الجمعة، 23 أبريل 2010

!!! اقال ايه موضه

الموضوع دة انا عايزة اتكلم فية معاكم

هو عبارة عن الموضة الغريبة اللى نازلة دلوقتى دى

نبتدى بالولاد

فى الاول نتكلم عن لبسهم كل واحد فيهم عايز يقلد تامر حسنى وعمر دياب

ومش عارف مين بس بيقلدوهم بغرابه شوية

يعنى مثلا تلاقى الولد ماشى فى الشارع ومسقط البنطلون بطريقة غريبه اوى

وكل يوم بيبقى مسقطة اكتر عن اليوم اللى قبلة ههههههههههه

ولما يشوف واحد مسقط البطلون اكتر منة بيتغاظ ويضايق

محسسنى انهم بيعملو مسابقة مين يسقط بنطلونة اكتر

بس طبعا بيبقى منظرهم صعب اوى

انا لما بشوف واحد زى كدة ببقى ماشية مكسوفة فى الشارع

دة بالنسبة للبنطلون

نيجى بقى للبادى او القميص

لو لابس قميص يبقى فاتح نصة

ولو لابس بادى بيلبسة قصير وضيق

والبادى بيبقى مليان ترتر وقلوب وحجات غريبة كدة

او بادى لونة اسود ومليان جماجم (لا يليق كده طبعا )

نيجى بقى لتسريحة الشعر بتاعتهم

تلاقى الولد موقفلك شعرة بطريقة غريبة كدة بيبقى محسسنى

 انة متكهرب قبل لما ينزل (واخد حمام 2 فولت) هههههههه

او حد خضة قبل لما ينزل

وياسلام بقى لو سابغ اطراف شعرة بلون اصفر او احمر

كدة خلصنا من الولاد

نيجى بقى للبنات

تلاقى البنت لابسة بنطلون بوسط ساقط وضيق موووووووووووووووووت

انا من اعتقداتى ان الناس يتبقى مسكاه وهى تنطلة من الدور العاشر

علشان تعرف تلبسة

والبادى تلاقية عند الكامر بتاع البنطلون

ولو البادى طويل حبتين تروح تدخلة فى البنطلون وتلبس حزام عجيب كدة

ولو بقى فكرت تلبس جيبة يالهووووووووووووووووووى

بلاش احسن هههههههههههه

نيجى بقى لتسريحة الشعر

تلاقى الواحدة ضاربة شعرها فى الخلاط ونازلة

او مسرحتش شعرها من عشر سنين

وقال اية تقولك دة كيرلى

كيرلى اية ياحجة؟ الكيرلى مش كدة خالص ههههههههههه

انا مستعدة اتبرع لكل واحدة بمشط علشان تسرح شعرها

طبعا الكلام دة مش على كل الناس طبعا

بس الحاجات دى انا بشوفها بعينى

وبتضايق لما بشوف ناس عاملين كدة

لان اى حد لما يشوفهم يقول شوفو لابسين اية؟

وكمان هم بيعملو كدة لية يعنى

تقليد للاجانب؟؟؟؟

ولا علشان الولد يخلى البنات تعجب بية والبنات تخلى الولاد تعجب بيها؟؟؟؟؟

انتم اية رايكم ووجهة نظركم؟؟؟؟؟؟

ياريت تشاركونى فى الموضوع دة

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

6 التعليقات:

غير معرف يقول...

والله ده موضوع جميل جدا وشكرا كتير على المجهود
انا مش بحب البنت الى تلبس ديق ولا البت الى بتلبس منطلون ديق
مش بحب البنت تحط مكياج لانى المكياج بيظهر العيوب مش بيخبيها
يريت الناس تكون بطبعتها فى اللبس وكل حاجه
انا زات نفسى لبسى كجول بس محترم
الاولاد الى بيلبسوا كده دول عيالSES and PES
K2
ياراب نفكر بعقلنا اقبل منلبس لبسنا

mrmr يقول...

k2
شكرا لردك اولا
لكن انت شايف ان لبس الاولاد ده
يبقوا شباب مش محترمين ولا ده راجع للتربيه والبيت وهل دى فتره وتعدى
او موضه وتعدى
اسعدنى مرورك وردك

BNT ELISLAM يقول...

فعلا موضوع جميل ولى عوده مره اخرى للمناقشه

بس بجد مدونه جامده جدا

اتنى لو تشررفينى فى مدونتىhttp://www.h-fawzy.blogspot.com/

mrmr يقول...

بنت الاسلام
اسعدنى مرورك وارحب بيكى صديقه للمدونه واتمنى تكون عجبتك

تمنياتى اليك بالصحه والسعاده

داليـ ـ ـ ـ ـ ـ ــــا يقول...

اولا يامرمر انا مش عارفه اتابعك على اى مدونه حيرتينى بجد

بس ما علينا
انا لسه قراءه الموضوع ده عند باحث عن حب

وقلت رأى فيه

أن لا حياة لمن تنادى
وانتم بتنفخوا فى اربه مقطوعه

الشباب والبنات اللى من النوع ده دماغهم كده هى شايفه او هو شايف انها كده هتبقا بنت او شاب كول وروش ونظام وحركات

وطبعا مش هنروح لكل واحد او واحده فى ودانها ونبتدى نكلمها
أأقل حاجه هتقولك وانتى مالك
غيرانه متغاظه وهكذا

يعنى كل اللى نقدر نعمله اننا نقول ربنا يهدى الحال ويصلح احوال الجميع

ودورنا ان البنات تغض البصر
ودور الشباب يغضوا البصر بردوا
النظره الاولى لينا
والتانيه علينا

هو موضوع جميل يامرمر
بس العين بصيره والايد قصيره

تحياتى يامرمريتا

mrmr يقول...

اهلا بيكى يا دولى
يا حبيبتى مدوناتى كلها تحت امرك
ذى ما تحبى
على راى مش عارفه مين اللى بيقول
خد فكره وتعالى بكره
ههههه
بصى يا حبى الذنب فى لبس شباب البلد كلها يرجع فى الاول والاخر للوالدين الام اللى تشوف بنتها او ابنها لبسه خارج عن التربيه والمنشأ لازم تقف وقفه قويه وتقول لبنتها او ابنها استوب
لحد هنا ولا
لان دينا ولا اخلاقنا يعلمنا ان نكون شاذين بالشكل ده

واخيرا ربنا يهدى عبيده

template by Osama hosny 2009