الوجه البشوش يبقى محبوب بين الناس
 اكثر من الشخصيات جميله الصوره والمنظر والمتكبره والمغروره
الناس بتحب تشوف الملامح المريحه والكلمات المفرحه
 اللى بتترك ذكريات جميله فى القلب

ومن الاخر.. عايزه اقول ان الكلمه الحلوه لن تكلفك شئ
 لكن حتفرح بيها غيرك
 فلا تبخل بها على الاخرين

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

9 التعليقات:

♥♥ شذا ♥ الروح ♥♥ يقول...

السلام عليكم

حبيبتى وحشتينى ياقلبى

اخبارك ايه

زعلانه منك انك مش بتزورينى خالص رغم انى بتبعك على طول حبيبتى

عامة ربنا يسعدك يارب ويوفقك

♥♥ شذا ♥ الروح ♥♥ يقول...

"الكلام الحلوووووووو"

بوست جميل أووى

فعلا الكلمة الطيبه فى وش الانسان بناخد عليها حسنات

يعنى احنا هناخد ايه من الدنيا يعنى
ربنا يبعد عننا اى شىء وحش ويكرمنا كل الخير يارب

جزاكى الله كل الخير
احبك فى الله

غير معرف يقول...

صباح الورد والكلمه الحلوه

بكلمه حلوه تقدر تفرح انسان

أحيكى على هذا البوست الرائع

فى النهايه مش بيقعد للواحد منا غير الكلمه الطيبه والدعوه الحلوه

ياريت فى كل بيت تكون موجود الكلام الحلو بين الازواج والصحاب والاخوات وبين كل العالم والشعوب

دمتى بخير

mrmr يقول...

شذا روحى
انا مقدرش على زعلك يا عمرى
بس انا فعلا بزورك وبقرا كل بوستاتك
يمكن مش كل مره بترك تعليق لكن متابعه جيده
سامحينى سعات بكون مستعجله ورايا تسعشرمين حاجه كده فوق دماغى وكله متطلبات لازم اوفيها
سامحينى ان كنت مقصره
وشكرا يا حبى لزيارتك وكلامك الجميل
ربنا يفرحك

mrmr يقول...

حبك جميل
ازيك يا جميل
ما فيش شئ دايم فى الدنيا يا بنتى
غير السمعه الطيبه واللسان الحلووو
والكلمه الطيبه بتشق فى البحر طريق

وانت كلك حلووووو
مرسى يا قمر لمتابعتك
ربنا معاكى ويحافظ عليكى

باحث عن حب يقول...

(كلامك حكم)
جميله جدا
تلك الكلمات
الواحد لو نصب ميزان فوق لسانه
قبل ما يتكلم
محدش
كان
غلب
ولا ايه
انا لسه فى الامتحانات
يا مرمر
دعوااااتك

mrmr يقول...

محموووووود
ازيك يا بطل
ربنا معاك ويحافظ عليك
ويوفقك يارب فى امتحاناتك
دعوتين متكلفين اهوووووو
ربنا يجعلهم من حقك ومن نصيبك
دعوه وليه ساعه عصريه
ههههه
نورتنى

ليله شتاء يقول...

السلام عليكم

الكلمة الطيبة صدقة

mrmr يقول...

ليله شتاء
اهلا بيكى
نورتى مدونتى بوجودك فيها
صدقتى قولا بان الكلمه الطيبه صدقه
والرب يجازى صاحبها خيرا
دامت زياراتك بالحب

template by Osama hosny 2009