لقاء سكندرى مرمرى + تعديل

يا أهل البلوجر

لظروف مش عارفه ايه .. تقرر تغيير

مكان التجمع

واصبح نادى دار مصر بدل نادى

المهندسين

وبيقولوا أنه ميتوهش

ان نادى دار مصر جنب دار المهندسين

خبط لزق

يعنى اللى يوصل الاول

ينتظر قدام نادى دار مصر لغايه لما

نتجمع كلنا

وربنا يستر

شكلى كده ح اتسوح أكيد

لكن البرنامج ذى ما هو بدون تعديل

قرب .. قرب .. قرب

قربوا يا بلوجريه

أعلان هام

لكل من يهمه الأمر

لقد تقرر يوم السبت الموافق

2/10/2010

تجمع للقاء الاصدقاء والاحباب

 للتعارف الجاد

اليوم ح نبتديه من اوله

ح يكون الساعه 10 صباحا

والتجمع فى نادى دار مصر

بتقول الحب الجميل انه ميتوهش

((وانا اشك فى كده لانى ح اتسوح  ح اتسوح يعنى ))

ومعروف

والوصفه سهله ... الوصفه هايله

يعنى توقفوا تاكسى

وتقول تاكسىىىىىىىىىىىىى

على نادى دار مصر من فضلك

ولازم من فضلك دى

على طووول فريره تلاقيك قدام النادى

وبعدها على متحف المجوهرات الملكيه

والغذاء بعد كده فى بحرى وابو العباس

ويقال انه فى مراجيح

هيهيهيهيهيهيهيهيهيهيهيهيهيه

والحلو عند الشيخ وفيق

مين الشيخ وفيق ده ..  الله اعلم

 لسه ح نتعرف عليه

ويقال كمان اننا ح نلعب على الرمل

ونبنى بيوت ونهدها ولا يهمك

كسر.. كسر وبعدها نلم المتكسر

وده على شاطى راس التين

خلاص كده خلص الاعلان

والحاضر يعلن الغايب

 والغايب مالوش نايب فى

الشاااااااااااى

سمعنى يا محمود باحث عن حب

عايز يا خويا الشاااااااااى

تعالى 

وانا عليا اجيبلك الكانون اعملك

الشاى عليه

ههههههههههههه

للاستعلام عن التجمع

ت : 0174203724

أو

ت : 0193139198

ولو وصلتنى اخبار جديده

 أو فرمانات جديده

اكيد ح نبلغكم

يارب متجمعين فى الخير ديما

 انتهى ،،،

أنشر الموضوع فى المفضلات الاجتماعية من هنا

رثاء

أمى الحبيبه

وحشتينى

وحشتينى يا نبع الحنان

وحشتينى ياورده فى البستان

وحشتينى يا كتله من الفيضان

وحشنى البكاء على صدرك

من يمسح دمعتى غيركِ

فلم أجد الراحه غير على صدرك

فانتِ الأم الحنونه وليس غيرك

أشتقت اليكِ

أشتقت لتقبيل يديكِ

أمى
رحلتى عنى من الارض إلى السماء

كأننى أعيش فى صحراء

وأبتساماتكِ لى مثل الماء

ولسانى عاجز عن الوفاء

أمى

تعبت كثيراً لفقدانكِ

نار الحزن يملى قلبى على فراقكِ

تعالى وارونى من نبع حنانك

فلن استطيع نسيانك

فوداعاً

وداعاً يا من كنتِ لنا أباً وأماً وخالاً

وداعاً يا من وهبتى لنا حباً

وداعاً يا أغلى وأحن وأطهر

 من خلق ربى

أمى

ساذكركِ دائما

فانتِ فى قلبى وفكرى ووجدانى

فانتِ من علمنى الحب والامانى

فلك حبى ووفائى

فإلى حين أن نلتقى

لكِ منى خالص أشواقى

أنشر الموضوع فى المفضلات الاجتماعية من هنا

الصبر

اللهم إلهمنى الصبر يارب

فأنت وحدك قادر على تحمل معاناتى

أصرخ اليك يا الهى ملتمسه لمسه حنان

لكى ترطب على قلبى المحروق

ولكى تشفى قلبى وتلتئم جراحاتى

فأنت المعين النظير

فالصبر من عندك وليس لاحد أن يلهمنى إياه غيرك

أنشر الموضوع فى المفضلات الاجتماعية من هنا

ما أجمل صوت العيد فى اذنى

الله اكبر الله اكبر ولله الحمد
الله اكبر الله اكبر الله اكبر    لا الله الا الله

هذا هو صوت كل مأذنه فوق كل جامع من حولى وفى كل الشوارع وجدت
 تبلغنا بسمة العيد وفرحته
تطرب اذنى وتفرح قلبى
تقول لكم ولى عيد سعيد

الله اكبر على من طغ وتكبر
الله اكبر على كل ظالم وناصف لكل مظلوم
اللهم جنبا شر الوباءوالبلاء والغلاء والغباء
اللهم انصرنا واحمى اوطاننا وامنا فى ديارنا من كل خوف يامن بيده ملكوت كل شىء

ادام الله علينا اعيادنا دهورا
                    بها ومنها سعادتنا
 وكل سنة والف سنة واسرة المدونين دائما وابدا بخير ورحمه وحب واكرام

 حـــواديت

أنشر الموضوع فى المفضلات الاجتماعية من هنا

تهنئه خاصه من قلبى

كل سنه واحنا طيبين

كل يوم واحنا فرحانين

كل لحظه بالحب متجمعين

تهنئه خاصه من القلب بقدمها

لاصدقائى واحبائى

ربنا يديم علينا السعاده

ويزرع فى القلوب الحب

أنشر الموضوع فى المفضلات الاجتماعية من هنا

لسه بدرى

والله لسه بدرى يا شهر الصيام

الايام الجميله بتجرى

ربنا يعيد علينا الايام بخير

كل سنه واحنا طيبين

دعوه لزياره مكتبه الفيديو

أنشر الموضوع فى المفضلات الاجتماعية من هنا

سؤال ... وجواب

فى البدايه أحب أشكر الاستاذ الفاضل صاحب هذه الدعوه ربنا يكرمه ويسعد أوقاته ويجازيه خيرا الاستاذ / ابو فارس صاحب مدونه

 ( المغاره ... هى حياتى )

 فهى عباره عن بعض من الاسئله للتعرف عن قرب

على الاشخاص الذين نتعامل معهم عن بعد

 وبعض الكتب الذى يتناولونها

وافكارهم وشخصيتهم من  نوعيه هذه الكتب
أحب اقول فى البدايه انى مش من هواه القراءه
لكن من فتره لاخرى أقرا بعض الاشياء
التى تشد انتباهى
فلست من الاشخاص الذين يدمنون الكتب
نبدأ فى الاسئله

1. من أرسل لك الدعوة ؟

الاخ الفاضل ابو فارس الهمام

(( ده الاسم اللى بحب ديما اعلق به فى مدونته ))

 جزاه الله خيراً

2. ما هي كتب الطفولة التي بقيت عالقة في ذاكرتك؟

بصراحه وانا طفله مكنش ليا تقل على القراءه

لكن أتذكر والدى الله يرحمه كان دائما

يشجعنى على القراءه وياتى ببعض المغامرات والمجلات مثل مغامرات تان تان

ومجله سمير
ومجله ميكى

وكتاب الف ليله وليله

وفى كتير جدا بس باحاول اعصر دماغى مش جايبه

معايا اكثر من كده
اصل الذهايمر بعيد عنكووا حاجه وحشه قوووى

3. مَنْ أهم الكتاب الذين قرأتَ لهم ؟

ياتى فى المرتبه الاولى الكاتب والشاعر

قداسه البابا شنوده الثالث

ربنا يديم لنا حياته

وبعد ذلك من الكاتب احسان عبد القدوس ، انيس منصور  ، اجاثا كريستى 

 4. من هم الكتاب الذين قررت ألا تقرأ لهم مجددا؟

لم يمر عليا حتى الان  كتاب اقتنيته

واخذت موقف من كاتبه يستدعى ان اقاطع كتباته

5.في صحراء قاحلة ، أي الكتب تحمل معك؟

طبعا بدون شك الكتاب المقدس الذى هو كلمه الله

وبعض الكتب الروحيه التى تنمى الروح والعقل
ولا شئ غير ذلك 

6. ما هو الكاتب الذي لم تقرأ له أبدا ، وتتمنى قراءة كتبه ؟
يوجد كثير لم اقرأ لهم  واتمنى ارجع للقراءه مره اخرى
لكن ظروفى اليوميه لا تسمح حاليا
7. ما هي قائمة كتبك المفضلة ؟

اولا انا بحب جدا اقرأ الروايات وماليش تقل ابدا لاى كتب علميه أو فلسفيه علشان كده أخترت للقائمه  الموت السعيد ( ألبير كامى )

أنتقام العداله - الضحيه - الطائره المفقوده - الرجل الغامض  ( اجاثا كريستى )

وبعض الروايات ( لاحسان عبد القدوس )التى تحولت

إلى افلام مصريه بعد ذلك
مثل

العذراء والشعر الابيض

فى بيتنا رجل

النظاره السوداء

يا عزيزى كلنا لصوص

الخيط الرفيع

الرصاصه لا تزال فى جيبى

الطريق المسدود ........... وغيرها

اوراق على شجر  ، زمن الهموم الكبيره

( انيس منصور )
وايضا يوجد الكثير من الروايات بس
نكتفى بهذا القدر

8. ما هي الكتب التي تقرؤها الآن ؟

حاليا لا اقرأ شئ غير الكتاب المقدس
لانه شئ ضرورى لا يمكن الاستغناء عنه 

9. أرسل الدعوة لأربعة مدونين من أجل مشاركتنا بذكرياتهم مع القراءة ؟

انا حبايبى كتير صعب عليا أختار منهم أربعه فقط لأني أحب أن ارسل الدعوه للكل

لكن ما باليد حيله
فاخترت

1. مدونة بابى  ( رامى )

2. مدونة مجرد انسان ( الحب الجميل )

3. مدونة باحث عند حب ( محمود )

4. مدونة بصراحه ( ويكا)

واتمنى مكنش ورطت حد فى هذه الدعوه وكل يوم

والجميع بألف صحه وعافيه


( ملحوظه على جنب )
أنا عارفه بعد هذا البوست فى ناس كثير
مش تحب تدخل مدونتى
لكن أنا مش بحب لبس الاقنعه الزائفه
ومدونتى مفتوحه وأهلا وسهلا
بأصدقائى وأحبائى
ربنا يسعدكم يا احبائى ويحافظ عليكم
والف سلامه ليكى يا حبى الجميل
ربنا يعفى عنك وتقومى بالسلامه وتنورى مدونتك

أنشر الموضوع فى المفضلات الاجتماعية من هنا